دورة مكة بالنسبه لـ 45 يوم
جحيم بمعنى الكلمة
مع توفير لنا كل سبل الراحه من ناحيه الميز
اكل كل يوم شكل الله يدومها من نعمه
لحم وايدامات انواع واشكال مويه و لبن وجميع انواع الفواكة و حلا دانية

مبسوطين من الاكل

لكن مشكلتنا في قله دورات المياه يصفون طابور 2766 طالب
على 8 دورات مياه تخيل تشوف العجب

والبرادات الحمدلله البوفيه موب مقصرين

نفسي واحد من الرياض يشرح لنا وضعهم بما ان العدد يتعدى 4500 طالب تقريبا
مذابحه
بس اللي اعرفه ان الميز عندهم دللللللع
غير كذا البدله عندهم نص كم <<<<ليه!!!

والله القصيم صاير لنا ضلم كبير وتخبط في القرارات
يعني امس الاربعاء المدينه طالعين 8 ونص والرياض 10 واحنا طالعين الساعه 1 مو حرام انا واحد امشي 700كيلو عشان اوصل بالله وش هالظلم
غير الجزوات والامور اللي ماتعرف وش سببها دورة القصيم فيها لعب بالنفسيات بالدرجه الاولى وتهديدات تؤثر على اداء ومستوى الطلاب يعني وقت مخض للميز ووقت راحه والمدرب يبدله بجزا وكرف نقول الله المستعان بس على ها الاسلوب والله يعديها على خير

اي والله صادقين قسم بالله انواع الظلم والبهذله

ورب البيت ان اغلب المدربين يبغا له هيبه قدام الطلاب مثل الثنيان الهياطي وشوفوا وش بيصير فيه اذا كان على كلامه ؟؟
\
وبقول لكم نقطه والله ان اغلب المدربين حاقد على الكتيبه الأولى لأنها رتبة وكيل رقيب وعريف .؟

طيب هذا توفيق من الله ليه ليه كل هذا الحقد \

عندكم المدرب الحصين ماطلعنا غير 2 يقول لـ رقيب حق السريه ألعب بالنفسيه شوي وش الكلام هذا
وفيه واحد كأنه يمشي على كبدي اللي يكرمن اللحية الملتحي الجندي اول

الله يعين يارب بس قسم بالله انواع القرف والزحمة والريحه


انا مادري وش يحسسسسون فيه بالأوامر اخوياي محجوزين من الوصخ العريفي واحد من العيال محجوز علشان الستره مالبسها زين والثاني بالخفاره لقاه يسولف وعطاه خميس وجمعه وصصصصخ

لا من زين الطبايع المقبل جاء المهايطي

انا صرت بعد كل صلاه اوقف عند باب المسجد و اشيك على ازارير الستره
يكون واحد من زود البرد فاتحها
على طول اقوله اقفل ازرارك او اربط القايش او دخل سترتك تحت البنطلون
لأن الطالب يبغى يطلع من المسجد يتنفس الا و المدرب بوجهه تعال انت و تعال انت و انت و انت
يوقف ما يدري وش السالفه الا و يكون ناسي ازراره او مو معدل قيافته
ياخي مبدأهم يجازيك و يلعن جدفك عشان لا تطيح بالغلط و ان فصلت الاحتياط موجود

بالنسبة للمدربين لا تنسى محمد الحندود مدرب الفصيل الرابع ابو بكر الصديق

هذا المدرب قلب على الفصيل فجأة وبدون اي سبب

صار يركز على الجزاوات أكثر من تحسين مستواة بالتدريب

هذا غير أنة مستحيل تسمع كلمة تشجيع منة ( كلمة وحوش أنسها معة )

دائماً يحطم الفصيل ويعمم كلامة البايخ على الجميع حتى لو كان اكثر من نصف الفصيل يطبق الحركة بشكل سليم

ايضاً اتفق معك على نقطة الجزاء العموم الي يظلم فية الكثير

بالنسبة لـ رقيب الميدان الرويشد مدري وش فيه تغير بعد ما صار رقيب ميدان !!

لما كان رقيب على سرية ابو بكر كان محترم ويعامل الطلاب بشكل جميل

ايضاً لا تنسى الطالب الزفت البيشي الي يحاول يعوض نقصة بالخارج على حساب الطلاب

ونسى نفسة انة طالب وصار يعتبر نفسة مدرب !!

بل صار يعتبر نفسة قائد المدينة

والله مهزلة