يا عيال الي نظرة ضعيف وش يسوي
والله طفشت من العطال واتمنى القبول
في ناس تقول البس عدسات
وانا اشوف هذا من الغش
ولو عديت النظر
وش اسوي بالدورة

[align=center][/align]السلام عليكم ورحمة الله وبركاته
وكل عام وانتم بخير والله يتقبل مننا ومنكم الاجر والثواب
اخواني بغيت افداتكم لي انا عندي اصابه من كورة والحمد لله مشيت كويس والحين شوي شوي بس بغيت اسال عن الهروله واللياقه من يوم الموعد الي انا باروح لهم والا مره ثانيه يسوون اختبار اللياقه

اتمني ياشباب اليه موعده قريب او جاه يخبرنا وشو صار معه من اول ماينزل من موتره الين يركب موتر

بعطيكم زبده المرجعات التي راح ترجعونها وهي 5مراجعات
1-اول موعد "" تسليم الملف ويتم تدقيق الاوراق وتدخل تاخذ الطول والوزان (متشددين السنه الى راحت) وبعدها يشوف رجلك مفلطحه او لا وبعدها فحص النظر(متشددين) اي واحد معه عدسات او اي شي مكشوف بعدها تروح عند ثلاث ضباط يوقع على ورقه حقت الفحص اللى هوه طول وزن رجليك نظر وتروح بعدها على 3 افراد تاخذ موعد للمقابله الشخصيه
2-ثاني موعد المقابله الشخصيه "" تدخل على 5 ظباط لاتقل رتبتهم عن نقيب ودكتور نفساني
بعضهم يسئلك وبعضهم يوقع على ملفك على طول
من الاسئله (ليه دخلت العسكريه) (اقرالي سوره من القران او يحدد لك السورة هوه) (وش اسمك كامل) (من اين انت) (يعطيك جريده تقري منها مقال والمقال يجيك مثل ثورة سوريا او شي سياسي) (يخليك تفتح عن بطنك يشوف مافيه شي حروق او اي شي ) بعدها يقول خلاص تطلع تنظر برى 10 دقائق ويجيك عسكري (فرد) معه بطاقتك وكرت العائله ويقول لك مبروك اجتزتا المقابله او يقول مالك نصيب اذا لك نصيب يعطيك الكشف الطبي اوراق العمده وتعطيه الصور الشخصيه وتختار مكان الفحص انت تبيه في جه مكة الطائف المدينه الباحة اي مكان وبعدها تضربها الباب
3-الموعد الثالث تسليم اوراق الفحص الطبي مع اوراق العمده وصوره بطاقه الكفيل وشهاده مصدقه من المدرسه واداره التربيه والتعليم وتاخذ يعطونكم ورقتين واحده تسجل فيها ارقام الجوال لثلاث اشخاص وتوقع وورقه تعهد ان الدورة بتجيك في اي مكان والتعيين في مكان ويعطيك موعد لختبار الياقه وتضربها الباب
4 الموعد الرابع "" اختبار لياقه ويبدا تقريبا الاختبار بعد الفجر مباشره وهوه لفه على الميدان تقريبا 400 الى600 متر ويبيلك تدعسس اسرع ماعندك بعدين دقيقتان اختبار البشم وسهل الى تقدر تجيبه مثل انا جبت 10 اعطاني 40 متساهلين طبعا الاختبار من 70 واختبار الجذع (البطن) عاد سهل حاول الى تقدر تجيبه انا جبت 30 اعطاني 45 من 70 وبعدها يقول يجيكم اتصال
5-الموعد الخامس والاخير "" تحليل السموم(المخدرات) تجيك رساله على الجوال تقول ان عندك موعد في تاريخ كذا كذا في قوات الامن الخاصه باام الحمام في امن المعلومات مصحوب ب الهويه الوطنيه تروح عندهم يعطونك علبه تدخل الحمام وعسكري وراك يعني ماتقفل الحمام وتعبي العلبه بول وقافي وتدخل وتسلمها وتضرب الباب بعدين يجيك اتصال لتحديد الدورة واستلام العهد يـأ من صلبوخ او ذهبان وبعدها بااسبوع تبدا الدورة