بكتب هالموضوع وفعلاً الكلام الجاي أعتقد أنه فعلاً غريب قبل ما ابدأ بالموضوع أقول أنه هالموضوع يدل على تدني الطب النفسي في المملكة إما ان يكون في القطاع الخاص أو العام وعدد الأطباء النفسيين اللي عليهم الكلام نادرين عندنا والله المستعان الكلام هو إني سألت واحد باين عليه أنه عنده خبرة بعلم النفس قلت قلت له ماهو علاج الرهاب الاجتماعي والوسواس القهري قال أنظر للوجه الجميل يعني أنا إذا بغيت أحسن نفسيتي أدور واحد مزيون بالشارع وأصور جنبه وأحط الصورة تحت مخدتي وأشوفها قبل النوم هل هذا الكلام مقبول ؟؟؟ والآخر محلل نفسي يقول لي شف الناس وقلدهم يعني كيف أقلدهم؟؟؟ هل هل تقليد الناس أصبح علاج نفسي؟؟؟ والثالث محلل نفسي بعد يقولي لا تحسن الظن بالناس؟؟؟ يااخواني واخواتي هل الطب النفسي عندنا أصبح اسم فقط؟؟؟ على كل حال أترك الموضوع للمناقشة والحوار والله يوفق الجميع لكل خير.

تبي الصراحه اغلب دكاتره المرض النفسي هم مرضى نفسيين
بدال مايكحلها عماها
الواحد يقرا القران ويذكر الله تزين الحياة وترتاح نفسيا ماعليك من الدكاتره والكلام الفاضي

ذكر الله دووواء

اذا كنت بهذه الدرجه من التفكير والنضج فلماذا أنت بحاجه الي طبيب نفسي .!!
انت لا تحتاج الى ذلك ولا أعلم كيف ومن شخص حالتك ..!
اما بحاجه الي ذكر الله والجلوس مع الأصدقاء ، وان تشغل وقت فراغك بما هوا خير لك ..

يااخوي باين عليك ماعندك مرض نفسي من اسلوبك بالطرح يمكن عندك ضغط عصبي اوتفكيرمستمريبيله بس تعديل وبرمجه انصحك بالعلاج السلوكي تتكلم فيه ودكتورفاهم يناقشك ويساعدك بدون حبوب اودواء وهذا العلاج نافع روح لدورات تطويرالذات اوشوفهاعالنت واذا كان عندك وسواس قهري انصحك تسمع شريط فيه الاذان والتكبيروالرقيه وردددائماالله اكبرالله اكبرممااخاف واحذرالله اكبرالله اكبرعددذنوبناحتى تغفرداوم علي هالذكروبتشوف العافيه وقوي قلبك وقولهابيقين وثقه وعلى ضمانتي انك راح تتحسن انت باين ان عندك ضغوط وغضب لازم تفرغه انصحك سوي رياضه وصلى كثيروالله لتشردالوسوسه وفالك العافيه واشغل نفسك بشي يفيدك قبل نفسك تشغلك وكلام الناس يضيعك وهالدكاتره والله يبيلهم علاج وتربيه من جديدباين عليهم موقدالامانه ابعدعنهم ولاتتعب روحك معهم

اخي ليس كل من ادعى انه طبيب نفسي او مختص يصدق ادعاءه !

الرهاب الاجتماعي او الوسواس القهري امره هين بجانب بعض الامراض النفسيه !

والخلل الظاهر في المصاب بهذا المرض يكون على شكل سلوكيات غير سويه ظاهريا !

وذلك يمكن اصلاحه وعلاجه وليس بالأمر المستحيل

ولكنه يتوقف على مدى قدرة المريض على تقبل نفسه كما هي ثم تغيير بعض قناعاته السلبيه

الجأ لشخص مؤهل ومختص ان لم تجد في نفسك المعين اخي !

بالتوفيق

والله ياخووي

أسلوبك وطريقة سردك. لاتدل على مرض نفسي وماهي الا علامات ياس. وظغوط نفسية

تكون أسبابها اجتماعية نفسية أسرية. وساوس قهرية. او تناذر.

أتحداك ان مافيك الا العافية. اللي فيك استسلااااااام. وعدم مقاومة للواقع اللي تعيشة .

إحساسك بالتعاسة والوحدة والانعزال. تراة بداية السقووووط ... بمستنقع الامراض النفسية.

خليك قوي الايمان بالله. وابتسم للحياة وردد. أنا مافيني الا العافية. أعوذ بالله من إبليس.

وياليت ترجع لتعليقي على موضوعك الثاني.

والله يوفقك ويسعدك

كلامكم ميه بالميه وانا أأيد كل الردوود