04-07-2012, 10:12 AM
|
عضو متواصل
|
|
تاريخ التسجيل: Jul 2012
المشاركات: 84
معدل تقييم المستوى: 26
|
|
نصيحه او حل او دعوة لي تكفون
السلام عليكم ورحمة الله وبركاته :
اخواني انا صراحه ماادري من وين ابداء بصراحه لكن انا والله العظيم ماشاركت في هذا المنتدى الا من ضائقه بي ولا ادري وش اسوي وضاقت بي السبل وهاانا بحكي لكم قصتي بالكامل :
انا ولله الحمد موظف في الرياض عسكري في احد قطاعات الداخليه وانا اكبر اخواني ووالدي مريض ويحتاج رعايه صحيه واخوتي ايضا صغار في السن ويحتاجون مداراة لدرجة ان اخي اللذي اصغر مني ترك الدراسه وهو في اخر سنه وخايف تكون عاقبتنا وخيمه واعمالنا والتزاماتنا في الديره متوقفه ناهيكم عن الاجواء والزحمه والمشاكل اللي حنا ماتعودنا عليها في الجنوب واللي كانت سبب في كرهي للرياض ايضا وطرأت في ذهني فكره النقل من الرياض عند الاهل او على الاقل ابقى قريب منهم ومكان الاهل في الجنوب ( الباحه ) وتعرفون كم المسافة من الرياض للباحه حوالي 1100 كيلو وصعبه جدا ذهابي وعودتي اسبوعيا سواء بر من ناحية تعب الطريق وهلاك السياره وثانيا الطيران كما تعرفون مكلف جدا
فطلبو مني ايجاد بديل او رقم شاغر وتعبت وعانيت الى ان وجدت رقم شاغر ورفعت اوراقي لمديري المباشر ولله الحمد تجاوب معي ووافق على النقل ولكن تعسرت الامور مع مدير الاداره لكن بعد الواسطه طبعا مشت الامور الى ان ذهبت المعامله للقطاع اللي راح انقل عليه بعد موافقة قطاعي ووجود الواسطه ولكن للاسف الشديد تم رفضها بحجة ان الرقم اللي طلبت نقل عليه راح لعسكري ثاني
وانتظرت سنه اخرى ورفعت اوراقي مره اخرى تكليف لمنطقة مكه المكرمه مع انها تبعد عن الباحه حوالي 300 كيلو لكن قلت في نفسي مكه اقرب للاهل من الرياض طبعا اللحاقي كان على نفس القطاع ولكن بعد عناء وامال مع الاهل تم رفضي ايضا وكانت لصالح اهل الواسطات
مع انني لدي صك اعاله ومشهد للوالد من المستشفى ومن قوة التعقيد قالو لي جيب صك اثبات البيت  ابغى اعرف من متى صك البيت يعتبر عذر رسمي للي يبغى ينقل ولكن جبت لهم صك اثبات البيت وسوو معي مقابله وتحقيق عن سبب نقلي
ليش تبغى تنقل وهل يوجد اخوان اصغر منك وهل الوالد يقدر يمشي وهل وهل وهل لدرجه انه قالي ليش في البداية تقدم في هذا القطاع ؟ ؟ سؤال غبي جدا جدا وانتم زي ماتعرفون الايام هذي صعبه وجود وظيفه وانا الحمد لله لدي شهاده جامعيه متوسطه ولا دخلت العسكريه الا من ضروف صعبه لكن حدونا عليها غصب وايضا مستغرب من المقابله هذي مااخبر احد سواها في قطاع ثاني عشان النقل لكن هي حكاية تعقيد وبس
المصيبه لدي اثباتات واوراق تثبت صعوبة ضروفي لدرجة ان اللذي توسط لي يعرف وضعي ووضع اهلي وهو له منصب كبير وعلى علاقه قويه مع القطاع اللي انا فيه واجريت معاه اتصالات لدرجة اني رحت له المكتب وقالي انا متابع موضوعك بالنص هذا يعني على قولتهم تصريفه والناس اصلا الحقت وراحت طبعا لي في الرياض تقريبا اربع سنوات على هذا الحال لدرجة انني ماقدرت حتى اطلع اجازه بسبب المرابطه الحاليه ولا عدت ادري ارابط عند اهلي ولا ارابط احرس القطاع اللي انا فيه مع انه مالنا اي داعي في العسكريه ولا ادري وش اسوي ادري فيه ناس راح تقولي حلول وناصائح زي :
* تحمد الله غيرك جامعي يدور نص جندي ( طيب انا لدي ضروف صعبه واثباتات وش المانع من النقل او الالحاق )
*جيب اهلك للرياض ( حاولت مع الوالد ولكن رفض وبقوه حتى انه غير راضي عن دخولي العسكريه لكن حنا لقينا غيرها وقلنا لا )
*فيه ناس قالو لي تزوج ( طيب انا متورط مع اهلي واخواني بما اني اكبرهم وصراحه مافيني حيل اورط بنت الناس معي وتعرفون الرياض ماتنفع للعزابي ابدا )
* فيه ناس بتقولي وش حدك على العسكريه من الاساس ( طيب شوفلي وظيفه مدنيه او شركه قويه على يدك وانا حصلت وقلت لا )
في الاخير اسف على الاطاله والله وسامحوني بالله عليكم لكن اللي ابغاه منكم تنصفوني وتشوفون لي حل او نصيحه او دعوه صادقه والله يعطيكم العافيه
|
العرض المتطور
