الاخ هارديسك انا من المعينات في المجمعه واحتياجها 124 وترتيبي 31 من بين المعينات سؤالي هل تعيني سيكون في المدن وليس في القرى

اخواتي السلام عليكم
حبيت اقدم لكم خدمة ويعلم الله ان معاناتي تمثل معاناة الالاف من اخواتي المرشحات اللي عينتهم وزارة الخدمة المدنية وشتتوا اماكن توجيهنا وفاجأونا باماكن لم نكن نتوقعها وبالاخير كان عذر وزارة الخدمه انه تم توجيهنا لمناطق احنا اخترناها والصحيح اننا لم نختار الا اماكن التقديم على التعليمي مو الاداري ولو كانوا صادقين وواضحين معانا كان فتحوا لنا رغبات التعيين على الوظائف الادارية مثل ما فتحوا رغبات الاماكن على الوظائف التعليمية

عموما يابنات ما ينفع نتجمع هنا ونقول بنسوي ونسوي وكله بالاخير كلام ومنتدى لا راح يوصل صوتنا ولا توصل معاناتنا الى اي احد سوى انها فضفضة وبالاخير كل وحده منا تشد رحالها الى اماكن لم تكن تتوقعها تاركة خلفها زوج وابناء ومدارس وسكن ومعاناة قد تمتد الى سنة او سنتين او ثلاث ،،، الله اعلم



باختصار حبيباتي :
انا ناويه اقدم لكم خدمة لوجه الله تعالى ومابي منكم الا الدعاء والتوفيق لي في مسيرة حياتي الادارية لاني رايحه رايحه للمنطقة اللي تعينت فيها رغم قساوة التشتت وظروف دراسة الابناء لكن قدر الله وماشاء الله والامل بالله كبير في ان يتم النظر بموضوعنا ويحصل لنا نقل لو بعد حين

اخواتي :
زوجي ذهب الى وزارة التربية والتعليم بالرياض بالامس القريب ،،، راح الصباح ورجع العشاء طيران طبعا ،، فوالله ما اقول لكم الا الحقيقة اللي صارت معاه

المهم قدم خطاب اعادة توجيه - في الشؤون الادارية والمالية بالوزارة بالرغم من انهم ابلغوه بانه لا يمكن تعديل اماكن التوجيه مطلقا ولكن بالالحاح والاصرار عليهم اخذوا منه الخطاب بشكل رسمي وقالوا له فيه لجنه راح تنظر في وضع المعينات الاداريات ،، لانهم اصلا حاسين ان التوزيع غلط في غلط من قبل الخدمة المدنية

حبيباتي : كل وحده باستطاعتها تروح للوزارة بالرياض فلتذهب وتقدم خطاب وان لم تستطع تخلي زوجها او اخوها او اي قريب لها يروح يقدم خطاب باسمها لتغيير مكان التوجيه وتشرح فيه الظروف بشكل مفصل

زوجي يقول جاء ناس كثير هناك معاهم خطابات وهذا شي حلو انه يكون فيه ناس تشتكي وتعترض على الخطأ فصدقوني مايضيع اي حق وفيه ناس تطالب والاستمرار في الخطأ هو بداية الفشل والسيطرة على الخطأ وجعله امر صحيح ومقبول هو بداية النجاح والاستمرارية

اما هنا في المنتدى ما ينفع كل وحده قاعده تشكي وتبكي حالها بدون فائدة

هذا ما حبيت ابلغكم فيه ،، والله العظيم ان هذا اللي حصل وماحبيت ابخل فيه عليكم لعل وعسى انهم ينظرون الينا بعين الرحمة والعطف ويقربون الوحده لمكان اقامتها وسكنها ومدارس ابناءها وبناتها اذا حسوا ان فيه ناس فعلا جايه مخصوص على شان موضوع الاداريات ،، وان شاء الله النقل فالي وفالكن في القريب يارب ولكن الانسانه تصبر وتحتسب وربي راح يفرجها ومابعد العسر الا اليسر بمشيئة الرحمن الرحيم

والله يوفقنا واياكم الى مافيه الخير واي استفسار او شي انا في خدمة الجميع
والسلام
منقووووووووول للفائدة

انا طلع اسمي في الباحه وما اعرف ترتيبي في المنطقه ؟؟

وهل الاداريات يدخلون بوابة التكامل ؟؟؟

هل للاداريات بوابة تكااااااااااااااااااااامل؟؟؟؟؟؟؟؟؟؟؟

السلام عليكم الله يجزاك أخ الهارديسك ويبارك فيك

بغيت أسألك صورة البرنامج اللي جبت منه راتب المرتبة السادسه أقدر أحصله ؟ لأنه أبغى أعرف راتب المرتبة
الثامنة بالضبط كم ؟ والعلاوة للمرتبة كم ؟

أنا تعينت على السادسه بس مخططة أنا أحضر الماجستير بإذن الله وسمعت أنه ترتفع مرتبتي للثامنة ؟
هل هالكلام مضمون أو لا ؟

والآن إدارتي طالبين مني المباشرة والحضور للمطابقة بس إني مرتبطة بسفر بالأيام القادمة فما أقدر أروح الحين وأنا بأسافر هالأسبوع فكم المدة المسموح لي فيها حتى أباشر ؟ وهل الآن ينزل لي راتب أو يخصمون علي ؟

عذرا على كثرة الأسئلة بس مافيه أحد عندي أقدر أسأله وشكرا لك