شباب رحم الله والدينكم شوفوا لي حل
انا اليوم ضاعت الهوية بالمحفظة او انسرقت الله العالم
ايش وضعي يقبلون رخصة القيادة لأنها كانت بالسيارة
ولا ورقة من الأحوال ولا من الشرطة والله من الليل وانا جالس ادور
من مكان لمكان بالمدينة اي مكان وقفت فيه دورت وسألت
وانتوا عارفين وزارة الدفاع الاسبوع ذا والجاي اخر موعد يعني مايمدي لأنه لازم بلاغ وبعد 14 يوم تروح الأحوال وهجولة
تكفون ساعدوووني

السلام عليكم
اخوي
روح للشرطة ويعطونك ورقه حقت سرقة محفظة ,,, والبطاقة بداخل المحفظة
ثم روح للاحوال واطبع من اي افادة
بأنك قدمت عندهم
او خذ برنت
وروح بأوراقك لهم والله يوفقك

يعني وزارة الدفاع بتقبل العذر
لأنه يدورون الواحد قد الشعره عشان يكرشونه
ما ادري اخوي انا من صارت السالفه عقلي مو براسي
حتى نوم ماجاني يا اخوان ياليت اللي عنده خبر اكيد يطمني
اخوي مربط الجن رحم الله والديك ويسر امرك
تحياتي ...

اخوي اهم شي بطاقة الاحوال

رح بلغ عليها انها مفقوده واحجز موعد في الاحوال وطلع بدل فاقد

يمكن تطلع بدل فاقد والموعد ماجاء

وحاول تحجز اذا انت بالرياض في احوال الناصريه مافيها زحمه

قسم بالله حاس بك ياغبي بذكاء < محشوم من النك ههه
اسمع ي الذيب. عشان محد يفتي فتوه
هذا رقم الحربيه كانك مقدم عليها .. دق عليهم سبع ونص ويطلع لك عسكري واسئله

هاتف: 5622800/01

و وان شاء الله الرخصه تكفي يااًررب

انا اشهد انك غبي بذكاء بالتوفيق

ان شاء الل اليوم بروح الشرطة والأحوال والله يسرها
بالنسبة للنكـ جلست ادور اسامي شويتين ولا اشوف ملاحظة عندي بالجوال
صرفت هرجة النكــ صح !!!!
المهم الله يسرها وان شاء الله ببدأ اليوم فيها
واللي عنده افاده لا يبخل علينا