تجمع المتقدمين لقوات الأمن الخاصة 1433هـ أستفسارات ــ ونتائج

هآوي القوات · #**831** (**permalink**) 30-07-2012, 04:38 PM

اقتباس:

المشاركة الأصلية كتبت بواسطة د نواف

ياشباب تكفون جاوبوني ..,

الحين لو خيروني بالتخصصات.. وش اختار ؟ ((( انا ابي تخصص مريح واهم شي يكون "بجدهـ" )))
ويكون الدوام مو طويل .. ولا هو كرف وقرف .. <-- مايهم الراتب ابداً .. مادام فوق 6 الاف الحمدلله

وياليت تذكرون لنا وش هي تخصصاتهم .. وطبيعه عمل كل تخصص

ولو تسوون لنا موضوع شامل عن القوات الخاصه وتريحونا مو أحسن ؟ ]:

,,,
ونصيحه للشباب .. لاتسألوا فقط عن الراتب .. اسئلوا عن الدوام وطبيعه العمل
وش الفايدهـ لو راتبك 15 الف .. وتكررف طول عمرك وبعيد عن اهلك ؟؟؟

المهم .. ياليت احد يجاوب على اسئلتي .... والله يوفقكم

يالغالي لآتحلم بالراحة ف العسكرية لكن في تخصص ارحم من غيره .. طبعا معروفه قوات الامن الخاصة مافيها عمل ككثير .. طبعا حسب تخصصك .. امن الطائرات افضل تخصص بالقوات بعده تبدا الخطورة مثل مكافحة الارهاب و تحرير السفن وغيرها ..

وكل تخصص له اصنافه .. مكافحة الارهاب يوصل الراتب لـ 8850 وامن الطائرات لهم بدلات قوية من الخطوط الجوية .. اما التعيين فهو ف 3 مناطق الدمام والرياض و جدة لان مافيه قوات بغير هذا المكـآن ,, تحيــآتي لك ..

سبوع · #**832** (**permalink**) 30-07-2012, 07:24 PM

الله كريم

نواف المذهان · #**833** (**permalink**) 31-07-2012, 01:51 AM

مشكووووووووووووووووور

خآلد إلعز · #**834** (**permalink**) 31-07-2012, 04:11 AM

اقتباس:

المشاركة الأصلية كتبت بواسطة عشہہق بہہدوي،

اخواني يقولون ان القوات هالمره راح تقبل عدد كبير

وراح تمشي الناس ,, صحيح والا لا

حتى أنآ سمعت مثل هآإلكلآآآم إن شاء الله خير للجميع ..

بدرّ · #**835** (**permalink**) 31-07-2012, 11:38 AM

اقتباس:

المشاركة الأصلية كتبت بواسطة الجندي داحم

البارح قابلت لي رئيس رقباء في القوات الخاصة وقعدنا نسولف قال شف اذا طولك ممتاز خلاص كل شيء متسهل اهم شيء عندهم الطول , يقول النظر لو ناقص شوي يمشون , بس اهم شيء الطول

يقول تاخذون جندي اول // راتبك مايقل عن 9 الاف هذا كلامه
والتخصصات هم يختارونها حسب الارقام الشاغرة

ويقول افضل تخصص هو امن الطائرات يقول ناخذ عليه في السنه 35 الف بدل انتداب غير بدل جو 1500 ريال

ونصحني وقالي بالحرف الواحد

نصيحه من اخ لـ اخوه لا تفوتك قوات الامن الخاصة تتعب اول شيء وتعيش طول عمرك مرتاح وماتصير في حاه احد

هذاا اللي صار معي وحبيت انقله لكم

يعطيك الف عافيه

طيب بسالك الوزن مشددين عليه

عيامري · #**836** (**permalink**) 31-07-2012, 12:14 PM

كم راتب الرقيب
وعملهم دوام والا أستلامات
وطبيعة عملهم
وابقى نصيحة منكم انا معلم وكاره التعليم هل اني اكمل اجراءات القبول والا اريح مع العلم اني احب العسكرية
البدلات حق القوات ايش هيه

د نواف · #**837** (**permalink**) 31-07-2012, 12:36 PM

اقتباس:

المشاركة الأصلية كتبت بواسطة جندي اول دجه

يالغالي لآتحلم بالراحة ف العسكرية لكن في تخصص ارحم من غيره .. طبعا معروفه قوات الامن الخاصة مافيها عمل ككثير .. طبعا حسب تخصصك .. امن الطائرات افضل تخصص بالقوات بعده تبدا الخطورة مثل مكافحة الارهاب و تحرير السفن وغيرها ..

وكل تخصص له اصنافه .. مكافحة الارهاب يوصل الراتب لـ 8850 وامن الطائرات لهم بدلات قوية من الخطوط الجوية .. اما التعيين فهو ف 3 مناطق الدمام والرياض و جدة لان مافيه قوات بغير هذا المكـآن ,, تحيــآتي لك ..

يعطيك العافيه

طيب وش طبيعه عمل
امن الطائرات .. وحمايه الشخصيات ؟

انا ابي تخصص .. مافيه سفر ومرمطه بالايام ولا بالاسابيع

يآلييل العطآله · #**838** (**permalink**) 31-07-2012, 05:32 PM

يآآآشبآب الييي يوم يرووح لريآض في 15/10 يقوووولي ومن القصيم طبعهآً يرسل رسآلة على ـآ الخآص

klash · #**839** (**permalink**) 01-08-2012, 04:37 AM

ياعيال والله إني محتار ..

انا الآن ادرس جامعه المستوى الرابع تخصص فيزياء المعدل 2.70

ومقبول جندي أول فالأمن الخاص ..

وش رايكم ؟؟

أسحب ع الجامعه ولا لا ؟؟