17-07-2012, 02:58 PM
|
عضو متواصل
|
|
تاريخ التسجيل: Mar 2007
المشاركات: 91
معدل تقييم المستوى: 39
|
|
بنات انا اليوم رحت الوزارة بجدة بسلم الكشف الطبي, وصلت الساعة 11 وزيادة وكانت القاعة شبه فارغة مافي غير 2 مراجعات و4 موظفات, وكل موظفة تحذفني على زميلتها لحد ما وصلت آخر موظفة وكانت الموظفة تقريبا شبه وزيرة تكلمني من أنفها, استلمت أوراقي واستغربت اني حاطة شهادة الماستر وقالتلي بالحرف الواحد يعني أنا شسويلك بهذي الشهادة قلتلها هذا اللي انتم طالبينه في النموذج اسم آخر شهادة حصلت عليها و صورة منها, قالتلي هذا نموذج قديم, طيب نموذج قديم انا ايش ذنبي تنفخو فيني ليش ما تجددون نموذجكم, وفضلت تتعامل معايا كأني موظفة عندها والعكس هو الصحيح هي الموظفة في مكان تخدمنا فيه وبتاخذ راتبها على هالأساس, وانا متأكدة انها معاها حساسية من الشهادات العليا ولا ماكان احمرت وازرقت من شافت الشهادة
المهم سألتها كيف اعرف المدرسة اللي اتعينت فيها قالتلي روحي ادارة التعليم اللي طلع اسمك فيها, ورحت ادارة التعليم وشفت أنواع من التطفيش والتنفيخ وجوه عليها غبرة ولا حول ولا قوة إلا بالله حتى العاملة الحبشية انعدت من أخلاقهم اسألها تقوم تصارخلي شوفي الإعلان قدامك و تقاطعني بتأفف وتنادي اسماء المرشحات على الوظائف التعليمية كان عندهم مراجعة لتعديل الرغبات المكانية
ما اقول غير ياريت يصرفولهم بدل أخلاق بعد ما يدخلون دورة اجبارية في العلاقات والتعامل مع الناس يمكن تتغير أحوالهم والله يعيني ويعينكم
ياريت كل الموظفات في الوزارة مثلك اخوي الهارديسك, إنت بتجاوب على الأسئلة وبتخدمنا لله من غير ماحد يتكبد عناء المواصلات والحر والسفر, الله يجعله في موازين حسناتك والله هالتعامل مارح يضيع عند الله إلا ما يجي يوم ويوقفلك القريب والبعيد ويسخر لك خلقه يخدمونك مثل الملك
|
مع الشكر الجزيل لكل من يفيدني بخير 
العرض العادي
