05-07-2012, 10:35 PM
|
 |
عضو مهم جداً
|
|
تاريخ التسجيل: Mar 2011
المشاركات: 513
معدل تقييم المستوى: 281044
|
|
|
ملخص كااااااامل عن دورة القصيم الحاليه 1433هـ
السلام عليكم و رحمة الله و بركاته
مدري من وين ابدء
لكن حبيت اطرح الموضوع للفايده و معرفة الوضع اللي يعيشه الطالب خلال فترة الدوره بالقصيم
طبعا وضع ال45 حلو بس كان يعكر المزاج وجود الاشاعات و بكثره
الامور كانت سهالات و ما كان يجي يوم السبت الا وراه الاربعاء
نجي من ناحية العدد و اماكن تواجد الطالب سواء في الميز او بالمسجد
الوضع جدا متأزم لأن في اول اسبوعين بال45 المسجد ما كان فيه مكيفات ابدا و تدخل المسجد عباره عن فرن حرارة لدرجة غير متوقعه
و جابو 8 مكيفات!!! حول المكيفات الوضع مضبووط لكن في وسط المسجد نفس المعاناه الاولى من ناحية الحر و الرطوبه و الكتمه ما تلقى ذرة اوكسجين تتنفسها
و الميز الوضع فيه مزززري
الاكل حمدلله عالنعمه بس
وهي عباره عن 3 اصناف من اول ما دخلنا ال45 للحين
و نظافة الصحون جدا سيئه لدرجة انك تلقى بقايا الجبن حقت الفطور في الصحن وقت الغدا و حط براسك اشياء كثيره على هذا المقياس<< *شعر داخل الاكل * حشرات * و اشياء مقززه
صار الطالب يعتمد على البوفيه و تهريب الاكل للسكن و ياااااا ويله لو انصاد
حتى البوفيه ززحمه غير متوقعه لدرجة انك تمسك سرا و ينتهي الوقت المحدد ولا تلحق تشتري بسبب العالم اللي لا تعرف النظام و اخلاقهم اللي ازفت من الزفت
برادات المويه
4 برادات في الميدان طبعا 2 منها خزانات عاديه و احيان يزودواها ثلج!!<< كأن مافيه دراهم يشترون برادة
و برادتين خارج السكن و براده داخل السكن في كل سرية و في الاغلب الماء حااار هذا ان لحقت على الماء<<< تمسك الدور و تتحمل الزحام و الازعاج و التدافع الرهيب و اخر شي الماء خلللللص!!!
نااهيك عن الزحمه و المدافعات و المضاربات و حالات الدعس اللي تصير وقت الانصراف للبرادات
المدربين
بشكل عاااام الدعوه هياااط و اللي يقهرك انهم صغار في اعمارهم مواليد (1410 و 1412) و يدري انك اكبر منه بكثير و مع هذا الهياط مستمر بطريقة همجيه غير الالفاظ و الحقاره و لعنة الجدف
(الشحيتان-الروشيد-تيسير-الحمدان-الشيبان-النصيان-الخراز-الثنيان-الشيبان- الجندي/عيسى) << اسوء المدربين
من كل النواحي
معاملتهم لك كأنك سجين وليس طالب عسكري دخلت الدوره لتعيش عيشة كريمة و تحمي وطنك
اما المدربين اللي تلقاه يهتم فيك كطالب عسكري و يقدر وضعك قليل جدا
(الهليل*سرية عثمان و علي*- العطيشان<< فعلا رجل بأخلاقه /-الفرج<مدرب الرياضه << افضل واحد/ -المرشد -المنصور)<<< جد انهم يحرجونك بأخلاقهم
الملازم اول العريفي انسان اذا سيتهم تعتبر تمدحه
هو من يحرض المدربين على الطلاب و يبغى التعامل بشكل اجرامي
الجزاوات
طبعا هذا ما جنته يداك
اذا انت محترم و ماشي بحالك محد بيلقالك طريق
عني انا من بداية ال45 للحين حمدلله ولا جزا جاني لاني عارف الوضع و النظام و ماشي بأحترامي
لكن جزا العموم غللللطه قويه
و تحطيم للطالب المجتهد وش الذنب دام السريه مضبوطه و وجود الحثاله فيها سبب في جزاء السرية كامله
الكتيبة الثانية (سرية علي و ابو عبيده و خالد بن الوليد) هم اكثر ناس مظلومين من ناحية الجزا
بسبب ان اغلبهم صغااار تصل اعمارهم الى 1414 و 1413
لكن وش ذنب اللي منضبط!!!
ادري ان الكثير بيقولون انك تبالغ بالكلام
وهذي عسكريه ولازم تتحمل
و احمد ربك انك مقبول في هذا القطاع
ارد عليه هذا واقع نعيشه
جد وين اللي بيحمي وطنة دام هم يلعبون بنفسيتك
ولا احد يلتفت لك اذا صار لك شي سواء مرضت او واجهت مشكله(((للوراااااء در + وزنن))) يعني اقلب وجهك
عني انا لو يزحفوني على وجهي بإذن الله ما افصل
لكن غيري نفسيته تعبت و حاله تغير ولا ياكل ولا اي شي ولا يوجد اي تقدير او ابتسامة بالغلط
المعامله اللي تلقاها كانك سجين او مجرم بالتوقيف
اترك لكم التعليق و اتمنى من طلاب القصيم يتحفونا باللي عندهم
لأننا 2200 طالب و كل طالب عنده قصص لاااا نهاية لها !!!
و السلام خير الختام و صلى الله و بارك على سيدنا محمد
التعديل الأخير تم بواسطة ابي اي قطاع ; 05-07-2012 الساعة 10:42 PM
|
العرض الشجري
