اخوي طارق تمنى بعد الفحص تذكر لنا تجربتك هنا

اخواني الله يعافيكم هل الفحص معناه قبول ؟ ومتى تطلع النتاىج بعد الفحص

انا فحصت يوم 31 يوليو ( الثلاثاء اظن؟)

ههههههههههه يا اخوان و الله يا انتم بتنصدمووووون !! لازم تحضرون بدري قبل الساعة 7 !! افضل شي تعال 6 و خل جوالك مشحون كامل + كتاب ان توفر !!

اولاً الحضور عند مركز التوظيف بأرامكو الساعة 7 .. ( اكرر احضروا من الساعة 6 افضل قبل الزحمة ) و تسلمون البرنت + بطاقة الأحوال الأصل ثم تنتظرون اسمكم عشان يعطيكم ورقة الفحص .. من هنا تبدأ البهذلة !! بيقولك رح لمستشفى المانع بالخبر (تقاطع 19 مع 20) أو مستشفى سعد التخصصي (بس قلييل اللي يروحون لسعد لأنه أغلى عليهم + مبناهم ما يتحمل أعداد كبيرة فعدد ضخم بيروح لمستشفى المانع

أول ما توصلون للمانع مبنى العيادات الخارجية (ركزوا العيادات مب الرئيسي) بتقدمون ورقة الفحص بعد تعبية بيانات بسيطة و ياخذ صورة من بطاقة أحوالك (يصورونها هم) ثم تجلس و تنتظر يقول اسمك عشان يعطيك الملف و تطلع للدور الرابع عند الفحوصات.. -للعلم أنا جيت المستشفى 8:30 و ما طلعت منه إلا 5:30 !!- و فيه ناس طلعوا ست و افطروا بكافيتريا المستشفى بعد ما تطلع للدور الرابع بتقعد تخيس فيه أكثر من ست ساعات تزود و تنقص ساعة الا ثلث !! اول شي قياسات أساسية مثل الوزن-الطول-الضغط (احد الشباب كان متوتر شوي و الضغط عنده مرتفع فاضطر يقيسه ثلاث مرات الين هبط لذلك حاولوا ما تفكرون واجد)

بعدها رح اقعد بكراسي الانتظار هذا ان لقيت لك و حاول تدور لك مجموعة شباب راعين سوالف و دق حنك معهم لين ما يجي اسمك..بعدها يبدئ فحص الدم ياخذ عشر دقايق ثم يوجهونك للباطنية و يدخل معك اثنين بيسألكم الدكتور عندكم امراض وراثية او اي مرض بس انتبهوا تجيبون العيد مثل واحد قال ايه احد اخواني عنده تساقط شعر بعدها يرسلكم للأشعة ( على فكرة انا يوم اقول ياخذ عشر دقايق اقصد دخولك للعيادة مب انتظار دورك عشان تخش عند الدكتور ) و يطلب منك تفصخ ثوبك و ياخذ صورة ثم يوجهك للعيون و انتبهوا لا تجاوبون بسرعة الممرضة الله يصلحها كان دوامها مخلص و بطلعة الروح خلت خويي يعيد الدور..ثم تتوجهون لفحص السمع و هو اخر فحص و الزحمة عليه...بتقعد ساعتين لين يجي دورك همن دقيقتين يختبر سمعك بأصوات خافتة و يقولك تسمع الصوت و لا لا و بعدها على بيتك دايركت

بس تكفون تعالوا بدري و اول ما تدخلون مركز التوظيف سلموا البرنت و بطاقة الاحوال للموظف عشان تكون اول من ينطق اسمك و تدز قبل الزحمة

الله يوفقك اخ محمد وترى تفصيخ بس في مستشفى سعد فقط االمانع وبقية المستشفيات بالرياض وجده مافيه

[motr1]بقولكم المشوار كامل اي انسان يهمة الامر يقراء [/motr1]
اولا اتجهت لمقر التدريب في جده ووصلت الساعة 7:10
وفي يدي كل الطلبات المطلوبة هذاك الوقت باقي ماجاء موظفين
تقريبا جات الساعة 7:25 والموظفين المسؤلين عن التوظيف كلهم حاظرين
اعطيتهم اوراقي واعطوني الكشف الطبي وطلبو من الصورة الشخصية
ودبسوها في نموذج الكشف الطبي وختمها بختم مكتب التوظيف
وقال لي عليك وعلى مستشفى جدة الوطني ورحت لهم وكانت الساعة
تقريبا 7:49 ولكن يوم وصلت المستشفى مافيه والا اي انسسان
في مكيفات هناك تجيب النوم قاعد اتبرد تحت الكيفات حتى جاء حارس الامن
وجاء معاي بعض الطلاب المقدمين معنا وقال لنا الدوام في رمضان
ميبدأ الا الساعة 11 قلنا مافيه اي مشاكل نجلس للساعه 11 فيه كرسي هناك
ممدود وكانه سرير نوم سولت لي نفسي اروح انام انسدح عليه بما ان الطابق العلوي
خالي ومافيه الا انا وواحد من الشباب ولكني تعوذت من الشيطان
والله جاني واحد مقلع وهات ياسواليف طير ام النوم كله وصلنا حدود الاردن في السواليف
ملينا من بعض لكن يجون ناس ثانين ونشبك معهم سواليف حتى جاك الفلبيني حق الاستقبال
الساعة 10 ونص واخذ اوراقنا وجهز علومنا واعطانا ارقام لوحة صغيرة مكتوب عليه رقمك
وكان رقمي في الكشف 4 جلست شوي الا هم ينادون رقم اربعة وافز
واطيح في سعودية في الاستقبال بااااردة ماتدير ام الكمبيوتر وربي ماتدري وين الله حاطه
تقول لصاحبتها الي جمبها يووووو السستم مممممره تعععبااان بغيت اقول الله يرحم
ولديك خليني بدالك اخلص اوراقي بنفسي الشعب وصلو الرقم 6 وتقدمو علي وهي
باقي تتدلع اخر شي قالت لي ياموسى قم اعطني الهوية واعطيتها وهاااات يالطعه
حرام بغيت اختلف عليها باقي شوي امسك في نفسي راااايقة ناقصها شيشه بس
اعطتني اوراقي بعد ما رفعت ضغطي وهات ياطرد نطيح في الاندونسيات والفلبينيات يوم
تمشي كانها هي جات في يد الاجانب بس وشوف الشغل كيف سريع سريع
انا جالس على اني بانلطع حق ابو ساعتين ما جلست الا هي تنادي بأسمي
واجي عندها وتقيس الضغط وترسل ارواقي للوزن والطول وشوي الا وحقين الوزن ينادون
شوي على النظر وعمى الالوان شوي على سحب الدم شوي والبول الله يكرمكم
وبعدها على تخطيط السمع وبعدها على الاشعة هذا الكلام كله ما اخذ ساعتين
بعد الاشعة طلعت ختمت الورقة من دكتور اسمه كمال وارجع واختمها من واح ثاني اسمه
احمد خان واخر شي اعطيتها الدكتور الي هو اظن حق ارامكو نفسها
وطلبو من خلال الكشف ارقام الاتصال طلبوها مني تكتب معلومات الاتصال الي حاب انهم
يكلمونك عليها وبعدها قالو لي خلاص توكل ع الله

وتم الكشف بحمد الله وبإذن الله بدون تعب ويسرها لنا . . .

[rainbow]ملاحظات : يا اخوان في ناس تجيب البرنت بدون تاريخ والا بدون ختم
في ناس معاي جايبين برنتات ولكن بدون تاريخ والا ختم فردوهم قال
لهم حق التوظيف روح طلع برنت وتعال هنا تلقاني موجود بدون تاريخ مانقبله

ومن ناحية شرب الماء مسموح تشرررب موية فق وقت الصيام
بالعكس الموية تساعدك في الكشف اولا تصفي البول الله يكرمكم
من الاملاح ونسية الدم فيكون في وضعه الصحي ثانيا وقت سحب
الدم ماراح تتعب لأن العروق ماهي جافة لك فتره ماشربت موية
الهدف من انهم يقولون لك صوم عشان يكشفون للسكر
لأنك لو اكلت اكله راح تتحكم في انخفاض وارتفاع نسبة السكر في الدم
يعني اشربو يااخوان ومن ناحية الفطور والله انا عن نفسي كملت الصيام
ولا افطرت والحمدلله مافيه دوخه ولا اي شي الوضع طبيعي جدا
[/rainbow]

الله يوفقك واضفتلنا معلومتين جديدتين 1صوره الشخصيه يعني لزم جيب معي ؟
2شرب الماء انت متاكد مايضر ؟