المشاركة الأصلية كتبت بواسطة عاااطل منتظر

السلام عليكم ورحمة الله وبركاته انا من دورة 42 تم تخرجنا من الفرد الاساسي ولله الحمد
والف مبروك ل 41 تخرجهم من اعمال قوات
والله يوفقكم ونشوفكم قريب يادورة 43
اتمنئ للجميع التوفيق




اي سؤال او استفسار انا حاضر

المشاركة الأصلية كتبت بواسطة رائد العصيمي

انا بفيدك بعد اذن اخوي عاطل..

التمارين ( بشم + بطن + انطلاقات + تقويه للعضلات واطالة + العروق الخشبيه + الحواجز + ميدان الصاعقة )

طبعا البرنامج منوع مو تاخذها يوميا يمكن كل اسبوعين او 3 اسابيع تجيك مرة وحدة

الحصص مدتها من 45 دقيقة الى ساعة

15 دقيقة هرولة خفيفة والباقي اطالات وتمارين بس صدقني عادية ويبدأون معكم بالتدريج يعني مايجيك ضغط الا وجسمك يتقبل الضغط






45 يوم اصعب مافيها اول 3 ايام عشان تتأقلم بس صدقني الي هاويها بيكمل لاتفكر بنفسك فكر دايما وش ينقصك عن اخوياك الي معك داخلين وانت بتطلع .. لاتفكر برا وكيف الاوضاع فكر كيف تقضي يومك وعش اليوم فلة وضحك وبتمشي الايام بسرعة وماتدري الا انت طالع من ال45

النظام اليومي .. الصحيان تقوم من النوم الساعة 3 او 2:30 على حسب الصيف او الشتاء
تقوم تلبس وتتوضأ وتنظف الغرف طبعا النظافة بالارقام يعني مو كل يوم تنظف يمكن فالاسبوعين مرة
بعدها تروح للمسجد وتصلي ثم تطلع للميدان تشكيل وتكميل بعدين تروحون لميدان الترابي الي فيه الهرولة
تنتظرون لين يكتملون الضباط ويجي قائد المعهد ويرفعون له العدد والتكميل بعدين تبدأ الحصة الرياضية ومدتها 45 دقيقة بعدين ترجعون للميز تفطرون بعديين تروحون تغيرون اللبس ووراحة لمدة نص ساعة بعدين تبدأ حصة المشاة العسكرية ومدتها من 45 دقيقة الى ساعة بعدين راحة وفيه حصة ثانية اول 20يوم بعدين بدل الحصة هذي يعطونك فصل دراسي بمعنى دراسة وكتابة وفلة ونوم .. اذن الظهر بعد الاذان تكميل وتروح للغداء بعد الغداء على حسب الانضباط ياتروحون تنامون او يجازونكم تصليب ..العصر حصة هرولة وتقوية لين المغرب .. بعد المغرب عشاء او حصة كاراتيه .. بعد العشاء ياتتعشون او نوم وبس

نظام منوع صدقني ماراح تطفشون لكن التعب فيها تعب لكن انا دخلت وحاط بين عيوني المثل المشهور ( يامدور الهيّن ترا الكايد احلى )

دعواتكم لنا

المشاركة الأصلية كتبت بواسطة دورة القوات

عساكم على القوه موفقين ان شاء الله الي اخلص اموره باذن الله مقبول مثل ماقلت لكم انا من دورة 42 وخرجت بعد ثلاث شهور لظروف خاصه المهم شدو حيلكم بالياقه عشان ماتتعبون بالدوره لاتهملون الياقه والدوره ان شاء الله سهالات وعلى ماسمعت من ناس ان الدفعه الاولى بتدخل شهر 1 والفرز بالطول يعني من 189 وانت نازل موفقين ياوحوش ونصيه بالدوره لاتخلون المدربين يعرفون اساميكم