السلام عليكم

كيفكم شباب & صبايا

المهم نروح لصلب الموضوع (( سويت مقابلة في عذيب للاتصالات ودقو علي وقالو الراتب 6000 كامل ,, مع اني حاصل بكالوريس ادارة اعمال مسار المالية واتقن اللغه الانجليزية بس للاسف الاساسي 4000 وشوي

فية احد يعرف كم رواتبهم علشان اضغط عليكم او اقبل العرض والشكوى لله

ياليت الي يدخل يساعدني بشي

تحطيم 6000 كامل لا ويخصمون التامينات يعني الصافي اخر الشهر 5450 مو حرام دراسة وتعب وخرتها هل راتب ياليت نصايحكم

هل اقبل او ارفض

مع العلم ان الدوم من 8 ونص الى 5 ونص وخرتها على 6000

الي يعرف وضع الشركة اي شي يخبرني

اقبل وأتوكل على الله


ترى فرص ما تتعوض وادا جاك أحسن منهم. اطلع عنها

سبحان الله كم تبي يعني.؟؟
ارضى بالقليل تتيسر امورك.

هلا اخوي

أنا اقول اقبلهاا. ونفس الوقت قدم على الوظايف المطروحة

وارسل السي في. واذا جاك اللي احسن منها اسحب عليهم

بس تراني مادري عن عقدهم يكون فيه شرط جزائي ولا لا

بعدين اسمحلي أقولك انت شاب وبقوته وصحتة ماشاءالله تبارك الله

ايش اللي يخليك تجلس حتى البنات ماصاروا يكسلوا دومات ومسؤليات.

ياخوي الشغل افضل مليون مرة من الجلسة يكفي ان العمل اعتبر من العبادة

سامحني اذا صرت صريحة بزيادة بس والله من حرتي العمل زين لو راتبة قليل

موووووووفق بإذن الله

مشكورين على الردود جالس مخطط اكنسل العرض بس حرام شركة زي هذي تعرض كذا

هيومنتــــــــــــــــي شنو تقصدين بشرط جزائي ممكن توضحيلي :

رونالدينو اتمنى ما يقل عن 8000 كل اخوياي الي تخرجو معاي فوق 8000 الى تقريان 11000

القهر يالي يعاتبني درست 6 سنوات بحدى الجمعات الخاصة بالرياض يعني تعب تعب وخسارة دراهم


اتمنى انتظر ردود الباقين لان طلبت منهم يوم افكر بالموضوع ياليت لو يوصلونة 7000

الشركة الي عندة علم عنها يقولي وضعها فية امان او مجرد وقت سعودة بعدين نمسك الباب

اتحاد عذيب للاتصالات المعروفة ب قو go

اخوي اقبلها خبره سنه بتحصل عروض من 10000 طالع ..

نصيحة لاتنكسل اقبلها .. ترا الخبره احسن من لاشي

بالتوفيق

اقبل ولو حصلت احسن رووح
عصفور باليد ولا عشرة بالشجرة

اخوي لاتكنسلها

أقبلها يكفي بدل الجلسة تاخذ خبرة تضيفها على السي في

وبعدين اخوياك أخذوا ثمانية أخذوا عشرة. ترى كل واحد ونصيبة وليس كل مجتهد مصيب !!!!

الشرط الجزائي يعني كل شركة وعندها شرط اقل شئ لو قدمت وانقلبت بمكان ثاني وانت على راس العمل

احتمال يرفضون استقالتك الا بعد إتمام ثلاث شهور وآخر شهر بدون راتب او يكون مستقطع.

انت تأكد. وإقراء العقد زين

والله يوفقك.