انا فني مختبر حاسب الي ودقوا علي

يا جماعه شسالفه الاستبيانات اللي عبيتوها ؟؟
انا يوم اتصلوا علي قال الغامدي تعال جيب اوراقك
قلت له بحفر الباطن انا وما يمدي اجي اليوم فيه مجال بكره او بعده
قال لاء عادي ارسل الاوراق بالايميل وارسلتهن له وما جاب لي طاري الاستبيانات حق الخدمه المدنيه

يعني عاديه السالفه ولا ضروري الاستبيان هذا ؟
المشكله حتي لو ضروري خلاص مافيه فايده اخر يوم لتسليم الوثائق كان الاربعااء

بالنسبه لي زهقت وكرهت الوظيفه قبل لا تجي فوق سنه ونص وانا يوميا ً ادخل المنتدي وادخل موقع المسابقه اشوف صار شيء ولالا

لو انها وزير ولا رئيس وزراء ما صارت كذاا
كلها علي بعضها فني حاسب / يعني قاعد بمكتب والدكاتره والهنود والبنقاليه يامرونك / روح قفل الجهاز هذا ورح شغل هذاك
ونظف المختبر اخر الدوام وقفله وانقلع لبيتكم :$
ذلونا بهالوظيفه فوق الذل هذا كله

طيب ياخي مهي مشكله والله لو ما انقبل ماهي مشكله
بس ياخي علمونا .. منو مقبول ومنو مكروش نبي نفهم الوضع وشو

الله يسهل وانا أخوك

بس غريبة يقولك ارسلهم بالايميل
لان هذي المرحلة اسمها ( مطابقة البيانات )
يعني لازم تجيب الاصل ويطابقونها مع الصورة
الشي الثاني ليه متأخرين عليك بالاتصال ؟؟؟

هذا أكبر دليل ياخوي الشمالي ان السالفه منتهيه بس يبون يعلمونا ان النتايج طلعت ياحبيبي مطبوخه
والا يقول له ارسلها بالايميل طيب مطابقه الصور بالاصول ويختم الغامدي عليهم ويوقع وتعبئه الاستبيان
ويوقع عليها والا وش درى الغامدي بان خوينا اشتغل قبل يمكن مسكين يبي يعبي الورق بداله .

والله اضحك على نفسي من علمهم اللي ماراح يخلص .
شباب من الان وصاعدا تكفون اللي في خاطره شي والا
حصله مشكله او شي او اتصلو عليه الجامعه يطرحه هنا .

انا اتصلوا علي يوم الخميس قبل الي راح وقالولي ارسل لنا اوراقك قلت لهم انا بسافر نفس يوم الخميس قالي ارسل لنا اوراقك علاميل وارسلي اميله ورسلتهم له ... وسالته قلت له قبول ولا شالسالفه قالي لا بس بتكون دراسه لهم مع العلم انه المتقدمين ع نفس الوظيفه 12 واتصلوا على 10 بس والاحتياج 4 فما ادري شالترتيب هو قبول ولا انتظار بعد ???!!!

يعني الشغله سايبه

اللي يتصل عليهم او اللي يروح لهم هو اللي يقدم اوراقه

حسبنا الله ونعم الوكيل

وش تتوقعون ياربع. هل من مجيب هل فيها فايده. والله ان قلبي مل من الوظيفه هذي اللي ماوصلت
حسبي الله عليهم خلصونا ولاتحرقوا قلوبنا قولوا لنا فلان وفلان وعلان انقبلوا والباقي يخلف الله والله
انه احسن من التطنيش . لكن السكوت ارحم ولا الشكوى لضالم .

الله يوفقنا وياكم ان شاء الله يااخوان انا اتصلت عليهم اليوم الاحد وقالولي لسه ماتم رفع الاوراق الى ديوان الخدمة المدنيه
وان شاء الله على نهاية الاسبوع راح يرفعونها للخدمه المدنيه ... وبعدها سوف يتم الاتصال بجميع المقبولين لتسليمهم اوراق
الفحص الطبي يعني يبي لهم اسبوعين ويتصلون على المقبول لستكمال الاجراءات .. وابشركم كل الى كملوا اوراقه مقبوووووول
والله يوفقنا وياكم ولا تتوترون ولاحاجه والي عند رب العالمين مهب بعيد تمنياتي للجميع التوفيق ياااااارب .

السلام عليكم
ان شاء الله يا رب
الله يبشرك بالخير والرضا والعافية
كل اللي كملوا الأوراق مقبولين
متأكد ؟؟

وش قالوا لك بالضبط
ان تعرف أحد منهم ولا كيف

وابشركم كل الى كملوا اوراقه مقبوووووول.....

أخوي عاشق الحرية


الله يبشرك بالجنه

تكفى لو كان عندك خبر اكيد لا تبخل علينا يالغالي

السلام عليكم ورحمة الله وبركاته
عاشق الحرية الله يرضى عليك
رد علينا

هم قالوا شهرين لين ما يردون ؟؟
يعني على قولتك اسبوعين
وكيف الكل مقبولين ؟؟

ريحنا الله يريحك