السلام عليكم

كيف حالكم عساكم بخير ..

الحمدلله أغلبنا آختبر لكن ألاحظ كثير منكم يقول آختبار الرياضيات صعب والله ماهو صعب ولا شيء

آغلب الآسئله عن الكسور وضربها وقسمتها لو آنتم مذاكرين هالآشياء صح كان حليتوا

لكن عموماً أنا إللي سمعته إنهم بيعتمدون على الإنجليزي وإللي درجته في الرياضيات ضعيفه بيعطونه حصص يدرسها في الدراسه ولاتخافون هم طالبين عدد كبير هالسنه والله يوفقنا ويكتب إللي فيه الخيير ..

الآن ركزوا على صدارة وآنتظروا الرسائل منهم ولاتخلون أملكم في شركه وحده فقط عشان ماتنصدمون بعدين إذا رفضوكم .. وحاولوا من الحين تراجعون الرياضيات والإنجليزي عشان تتجهزون لإختبار صدارة والله يوفقنا ويوفقكم آجمعين ..

وعليكم والسلام
الاسئله تختلف يمكن تجيك صعبه ويمكن تجي سهله ونماذج عدد الحروف وكل واحد يختلف عن ثاني
وبنسبه لصداره سمعت نتائج الثلاثاء او الاربعاء ظنها تقبل دوافير ويخلون ارمكوا تعود علينا غصب

والله انا جاي من الجنوب عشان هالاختبار الله ييسره ويكتب لي فيه الخير
وياارب اكون من المقبولين وانشالله كلنا
بس حبيت اسأل عن
المستندات متاكدين ما اجي الا ببطاقة الاحوال لاني جبت معي شهادة الثانوية طبق الاصل
ارجو الإفادة

مايطلبون الا البطاقه فقط النتائج في رمضان
تجيك رسال اما رفض او قبول او انتظار والانتظار بالثانوي عتبر نفسك مقبول
ومافيه اختبار غير هذا

شباب صصدارة ابطوآ علينآ

الانجليزي سهل جدآ مويه بالنسبه لي

لآكن الرياضيات هذا وجهي اذا حليت فيه 5 اسئله صح بالكثير

صعب اصعب شيء في الحياة

بالنسبه للي يقولون ان الرياضيات كان سهل

ياحبيبي ترى الاختبار حقك يختلف عن اختبار الباقين

انت لو تلاحظ الطالب اللي قدامك معطينه نموذج a ولا b

وانت معطينك نموذج c واللي وراك نموذج غيره

بالعربي كل نموذج الاسئله حقته تختلف

يمكن انت جاك نموذج سهل فيه طرح وقسمه ونسب مئويه

لآكن غيرك جاه نموذج مافيه طرح وقسمه الا سؤالين والباقي كله صعب

الله يسهل بس