اخوي فهد موجود برياض بصلبوخ وبجده بذهبان هذه كانت الدوره الي الحين توهم داخلين لكن غيرها ماظن
والرواتب سمعت ان افضل قطاع هو الامن الخاصه
لكن الباقي اظن كل شغلهم راحه

المهم عسى ماطولت عليكم ؟
تجيهم للمقابله الشخصيه يصفونكم ع جدار على 10 اشخاص وواحد عند الباب ياخذ ملفك ويدخلك على رتب من عقيد الى لواء الى طبيب نفسي
المهم ترا الطبيب النفسي من تدخل مع الباب وهو عينه عليك يشوف نفسيتك وحالتك خلك عادي ومنضبط
تجي عند اول عسكري يسالك كم عدد اخوانك
تجي عند الثاني يقولك ليش سجلت في القوات الخاصه وهل عندك اخوان بالعسكريه
تجي عند الطبيب يقولك هل فيك صرع او احد من اخوانك او احد يقرب
تجي عند الاخير يقولك ابعد ثلاثة امتار ثم ارفع فنيلتك يشوف هل بطنك في عمليات او لا
ثم يقولون لك انتظر برا تجلس شوي يجي ينادي اسمك فلان بن فلان اذا مشت امورك يعطيك ورقه بيضاء للبصمات تروح لهم بكره
وملف اصفر تحليل واشعه وتفصيخ ههههههههههههههه
المستشفى يااخوان ترا مو في نفس اليوم يخلصونها لك لازم على ثلاثة ايام
وبعدها بيجيك رساله

يتبع ...

بعد الرساله يقولون لك اختبار لياقه
ضغط وبشم ولازم تشد حيلك مررره
ثم يقولك خذ لفه ع المضمار لو تهرول او تتمشى بنطردك لازم تسرع اقوى ماعندك
والله يعين اصحاب الدخان وانا منهم
ثم يقولون اركبوا الباص وبتجيكم رسايل
__________________________________________________ ___________________________________
اذا جتكم الرسايل
تحليل مخدرات تدخل دورة مياه الله يكرمكم ووراك عسكري ومباحث ويكون الباب مفتوح عشان ماتبدل او تغش
تسلم لهم العينه ويقولون لكم انتبهوا لجوالاتكم ترا اي لحظه يجيكم اتصال بموعد تسليم العهد وموعد الدوره ووين انعقادها
وسلامتك

مدري احس اني ناسي شي بس ولا يهمكم اذا تذكرت بقول لكم

دعواتكم لي

ملاحظه.... ترى يكشفون على النظافة الشخصيه ويخلونك تفصخ المقوصر عشان يتاكدون ... يعني لازم تكون مستعد نفسيا خخخخخخخخخخخخخخخخخخخخخخخخخ انتبهو للياقه اعرف واحد بس داخ عطوه احمر طوااالي يبونها من الله

هاااوي لاهنت ياغالي بس عندي سؤال
الحين المقابلة الاولى كم يوم ؟؟ هل هي 3 زي ماقلت ولا قصدك المقالة الثانيه وهل يطلبون الشهاة الاصل في البداية ولا تمشي معهم طبق الاصل ؟؟

المقابله في يومها وانت واقف
لكن المستشفى على ثلاثة ايام
اليوم الاول / تحليل دم وبول وانتم بكرامه
اليوم الثاني / اشعه للصدر والظهر وانت واقف ماتاخذ دقيقة
اليوم الثالث / اختبار عمى اللوان وكشف على البطن بالسماعه وكشف على العضو الذكري يشوفون فيه بعج ولا عملية
انا صريح يااخوان وابي الكل يستفيد لااحد يقول قليل حياء ولاشي
موفقين بإذن الله
واي استفسار او سؤال انا حاضر وتحت امركم