بشاره بشاره بشاره بشاره
بشاره بشاره بشاره بشاره

بشاره بشاره بشاره بشاره
بشاره بشاره بشاره بشاره

بشاره بشاره بشاره بشاره
بشاره بشاره بشاره بشاره

بشاره بشاره بشاره بشاره
بشاره بشاره بشاره بشاره

والله نصيحه لا توسوسون

الامور طيبه ولا بوه ولا واحد انطرد بالدم او الاشعه ولا واحد انطرد بالمقابله ولا واحد انطرد

ان سوست ومانمت الا ساعه فقط اكل تبن بس الحمد لله الامور سهالات

اول شين تركب بالباص كالعاده تروح للمدرج وياخذونكم على دفعات انا ماجاء دوري الا الساعه 10 تقريبا
بعدها تروح للنفسيه طبعا اسئله عاديه مثل تاخذ مهديات عندك امراض نفسيه لك احد عندوه ملف بالنفسيه تحس انك مسحور او بك عين

بعدها تنزل مالبسك قدام اخوياك لا تستحون الحياء للحريم نزل واطقع ماتشوف خشمك

يبقى عليك القصير تدخل على الدكتور تنزل السوال شوي يراعي بخصيانك حتى مايلمسهن

يقولك امش تلبس ملابسك تروح للمقابله طبعا لواء اهم شين لاترتبك

اطقع ماتشوف خشمك ههههههههههههههه

المقابله مع اللواء تعتمد على اربع اشياء نبره الصصوت هل الصوت ناعم او غير واضح
الثاني هل الجسم متناسق

اللباس

واخيرا حركه الايدين

تسحب ورقه تجاوب عليه بصوت واضح لا تفلسف جاوب باختصار

ثم تسحب ورقه ثانيه وتجاوب

بعدها تروح المقابله 2 يعطونك استماره تعبيها مثل هل سافرت وليش والقنوات اللي تتابعها هل انت مدخن

هل تستخدم النت بعدها تدخل على موظف مدني يناقشك باللي كتبتوه وسوالف عاديه

بعدها تروح تبصم بعدها تروح اللياقه تسوي الاستطاله ثم الهروله على السير الكهربائي بعدها تروح تسلم الدفتر وصل الله على نبينا محمد

اترك عنك الوسوسه خل واثق لا تنسى انك ماتقل عن اللي تقابله بشي انت جامعي ومثقف ومن صفوت المجتمع

عليك بالصدقه والدعاء والاستغفار

وعسى الله يكتب اللي بوه الخير لنا جميعا

*

مسسسساكم الله بالخير جميعاً

احب اطمن الاخوان اللي ينتظرون مواعيدهم ان الامور بإذن الله سهالاات ، الواحد بس يتوكل على الله ويروح ويسعى ، لا احد يقول ماني برايح عشان عيوني والا مدري وشو ، ي جماعه التوفيق من الله سبحانه ..

ي شباب انا كنت قبل اروح موعدي اقول ي ليييل انا لو عديت من الوزن ماني معدي النظر ولو عديت النظر ماراح امشي باللياقه والمقابله ، نفس التفكير اكيد عند البعض

ي ربي لك الحمد كل الامورمشيت بسهاله من رب العالمين

بالنسبه لتجربتي ع السريع ي اخوان

اول شي النظر كنت خايف كثير ، انا قبل ثمان شهور سويت عملية ليزر عشان كان عندي فايروس بالعين يعني حتى بالنظاره مااشوف ، وسويت العملية وخف الفايروس بس ما راح نهائياً ، المهم رحت كشفت بالمستشفى وكان نظري ناقص نص تقريباً ف اليمين وزايد درجة الا ربع ف اليسار

والله النظر عندي خاايس ي اخوان بالحيل ، المهم رحت وتوكلت على رب العالمين وفصلت نظاره ما اشوف السطر الاخير واللي فوقه اشوفه بصعوبه ، مالكم بالطويله ، رحت واختبرت اول شي بالكلية نظر ، والله ي اخوااان سهااله اصلا ماينزل السطر الاخير يفرفر بالنص واذا مره شطح السطر قبل الاخير وانا على الله بعضها قلتها كذا بس موب شايفها والحمد لله بعدها رقمين عمى الالوان وتضرب الباب ، لا احد يخاف من النظر ، واحد قدامي جلس نص ساعه ' مبالغه ' بس يبون يساعدونه والله كل شوي يعيدون له

وبعدهاالاسنان حبيب جدا ولا ثانيه تاخذ معه والانف والاذن نفس الشي وبعدها تنطلق تقيس الضغط والنبض وبعدها على المختبر والامورطيبه ثلاث براويز دم وبعدها تعبي نص العلبه ف اللفه ، كرمتوا جميعاً
وبعدها تنزلون للباص وعلى المستشفى بالكليه قسم الاشعه تروح يصكونك ب اشعه صدر وظهر وحوض وانت واقف ع الماشي وتتوكل على الله ، هذا طبي 1 ي طويلين العمر

ياصدام حايل عدل بعض المفردات أحترم الموجودين انت بكره بتصير ضابط يأبني

علوم حاسبات عقبال القبول النهائي

ممكن تقول لنا كيفية اختبار النظر بالتفصيل
لانو والله انا شايل همه

ولك جزيل الشكر والامتنان

يا اخوان اضراس العقل عندي مسوّسة هل يدققون فيها والا سهالات؟

*

طبي 2

لا تسابق من عند البوابه وتنطلق ع الباصات متحمس تحسب انك لا رحت اول واحد بتدخل اول واحد للكشف ( تبطي )

جاي من الساعه 7 ومتحمس والموعد الساعه 8 واركب الباص واروح ارز وجهي اول واحد ابي اخلص

وانثبرت ي حبايب الين الساعه 11 وشوي تقريبا ف المدرج ما نادوا اسمي

وبعدها انطلقنا وابشركم الامور طيبه تجلسون بالكراسي وتدخلون بالدور على النفسيه والباطنية وانت واقف ع السريع ، قد صابك مس ؟ انسحرت ؟ تستخدم ادوية نفسيه ؟ احد من هلك فيه مرض نفسي ؟ طبعاً انت بس قول لا لا لا لا

وبعدهاترجع ع الكرسي وتفصخ ما تخلي عليك الا السروال الصغير وفيه ناس رفعوا السروال الطويل للركبه ومشوهم وفيه ناس قالوا لهم افصخ اقول اشوف السروال الصغير باين وشلون منت لابس هههههههههه انكفش خوينا

طبعاً انا درعمت وكنت لابس سروال سنه قماش وتصف طابور تروح للمصري يناظر ويتفحص
وبالتوفيق يبني

بعدها ع المقابله تسلم الورقه اللي معك وهم جالسين يختمون عليها كل ما عديت شي وتنتظر ينادونك ثم تدخل ع اللجنه ، طبعاً قبل تدخل تشمر السروال للركبه وتفصخ الجزمه والشراب وانت بكرامه وتصف عن لجنه تنتظر دورك ومن حسن حظي طبيت في ناس عسل لجنه رقم 6

قالي العسكري روح رقم6 ، افضل لجنه

دخلت سلمت واخذ هويتي والورقه وقالي خذ ورقه وارجع ورا واقرا بصوت عالي
كان مكتوب ' ماهي السبل للحد من انتشار الشائعات ، شي زي كذا '
واجيك ابي اتفلسف ، قلت اولاً الشائعات خطرها كبير على المجتمع وتأثر 00 الا قاطعني واحد منهم وقال ي ابن الحلال وشفيكم انتم ' انا ابي جواب بسيط وانتم الواحد يبي يشرح . ، قال : انتم تاخذون الاسئله من النت وتحسبون نبي اجوبه مثاليه ، السالفه نبي اشياء غير بس انت جاوب اي شي وباختصار ، قلت التوعيه وبيان اضرارها للمجتمع في كل الوسائل ههههههه ، شوي نط علي الاول قال انت كم نزلت كيلو ، شاف بطاقة الاحوال وانخرش الآدمي لأني باين فيها دب مورم ، قلت 15 كيلو ي طويل العمر وسألني عن المده وايش الحميه اللي اتبعتها وجاوبته ثم قالي لولا سمح الله ما انقبلت معنا تبي ترجع تضرب ف الدسم وترجع مثل اللي بالصوره والا ؟ ههههههه

قلت لا ي طويل العمر ابي اكمل حتى لو ما انقبلت وابي انحف اكثر ، نط الثاني يقول لا بالعكس جسمك الحين احلى جسم لا تنحف ولا تمتن ، رفع فيني ههههههه

ثم قام اللي معه بطاقتي منهم طلع للمسؤول عن المقابلات اللي بالنص بين اللجان مدري وش رتبته ما انتبهت وعلمه وقال شوقه هنا وهنا كيف ، حسيت اني كائن غريب طايح عليهم ههههه

ثم بعدها تروح للجنة الثانيه واحد مدني رحت له يسولف معي عن ديرتي ويضحك وسألني ليه ما تحب هالقنوات ' العالم والمنار ' وسولفت معه ضحك شوي وقالي بالتوفيق ان شاء الله 00

ثم تروح للبصمات وانت واقف وعلطول تروح تقيس لطول ع الماشي من دون وزن وعلى تدقيق الاوراق يفتش الدفتر واهم شي 6 صور شمسيه واوراقك كامله وبعدها عاللياقه

دخلت ع الاطاله وجبت 29 ، الله يسامحه الخال اللي قاس لي بغى يجيب العيد فيني موب شايف يقول للي يسجل 23 واناظر واقوله ي ابن الحلال 29. ، ثم عدلوها لي ودخلت ع السير طبعاً يسألك كم وزنك ويسجله بالسير والظاهر كل وزن له سرعه محدده المهم شغله وقالي اذا تبيني انقص بالسرعه علمني بس كل ما كان الوقت اقل اللي تقطع فيها 600 متر يكون افضل لك بالدرجه ، وانطلقت كلهاجري والحمد لله قطعتها ب 3 دقايق وعشر ثواني وقالي ممتاز وبالتوفيق 00

طبعا خلاص تطلع وانت منتهي بس شد حيلك كلها ثلاث دقايق مع اني برا اجري والله ما اجيبها بنفس الوقت القياسي بس يوم تخلص كل شي يكون لك دافع انك تجري وتنهي كل شي ب احسن صوره

الله يوفقنا واياكم ي شباب ، ويارب كلكم مقبولين ان شاء الله