ابغى اتزوج ولكن هناك امور قاهرتني

فص ملح وذاب · #81 (**permalink**) 02-07-2012, 05:10 AM

اقتباس:

المشاركة الأصلية كتبت بواسطة وجهاويه

ابغا اعطيك مفتاح لقلب الام وان شاء الله قلبها ينفتح لك وتروح تخطب لك البنت بنفسها لانها الحين اكيد غضبانه عليك ومستحيل تنفذ لك طلب وهي اخذه على خاطرها منك
روح لامك واحضنها وبوس راسها واستسمح منها
وقولها يمه انا اسف انتي عندي اغلا من مليون بنت

هذي اول خطوه

الخطوه الثانيه بعد ما تجاوب على سوالي اللي فوق

والله مو غضبانه تكلمت معاها امس تقلي ماني غضبانه بس خرجتك من البيت ماكان لها داعي
قلت ابشري بكره راجع البيت وبقفل على الموضوع لين ما تجين انتي تناقشيني فيه ومستحيل اسوي شي وانتي مو راضيه عليه وبأذن الله تفكرين فيني وبتوافقين
قالت خير ان شاء الله
الحمدلله ماقصرت معاها في كل شي اخر موقف حصل قبل كم اسبوع جات خالتي وامي شمت فيها ريحه عودهـ عجبتها واخذت العوده من خالتي ما جاء اخر الليل والا نفس العودهـ على تسريحه امي
نفسي احد فيكم يسمع امي وش تقول عني عشان ما تقولون هذا يمدح في نفسه

جاوبت اختي على سؤالك

فص ملح وذاب · #82 (**permalink**) 02-07-2012, 05:11 AM

اقتباس:

المشاركة الأصلية كتبت بواسطة إضاءة

الله يعينك ..

والواحد ما يدري وين الخيــر فيه ؟؟.

ثق بمدبر الامــور سبحانه .

الخير يا خوك اللي يجيك من الله

وثقتي بمن رفع السموات بلا عمد كبيرهـ

فص ملح وذاب · #83 (**permalink**) 02-07-2012, 05:15 AM

اقتباس:

المشاركة الأصلية كتبت بواسطة طبعي أسامح

[align=center]السلام عليكم ،،، حبيبي اوجه لك تحيه من أعماق قلبي ،، وتحيه أكبر لأمك وانصحك ادعس على قلبك دعس أنا ادري انك حبيتها والحب أعمى لكن والله بكره بتندم لا تفكر بنفسك فكر لعيالك بكره .[/align][align=center]
على فكره انا اعرف انها مسلمه وانها عايشه بالسعوديه وووووو لكن تبقى أجنبيه وحتى لو وافقت أمك الأمارة ما يوافقون لك وأنا متأكد لو صار عمرك 25 سنه غير تغير رايك وتتنازل عنه توك صغير والعاطفه متغلبه على عقلك وشاله تفكيرك لا تستعجل لا تستعجل لا تستعجل أمك معها حق
[/align]

وعليكم السلام ورحمه الله وبركاته
ليش اهدم حلم انا بنيته وخططت له كل حياتي
ليش اضيع فرصه ماتجي بالعمر الا مره
ليش اشوت نعمه من ربي
مافي هناك سبب مقنع او سبب ديني يخليني اتخلى
عيالي ياطويل العمر بيولدون سعودين وامهم 4 سنين وتحمل الجنسيه السعوديه
وين المشكله
امي بأذن الواحد الاحد تراجع نفسها وتوافق
ماني مستعجل على شي لكن من حقي اعض بأسناني على نعمه زي هذي

فص ملح وذاب · #84 (**permalink**) 02-07-2012, 05:21 AM

اقتباس:

المشاركة الأصلية كتبت بواسطة فل و كادي

مشكلتك انكمصر على رأيك

وما تبغى النقاش في الموضوع...تبغى تتزوج الاجنبيه ...ومترددعشان

امك مي موافقه....

راح اقلك اكلاماللي يناسبك ....

روح اضحك على امك....وزورها وجيبلها هديه عشان ترضى عنك وتتزوج الاجنبيه

واذا تزوجتك ...وضحكوا عليك اهلها ...لا تكتب في المنتدى عشان يدورولك على الحل

عزيزي ...لازميكون هناك قبول للرأي الاخر عشان نقدر نقدر نناقش الموضوع معااااااك

لاكنانت مقفل...

ومع السلامه...وعوض امك فيك على الله

انا ماجيت بكيت لك ولا قلت لك تكفى ساعدني
انا لجأت بمن هو احسن منك الا وهو رب البشر
كتبت قصتي والتي اعتبرها اختبار من رب العالمين لي
ومستحيل اسوي شي امي ما بتكون راضيه عليه كيف اتوفق في حياتي وامي مهي راضيه
والشي الثاني اذا صارت لي مشاكل مع اهلها ترا المشاكل في كل بيت وفي كل زمان ومكان
ولو صارت ستكون اختبار لي من رب العباد وبأذن الله اقدر اتخطى العقبات الواحد لو استسلم لاي مشكله كانت ما اتصف بصفه المؤمن الا وهي الصبر والله قالها في كتابه الكريم (وبشر الصابرين الذي اذا اصابتهم مصيبه قالو انا لله وانا اليه راجعون)
واذا عقلي مقفل على كلامك فكيف ارد عليك وانت لاتملك لا ادب ولا اسلوب ولا احترام الحوار؟

مودتي

فص ملح وذاب · #85 (**permalink**) 02-07-2012, 05:25 AM

اقتباس:

المشاركة الأصلية كتبت بواسطة احلام محققه

اول شي الكلام ردا ع الاخ اللي قبلي المشابه لتفكيرك طبعا

وبعدين فععلا مايتزوج الاجنبيه الا الناقص وهذي موثقافتي وحدي ذي ثقافة مجتمعنا

والله انك ماترضى تتزوجها لو هي سعوديه حتى لو كانت ع اخلاق واتحداااااااااااااك تزوج اختك وحده تعرفت ع واحد بطريقتك هذي

واحد يسحب ع امه شهر وتاركها بدموعها عشان وحده الله اعلم بنواياها ماله لاتقدير ولا احتراااااااام

بعد ماتتزوج حبيبة الغفلة

رح تعرف قيمة بنت بلادك ,وتقول ياليت سمعت كلام امي

سلااااااااااااااام

اذا جيتي ببتكلمي تكلمي عن نفسك لاتجمعين المجتمع كله واذا المجتمع كله كذا ثقافته ليش طيبين الذكر متزوجين من المغرب مو هم اعلى مقام في البلد

الشي الثاني الله لا يوفقك ولا يحللك ولا يسامحك زي ماتكلمتي على بنت الناس الله يردها فيك يارب العالمين تراها بنت صايمه مصليه ودعوه المظلوم مابينها وبين الله حجاب.الله يجعله ياخذ حقها منك في الدنيا والاخره

فص ملح وذاب · #86 (**permalink**) 02-07-2012, 05:31 AM

اقتباس:

المشاركة الأصلية كتبت بواسطة تباطيته

تبغى الصراحه وماتزعل !!

تراك اصغر بكثييييير من اللي جالس تسويه بنفسك

لو اختك جتك وقالت هذا واحد متعرفه عليه واحبه وبتزوجه وش بتسوي؟؟

بتقعد تصفقها لانها بنظرك سودت وجيهكم عند الناس

بعدين عمرك22 يعني صغير مرة ارحم امك وارحم نفسك شي من بدايته غلط كيف تتوقع انه بيدوم

طلبتها بالحلال وماقلنا شي لكن ترا من ابسط حقوق امك انها تختار لك بنفسها اللي تزوجك اياها
وحده من بلدك وتربية ناس ثقه لانها بتربي بكره بناتك مو وحدة تعرفت علئ واحد بالحرام وحبته والله العالم عن اللي بينكم

ماتعبت عليك امك طول عمرها عشان والله بعد ماتكبر وتفرد عضلاتك تترك البيت عشان وحدة ماتسوى تراب رجول امك

بغيت الصراحه وانا قلتلك كان تبغى العوض من الله تذكر معاورك والله يعين امك على مصيبتها

النبي صلى الله عليه وسلم قال(يامعشر الشباب من استطاع منكم الباء فليتزوج)
انا ماجبت العيب والعار لاهلي دام اني طلبت الحلال يا غالي
ولو تقدم لاختي واحد رجل وفيه من الصفات التي ذكرها المصطفى صلى الله عليه وسلم والله ما اردهـ ((إذا أتاكم من ترضون دينه وخلقه فزوجوه))
اخي الفاضل انا للحين متمسك بقراري لاني ولله الحمد اعرف اميز بين الصح والخطأ والمثل يقول لك استشير اكبر منك واصغر منك وارجع لعقلك ومابقيت احد من الناس ذو الخبره والا واخذت برأيه ومن هم اصغر مني واخذت برأيهم وفي الاخير القرار راجع لي لاني انا بدخل بيتي وبقفل على نفسي وانا بتحمل كل شي يصير وانا اختار شوكتي بيدي لو صار شي ما بتجرحهم بتجرحني انا
وامي لها الكلمه الفصل في الاخير من حقها تنصح وتختار لكن مو من حقها تجبرني كل شي فيه مجامله الا الزوااااج ترضى اخذ اختك وانا ما ابغاها ولا اواطنها بعيشه الله ؟

فص ملح وذاب · #87 (**permalink**) 02-07-2012, 05:35 AM

اقتباس:

المشاركة الأصلية كتبت بواسطة أمل وحلم

قرأت قصتك وفيه منها كثير بالمجتمع ماراح أطول عليك لكن اتمنى الله يوفقك للي فيه خير لك دنيا ودين

وهذي نصيحتي لك واعتبرك أخوي في الله

1: ارجع البيت فوراً الأن لم عفشك وروح .. ارجع لأمك واحضنها عشان ربي يرضى عليك

2 : فوض أمرك لله وصلي ركعتين استخاره في أمر زواجك من البنت واذا ربي كاتبها لك بتأخذها
3 : دعاء الاستخاره

http://http://

http://www.saaid.net/bahoth/41.htm

4 : توكل على الله وفوض امرك لله {وَمَنْ يَتَوَكَّلْ عَلَى اللَّهِ فَهُوَ حَسْبُهُ

أهم شي يكون عندك قوة إيمان بالله .. وتوكل على الله وطاعه لله .. وطاعة لوالديك ..

5 : لاتهرب من الموضوع لازم تواجه مصير زواجك وحياتك لاتهرب الى مكان آخر هذا لن ينهي الموضوع

6 : الأن فوراً ارجع للبيت وأنوي ان هذا طلباً لرضا الله ورضا أمك وطاعه لها وحب

7 : لاتفتح سيرة الزواج معاها ولاتجيب سيرة البنت خلال هذه الفتره عند عودتك .. تمهل قليلاً

اذا قالت بزوجك ياولدي .. قول لها انا قلت لك اللي اريدها زوجه لي ..

8 : اذا استمريت في الهروب راح تتعذب أكثر لأن هروبك ممكن تفقد به أمك ماتدري الأعمار بيد الله والأمراض كثيره في هالزمن حرام تتعب قلبها على حساب قرار مكتوب عند الله مو بيدك ولايدها ..

9 : زوجتك مستقبلا راح تكون من ضمن افراد العائله اذا مافيه توافق من البدايه راح تتعب في الحياة كثير .

10 : أهم شي الدين اظفر بذات الدين تربت يداك هذي نصيحة الرسول صلى الله عليه وسلم

الله يوفقك ويختار لك اللي فيه الخير ..

لو سمحت

ارجع أقرأ ردي مره ثانيه ثالثه وعاشره وانت رااااايق

وياليت تدخل من الكمبيوتر مو من الجوال

الله يوفقك

اسأل الله العلي العظيم ان لا يحرمك الاجر ولا يحرمني من كلامك الجميل
واقسم بالله العظيم اني قريت كلامك كثير وبمشي عليه خطوه خطوه
وهي الاولى اني غدا الاثنين راجع البيت ومن بعدها بكمل بقيه الخطوات
الله يسعدك ويرزقك من حيث لاتدري ولاتحتسب
ولاتنساني من دعواتك

فص ملح وذاب · #88 (**permalink**) 02-07-2012, 05:36 AM

اقتباس:

المشاركة الأصلية كتبت بواسطة وجهاويه

فيه شي ماوضحته امك رافضه البنت ولا رافضه الفكره
يعني امك تعرف البنت شخصيا شافتها قعدت معها ولا لا

لا اختي امي ما تعرف البنت وقلت لها روحي اجلسي مع البنت وشوفي وتكلمي معها لو ماعجبتك والله وقسم بالله ما افتح فمي بالموضوع لاني واثق انها بتعجبك دينا وخلقا
امي رافضه الفكره فقط مع العلم كانت بتسوي نفس الفكره مع اخوي اللي اكبر مني

أوراق الحب · #89 (**permalink**) 02-07-2012, 05:48 AM

الله ييسر أمورك ويوفقك

ولاتنسى رضا الله من رضا الوالدين وتراها أمك فديتك وصدقني وأنا أختك الحرمه بدالها ألف مثل

مايقولون.لكن الأم من وين راح تجيب لك أم بعدها...تقرب من أمك ولاتتعبها...

واللي الله كاتبه لك راح يصير..

فكر بعقلانيه ولاتغلب عليك العاطفة...روح لأمك الله يرضى عليك...

والله عندي الكثيربس أخاف ماتتقبل وأنا أختك....

والله يهديك ويصلح حالك ونسمع عنك كل الخير

احلام محققه · #90 (**permalink**) 02-07-2012, 05:56 AM

اقتباس:

المشاركة الأصلية كتبت بواسطة فص ملح وذاب

اذا جيتي ببتكلمي تكلمي عن نفسك لاتجمعين المجتمع كله واذا المجتمع كله كذا ثقافته ليش طيبين الذكر متزوجين من المغرب مو هم اعلى مقام في البلد

الشي الثاني الله لا يوفقك ولا يحللك ولا يسامحك زي ماتكلمتي على بنت الناس الله يردها فيك يارب العالمين تراها بنت صايمه مصليه ودعوه المظلوم مابينها وبين الله حجاب.الله يجعله ياخذ حقها منك في الدنيا والاخره

اف اف كل هذا علشان وقفت بصف امك انشهد انك مخفة وع قولة امك منت برجااااااااال
انا قلت الله اعلم بنيتها وماظلمت احد والحمدلله علشان تدعي علي حسبي الله عليك
وان شاء ربي لايوفقك ولايسامحك ولايحللك ياجعلك لخيبة المسعى وان شاء تبكي دم وندم جزاء دعوتك هذي امييييييييييييييييين يااااااااااااااااارب لابارك الله فيك

ابغى اتزوج ولكن هناك امور قاهرتني

إستراحة الأعضـاء

بسم الله الرحمن الرحيم اسعد الله ايامكم بكل خير بدخل في قصتي ومعاناتي يعلم الله مالي الا الله ثم شوركم قصتي يا اخواني واخواتي انا شاب سعودي عمري...

ابغى اتزوج ولكن هناك امور قاهرتني

تسجيل الدخول

ابغى اتزوج ولكن هناك امور قاهرتني

إستراحة الأعضـاء

بسم الله الرحمن الرحيم اسعد الله ايامكم بكل خير بدخل في قصتي ومعاناتي يعلم الله مالي الا الله ثم شوركم قصتي يا اخواني واخواتي انا شاب سعودي عمري...

ابغى اتزوج ولكن هناك امور قاهرتني