تكفوون اللي مقابلتكم اليوم عطونا وش يصير معكم ((بالتفصيل))

الله يعوض على اخواننا اللي ماتيسر لهم المراجعه .. و الله يرزقكم باحسن منها .. دعواتكم لي ولآخوآني المتقدمين

يا اخوان اليوم التقديم على قوة الصواريخ الاستراتيجية
http://www.smf.gov.sa/

14/10/1433

يبون طول 168

إلى متى يستمر التقديم ؟ يستمر التقديم على موقع قوة الصواريخ الإستراتيجية بشبكة الانترنت خلال الفترة من صباح يوم السبت 14/10/1433هـ إلى الساعة الثانية ظهرا من يوم الأربعاء 18/10/1433هـ .
ما هي الشهادات والتخصصات المطلوبة في التقديم ؟يوضح الإعلان بالموقع على شبكة الانترنت الشهادات والتخصصات المناسبة للوظائف.
ما هي الرتب الممنوحة للمتقدم ؟يوضح الإعلان بالموقع على شبكة الانترنت الرتب الممنوحة للمتقدم للتجنيد حسب الشهادة التي تم التقدم بها وتوفر الشاغر.



بالتوفيق للجميع

السلام عليكم

ياشباب ابشركم اليوم كان عندي مقابلة شخصية والحمدلله كانت اسهل مما توقعت بكثيرررررر

لما كنا داخلين جانا ضابط قال ياشباب لاتتكلمون عن الاسئلة بعد خروجكم من المقابلة يقول السنة الماضية استبعدنا 10 اشخاص بسبب هالشي وحرام نستبعد احد منكم عشان اشياء زي كذا

يعني لما تطلع من المقابلة لا تسوي فيها وتعلم اخوياك اطلع وانت ساكت

المهم اول مادخلت للمقابلة الا قدامي 5 ضباط تراهم ماخذين الدعوة طقطقة وقبل ماندخل جانا عسكري قال اهم شي شد نفسك وارفع صوتك مايبغون الي يتكلم بصوت راخي

طبعا انا دخلت كاني رجل الي قلت بسوي فيها شديد ههههههههههه
رحت للاول قالي ايش اسمك قلتله اسمي ثلاثي قالي ما اسمعك ارفع صوتك ؤرجعت قلت اسمي بصوت عالي قالي ايش اسم جدك قلت احمد قالي ايش اسم امك قلتله اسم امي كامل << ياشباب تراهم يدققون عليها كثير لا حد يسوي فيها رجال وعيب تراهي عادي تقول اسم امك ماهو عيب
بعدين قالي من وين
المهم رحت للثاني سالني وش كنت تشتغل بعدين قالي ليه تبي تدخل للعسكرية وقالي ارفع فلينتك لين صدرك ولف يبي يشوف مسوي عمليات ولالا وبعدها للضابط الثالث سالني تلعب رياضة قلت ايه حديد وكورة وقام يتفلسف ايش تمارين الحديد الي تلعبها وقولي جدولك كامل الي تمشي عليه وتفلسفت على مخه ولما وصلت للرابع هههههههههههههههه قالي ليه داخل العسكرية قلت خدمه لديني ووطني << طبعا ياشباب اي واحد منهم يسالكم ليه داخلين العسكرية لا تقولون عشان الراتب ومافيه وظايف انتبهوا انتو بس تفلسفوا وهايطوا
قالي بس قلت دفاع عن ارضي وديني وانا عندي طموح كبير ابغى احققه وقمت اتكلم كاني القي خطاب ههههههههه قالي ياولدي انت كنت تدرب على خطاب تلقيه عندنا هههههههههه قلت لا والله طال عمرك


المهم الاخير قالي ابوك وين يشتغل وليه دخلت قسم شريعة وسلامتكم


اخر شي ياشباب احب انبهكم على اشياء منها :

اول شي خلك شاد نفسك وواثق من خطواتك وانت رايحلهم ولا ترتبك ابداااا ولا تتعتع بالكلام قدامهم ابد خلك فله معاهم انا كل شوي اضحك وسلكت اموري

ولا تستحتي من اسم امك قوله وانت واثق من نفسك

وترا اكثر الاسئلة معلومات عن نفسك واختبار لمدى صبرك وتحملك في الرد وسرعة بديهتك

يعني لا تشيلون هم الاسئلة مستحيل مافيه شي مابتعرفه



الله يوفقكم جميع وييسرلك اموركم وفالكم القبول النهائي

سلام :-)[caution]null[/caution]


ياعيال موعدي بعد يومين

وبطاقة الاحوال ضاعت من سوء الحظ

وماعندي رخصة. .

لكن عندي صورة للبطاقة واضحة المعالم. .

هل الامور بتمشي تمام ولا بيصير فيها استقعاد o

شباب نسيت اقولكم اليوم واحد سال العسكري عن الي فاته الموعد حق القبول المدئي

يقول يطبع الورقة من النت ويجيب اوراقه كاملة ويجي مقر التجنيد ويعطونه موعد

[align=center][align=center]

اقتباس:

المشاركة الأصلية كتبت بواسطة راحتي صلاتي شباب نسيت اقولكم اليوم واحد سال العسكري عن الي فاته الموعد حق القبول المدئي يقول يطبع الورقة من النت ويجيب اوراقه كاملة ويجي مقر التجنيد ويعطونه موعد

جزاك الله خير
كلالمك صحيح وانا كنت معاكم

[/align]
وفي المقابله خلوني اجري ههه خلوني اخذ لفه عل الغرفه ومعاهم دكتور نفسيه جالس في الوسط لما قربت جنبه كان قاعد يبحجر فيه ناداني وقالي مسوي نفسك منت شايف قتلو شايفك بس مشغول مع الضابط الثاني ههههه قلي تمام مشيتك يلاه واروح عند الثاني ومشاني وأنتهيت وعطوني ورقه البصمات والالأحوال ومستند اصفر تكتب فيه جدك وقبيلتك كامله
وحق التحاليل اذا كنت تبغى تسوي التحاليل في الرياض مايسلموك الأوراق تحاليل هم يودونها وأذا كنت تبغاها في اي مدينه ثانيه يعطونك الأوراق في يدك بأسم مستشفى محدد منهم فقط وفالي وفالكم القبول النهائي [/align]