انا بصراحه حابه افيد واستفيد منكم وبما اني احب كثير التجاره ومن لما كنت في المتوسط وانا كنت اساهم في المدرسه >>>اللي يخبرون ايام المساهمات وكنت اسوي اشياء كثيره وكانت عندي مواهب كثيره لكن للاسف الكل كان يحبطني والحين في بالي مشاريع كثيره وكل ماأطرح شي لاأهلي يحطون ميه معوق وانو بفشل
لكن انا مصره اقوم بمشروع ...
الحين في بالي مشروع مايوجد في الرياض ابدا وراح يدر اموال بالهبل
هل اقدم ع بنك التسليف مسار الامتياز؟؟وهل يعطوني وانا باقي علي في الجامعه سنه عشان اتخرج؟؟
وفي بالي مشروع بوتيك خياطه نسائي يكون ملابس عصريه وساتره لاني اشوف كثير يشتكون من ملابس الاسواق صارت حيل فاضحه وبالاضافه للفساتين
وهل اقدر اقدم ع هالمشروع ع باب رزق جميل باسم امي بما اني ادرس ماراح يعطوني وجه

وش رايكم برضوا في مشروع الورشه المتنقله سياره كبيره فيها معدات تصليح وعاملين لهم رقم معين ويروحو عند الشخص لبيته او المكان اللي تعطلت فيه سيارته
وبرضو نفس الفكره بس سياره اصغر وتكون لتصليح الجولات والكمبيوتر يعني الواحد لما يخرب جواله ماعليه الايتصل ويجيه العامل

اتمنى توجهوني وتقولو لي رايكم...

موفقة ان شاء الله

بس رد واحد !!!
وين اللي يفهمون بتجاره

افكارك بطله
بالذات فكرة سيارات التصليح
بس يبيلها شنب فاااااهم
اللهخ يسخرلك
تدرين طموحك هذا وافكارك من اهم اسباب النجاح
اراده طموح واصراااااااار
الله يوفقك

انا مجرد نآصح وموب كل موضوع بخش وبرد فيه ::
الحمآآس شي جميل
لآآكن لايكون شغلك حمآآس دون تفكير
انا ممكن اعطيك كم مشروع مو موجوده فـ اي منطقه بـ الريااض ولآآكن ضمآناتهآ عند الله سبحآآنه

فكري + اخذي قلم وورقه شوفي وين بتوصلين له + وش المشاكل الي بتواجهك وش حلولهآآ :
واذا كلفك المشروع مثلآآ ١٠٠ الف لآزم يكون عندك ٢٠ الف احتياط ..

والله يوفقك

الله يوفقك

مشروع مشغل للملابس الساتره هذا يدور في بالي لانا فعلا نعاني والله المستعان

وفكرة الورشه المتنقله الخاصه بالسيرات جازت لي
لكن للبتوبات والجوالات ما اعتقد تنجح

شكرا يعطيكم العافيه ع الردود والله يوفقنا جميعا لما يحبه ويرضاه
بنسبه للمشروع اللي مايوجد في الرياض انا حاسه والتوفيق من الله انه بينجح بشكل خياااالي
يامعين اعني ياليت اهلي وزوجي يحسون بالطموح اللي بداخلي لكن ان شالله ع ارض الواقع راح اقنعهم

مشروووع جداً رائع

بتوفيق لكي

ما شاء الله عليك

طموح رائع , وافكار اروع

انتي شوفي المشروع الي تقدرين تتحكمين فيه
الا اذا زوجك بيشرف عليه او احد من اخوانك

بالنسبه لاي مشروع : تاكدي في البدايه انه مسموح نظاميا
ثم اعدي له دراسة جدوى مصغره , وهذي بتوضح لك بعض التصورات

بالنسبه لتمويل : تأكدي ان الشروط تنطبق عليك
واذا ما تنطبق , ابحثي عن بديل مثل الوالده او احد الاخوان الشباب
وتأخذي التمويل باسمه

في حال بداتي على خير لاي مشروع : اخذي بنصيحة الاخ كينكان
حاولي يكون فيه مبلغ احتياطي , ويا حبذا يكون فيه مصدر دخل اظافي لتغطية المصاريف لمدة 6 شهور او سنه

لانه غالبا المشاريع تحتاج دوره سنه كامله ومن ثما تبداء ترد وتغطي شي من المصاريف ثم تتحول إلى ارباح بإذن الله

وفقك الله لكل خير
استمر على نفس طموحك
واذا الي حولك ما يساعدوك
تذكري بان الله هو المساعد وهو الميسر لكل الامور
اكثري من الاستغفار ,,, خالصا لوجة الله ,, وسترين العجب العجاب بإذنه

انصحك : بالاستخاره قبل البداء في اي خطوه ,,,

مشكورين ع الرد
الله يوفق الجميع يارب