بسم الله الرحمن الرحيم

اول حبيت ابارك لكل اخواتي في المنتدى ترشيحهم سواء بالاداري او التعليمي الله يوفقهم ويتمم لهم بخير
ثاني هام حبيت انقل لكم معاناتي مع تخصصي المحترم المكتبات ونظم المعلومات من يوم تخرجت من سنة 1323
ولا قد مره نزل لهم احتياج يعني 10 سنوات بطاله ؛؛؛؛ واكبر قهر انك تشوف كثير من اللي حولك تخرج بعدك بسنوات
وتوظف اسالكم بالله وش تحسون بكذا ؛؛؛؛؛ لا والا تجيك وحده تسالك اي تخصص مكتبات وش دخلك هالقسم مو زين وش اللي حطك فيه ومن هالكلام اللي يحطم
جت مكرمة الملك الله يطول بعمره وفرحنا قلنا ان شاءالله لنا نصيب الا تجينا صدمة الاستبعاد بسبب مسمى التخصص
وتاملنا بالاداري بعد الخطاب اللي شفنا من وحده من الاخوات هنا بالمنتدى وتعشمنا خير الا تجينا صدمة اقوى من الاولى
طيب سؤال ابي له اجابة متى راح تنزل لنا وظائف متى راح نفرح بالتعيين وش ذنبنا ليه من الاساس يفتح هالتخصص
دام مافيه احتياج وتوظيف
ياناس مليت قربت اصير عجوز يعني يبونا نجي للدوام بعصى مثلا
ياليت اللي تقدر توصل معاناة بنات تخصص المكتبات للوزاره وللخنين وللنصيان تسوي فينا خير
قولوا لهم ملينا نبي وظائف زي النااااااااااس

اللهم اجرني في مصيبتي واخلفني خيرا منها