29-06-2012, 08:15 PM
|
عضو متواصل
|
|
تاريخ التسجيل: Jun 2012
المشاركات: 44
معدل تقييم المستوى: 84945
|
|
|
ابغى اتزوج ولكن هناك امور قاهرتني
بسم الله الرحمن الرحيم
اسعد الله ايامكم بكل خير
بدخل في قصتي ومعاناتي يعلم الله مالي الا الله ثم شوركم
قصتي يا اخواني واخواتي
انا شاب سعودي عمري 22سنه حبيت اردنيه تعلقنا في بعض
لمده 5سنين بشكل مايتصوره انسان ويعلم الله اني ما ابغاها الا بالحلال واثبت على هذا الشي اني رحت تكلمت مع ابوها
يعطيني الفرصه لاقنع امي قالي ان لك نصيب بتاخذها
المهم كلمت احدى صديقات امي تربطهم علاقه20سنه عن موضوعي وبغيتها تساعدني في موضوعي وكلمت حرمه اخوي الكبير تكلم امي فما قصرو كلموها فكانت رافضه كل الرفض رحت كلمت اخوي الكبير والله ترجيته وسلمت على يده ورجوله ابغاه يوقف معي فما قصر حلف بالله يساعدني كلم امي بالموضوع فالكعاده رفضت
فما كان عندي الا اني اواجه امي واتكلم معاها فجلست انا واخوي الكبير واخوي اللي اكبر مني توه جاي من شهر العسل تكلمت معاها بكل اسلوب وادب وبكل طرق الاقناع تقول لو تموت ماوافقت لك قلت ليه يا امي والله البنت ذي احبها وتحبني وصايمه مصليه ودايما هي تنصحني للخير ومولوده في السعوديه في جده وعاداتها نفس عاداتنا واخلاقها نفس اخلاقنا اخر شي امي تقول ماني موافقه قلت يمه ابوس رجلك لاتحرميني البنت وما اقدر اسوي شي الا برضاك والا كيف بعيش حياتي بدون رضاك قلت اعطيني سبب مقنع للرفض تقول مزاج وعباطه قسم بالله ياعالم امي ماعمرها عاملت اخواني ولا انا بالاسلوب هذا مدري ليش رافضه بكيت عند رجولها قامت قالت كلام زي السم قالت لي انت منت رجال وعقلك وتفكيرك تفكير اطفال وكلام كثير مقدر اقوله
فأخذت عفشي وملابسي وخرجت من البيت قلت لها اذا تبغيني ارجع البيت دقو علي قولو انك وافقتي
فخرجت من مدينه جده ورحت المدينه اللي فيها مقر عملي استاجرت شقه عزاب والله ياعالم حياه معفنه وارق
وبكى اخوي الاصغر مني يقلي امي تشم ريحه ثيابك وتبكي.يمه ليه تسوين كذا والله احبك بس ليه ماتبغين لولدك السعاده
مع العلم انا موظف في اكبر شركات النفط وراتبي يفتح بيت واقدر اتزوج بدون مساعده احد وقد المسؤوليه والله البنت رفضت 4 تقدمو لها وغير الاهانات اللي اكلتها من اهلها عشاني وقسم بالله ترجيت ابوها وسلمت على يده عشان مايغصب بنته على واحد غيري ويصبر علي فتره لين مايلين راس امي
وكمان في مشكله ثانيه ومعقده ان موافقه الزواجه من اجنبيه مقيمه ومولوده في نفس مدينه الزوج لازم يكون عمر الزوج 25سنه لااازم واسطه قويه تطلع لي تصريح الموافقه
وقسم بالله وزني نقص الى تحت 50 كيلو واروح دوامي اجلس 8ساعات في المصنع ولا ابي اكلم احد شرحت ظروفي لرئيسي وماقصر معي الله يجزاه خير وماسرت اكل ولا اذوق طعم النوم الا 3ساعات واقوم مفجوع والله اني محافظ على صلواتي وصله الرحم وادعي ربي ليل نهار وغير الغربه ولحالي في شقه عزاب والله والله اني ابي البنت بالحلال اخوياني يسافرون ويروحون ويجون وانا اجمع فلوسي لعل وعسى اني توافق
ايش اسوي والله لو ما اخذت البنت اللي ابيها والله لا تضيع حياتي والله يهدي ويطول عمرك يا يمه ويحنن قلبك يالحنونه
اخوكم
فص ملح وذاب
ملاحظه :لو في اخطاء املائيه سامحوني داخل بالجوال
الله يوفق الجميع
التعديل الأخير تم بواسطة فص ملح وذاب ; 29-06-2012 الساعة 08:30 PM
|
العرض الشجري
