قصيدة بس لحظة قصيدة كلها كبرياء وشموخ وعزة نفس....
بس لحظه يامهملني وناوي في غايبك
دام كلي ناوي الفرقا باقول اللي باقوله
انت يعني لا نويت تغيب باقف عند بابك
لا وربي تأقف الدنيا ولا تأبى الرجولة
ماتعودت اتبع المقفى ولو حضرت جنابك
رح عساها خيرت(ن) والدرب لك عرضه وطوله
روح لا جابك مجيب الغيم واترك لي صوابك
جيت حلم ورحت حلم تشبه احلام الطفوله
ماانت باول من طعن هالقلب والدرب انتهاء بك
ياثقل خطواتك البارح وهالليله عجوله
باغي الفرقا جعل ربي يعجل في ذهابك
بايع(ن) قلب(ن) لك الله كنت ما تحلم تطوله
من يلومك شايفن حالك وفي بداية شبابك
طاغين تجرح قلوب الناس تحسبها بطولة !!
باسئلك كم واحد(ن) قبلي هقابك واشتقابك؟؟
انت يالي نظرة عيونك قبل عرفك خجوله
ياكثر ماكانت ظنوني دخيل الله تهأبك
بس اكذبها واقول اوهام والقلب وميوله
واثرك اللي تستلذ ان ذاقو العالم عذابك
مشكله والمشكله هذي بسيطه ومحلوله
ان كان مالبستك الغيره مثل لبسة ثيابك
قل عوافي قل مثل غيره تركته وبسهوله
واجد اللي مشتهين الوصل والخط متشابك
كان لك جولة ترا محاكيك له تسعين جوله
لا بغيت تغيب فارق لا وربي مادرى بك
شاعرن ياكثر ماتل القلوب وصفقو له
لا هلا بك في حضورك في غيابك لا هلا بك
رح مهف مقيط يوم مقيط ودنه رجوله
باكر ان ماشفت غيرك جاءيعوضني غيابك
قل حكي شعار ماتفعل ربع هاللي تقوله
...............................................
للشاعر حمد السعيد ابو خالد ...
ارق التحايا,,,
08-04-2008, 11:47 AM
بس لحظة...
العرض الشجري
