ي أخواني اركدو الله يهديكم اليوم اول موعد بقوات الأمن الخاصة والحين كلهم في مركز أم الحمام
يعني لا أحد يتوقع اي رد الا شوي بالليل او بكرة ادنى شي
والعجله مافيها خير
والله يوفقنا يارب باللي فيه خير
واللي مواعيدهم قريبة معليهم راح ياخذون المعلومات اللي يبونها قبل مايروحون لموعدهم

دعواتكككم ي أخوان انا بحاجة هالوظيفة

الإدارة يرحم الله ولديكم ويوفقكم ويعطيكم العآفية ثبتو الموضوع ثبتو الموضوع والله تعبنا وحنا نقول ثبتوه
إفيدونا بتثبيته مو كل شي ينرفع وينزل احترامي لسمو إدارتنا

سلام عليكم
ارجوا من الاخوان اللي اليوم موعدهم يقولون لنا هل هم مشددين على الطول او لا خصوصا اللي ينقص بس سنتيمترات قليله جدا

ماراح يقصرون بيجون يعلمونا كل شيء بيصير بسس ادعوا لهمم

الله يوفقهم ان شاء الله

انا موعدي اخر شيء 8 - 11

اللهم يارب يسر لي اموري وامورجميع المسلمين يارب يسر لنا في القوات الخاصة يارب

قال تعالى " فقلت اسْتَغْفِرُوا رَبَّكُمْ إِنَّهُ كَانَ غَفَّاراًيُرْسِلِ السَّمَاءَ

عَلَيْكُمْ مِدْرَاراًوَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَاراً "

قال صلى الله عليه وسلم : ( من لزم الاستغفار جعل الله له من كل هم

فرجا ومن كل ضيق مخرجا ورزقه من حيث لا يحتسباملاء دقائق الانتظار بي الاستغفار


للأمانة منقول: https://www.btalah.com/showthread.*****..#ixzz24jCXvmJh

السلام عليكم

أنا من الناس اللي موعده اليوم .. وطبعا كل اللي اليوم جامعيين

وصلتهم الخامسه والنص صباحا .. ونادوا في الأسماء من الساعة خمس وخمس وأربعين دقيقة

طبعا قالوا لنا ضروري يكون معك بطاقة الأحوال الجديدة أو الرخصة الجديدة في حال بطاقتك قديمه

تقريبا نصف ساعة علبال ماينادون الأسماء ويصففوننا عشان نركب الباص

ركبنا الباص .. وودانا لمبنى فيه جلسه خارجيه مكيفه صحراويا

المهم رقونا فوق وشيكوا على أوراقنا كامله ماهي كامله .. طبعا فيه شباب ماجابوا ملف علاقي أخضر وبغوا يطردونهم فضروري إنكم تجيبونه


الأوراق يقولك حط أول شيء النموذج ثم بعده ماتفرق .. اللي نفس طلبات الموقع . وأزينلك خرم أوراق وحطها بالملف ... طبعا اللي من مواليد قبل 1404 مايقبلونه .. لأن فيه واحد رفضوه من مواليد 1403

المهم صفينا مرة ثانيه طبعا جالسين ومكيف ولطعونا اللجنه ما يداومون إلا ثمان من تقريبا سبع ننتظرهم ..

ثم بعد كذا دخلنا على اللجنه رافعين السروال عن الساق .. وأول شيء الدكتور اللي يناظر الأقدام والسيقان الله لايبلانا .. بعده تطلع تصف صف ثاني على الوزن والطول .. وأشوف كذا واحد مخالف الشروط .. اللي قصير الظاهر ماله حل .. واللي نحيف يعطونه مهله .. والظاهر اللي سمين .. ثم تمر بملفك على دكتور يوقع على الطول .. ثم تصف عند أطباء فحص النظر .. يقولون إن الشايب المصري طيب أحسن من الثاني .. إذا عديت كل المراحل عطوك موعد للمقابلة الشخصية .. حنا عطونا السبت الجاي وقالوا تلبسون بدله نفس اليوم ..

.. من ضمن الملاحظات قالوا ارموا الولاعات أو الدخان هذا الصباح بدري .. ويوم دخلنا شافوا كذا واحد لابس قبوع أو كاب قالوا افصخه .. لا أحد يلبس جزمه عشان لازم تفصخها عند الكشف كل ماخففت أعراضك الشخصيه احسنلك .. الجوال لازم تقفله .. الشعر لازم تحلقه على ثلاثه ومايمنع أقل ..

اللي وزنه ثقيل ينصح بتخفيف أكله والتخفيف من شرب الماء .. والعكس للنحاف لاتنسون من طلباتهم اللي بالموقع شيء


هذا ما أحببت أن أبين لكم .. وفقني الله وإياكم لما هو خير لنا .. ومن لم يقبل فلربما هناك خير ينتظره .. لاتنسوني من دعائكم..

جزك الله خير وعقبال القبول النهائي

بس عندي استفسار كيف طريقة كشف النظر سهل

دوار مثل c c c او حروف حرف EEE

الله يوفقك يارب بلقبول النهائي بس بسالك كم طلع طولك عندهم ومدققين على الطول والي اصبع يده في اعاقه بسيطه وش وضعه افيدوني الله يوفقنا وياكم سجلت جندي وشهاده الحاسب تطلع الاسبوع الجاي ونا موعدي 29\11 عادي يعدلولها لي ولا لا

صبحكم الله بالخير


ابشركم ياعيال اعطوني رقم للمقابلة الشخصية يوم السبت دعواااااااتكم لنا وبصير رقيب بالامن الخاص وفل ياولد



المهم بيض الله وجهه اخوي على المعلومات بس حبيت اضيف الي عندي


ياشباب اول شي حاولوا تجوون قبل 6 لان بدوا بالاسماء قبل 6 وبعدها تصف سرا وتركب الباص وبجيكم العسكري الي بالباص يستضرف عليكم هههه وبيقولكم الي دوب لا يشرب مويه والي ضعيف يشرب مويه عشان مايطير بيسوي لكم مراجيح مع مطباتهم ههههههههههه

المهم مابي اطول بالوصف لان اخوي ماقصر قال الي عنده بس تراهي توافيق من الله انا طولي 181 والجهاز الزق حاط طولي 179 وواحد بعدي طوله 179 حط الجهاز طوله 184

الزبدة ان جهازهم شكله معطوب هههههههههههههه

وتراهم حبيبين وطيبين اهم شي طولك ووزنك نفس الشروط ولا سوف تنكرش


حقت العيون هي cccc حاولوا تقزونها من بدري لان الي تحت صغيرة مرره ومبعدين الكرسي الحيوانين مرره عن الجدار بس الحمدلله انا تيسرت
تقريبا تقدرون تقولون اهم شي الوزن والطول وكشف الرجول اذا سليمة باذن الله راح تعدي

الله يوفقكم جميع ويحققلكم امانيكم


دعواتكم