يا شباب الطبيب اللي يفحص الاسنان وش جنسيته

وهل بشوش والا شديد ؟؟

كوكوكات يعطيك الصحة

جزاك الله خير

والله يوفقك والجميع

اشكرك حبيبي

وين الشباب

ما يصير الموضوع ينام كذا

طيب اول ما تدخل عنده
يقول ابتسم بس ؟؟

اول ماتدخل عنده يشوف الضروس بعدين يقول ابتسم.

الله يخارجنا وبس



الله لا يهينك




تسجيل خروج

[align=center]"تقرير شامل عن كل ما حصل اليوم "[/align]

اول شيء احب ابارك لكل شخص عدا مرحلة الكشف الطبي الاول .. وباذن الله عقبال القبول النهائي .

طبعاً كالعاده العميد مدير التعليم وجهنا للباصات واتجهنا للصالة الرياضية .. طبعاً زي ما حصل لكم في القبول المبدئي الاول .. بالنظام وتنتظرر عند اللي يطبعون لك ورقة الكشف الطبي .. بعد ما تنطبع لك تتجه لمدققين البيانات وانت واقف ما تاخذ ثواني .

بعدين تتوجه لمجموعة كراسي مع خوياك وهنا تبدأ الجلسة يعني ابو ساعه او نص ساعه .. يسلمونك وقتها وينادون بكل اسم .. وكل شخص له ملف ونصيحة يا اخوان اتأكدو من طولكم ومن اساميكم .. لان فيه واحد كاتبين له 167 وطوله في 170 وفوق .. وعدلها له الدكتورر .

بعدين تتجهون للكشوفات ومثل ما حصل في الطول والوزن كل 25 طالب ضابط .. يتجهون .. طبعاً اول عياده العيون ( والله جداً سهله ) ولا احد يخاف .. واللي انطردو اثنين .. واحد نسأل الله السلامه فيه حول في احد العينين وواحد الله واعلم واتوقع ضعف نظر .. بعدها في نفس الغرفة وبنفس العياده .. تروح لدكتور عمى الالوان والله انك تقراها وانت تمشي . اسهل من اللي في النت بمية مرره .. جداً سهله الارقام .

بعدها عياده الاسنان .. واللي انطررد واحد فقط .. ونسأل الله ان يرزقه من واسع رزقه وكل شخص انرفض .. وهو تقدم الاسنان بشكل عالي .. وبالنسبة لي الاختبار سهل افتح فمك .. اضحك والله يوفقك يعني ثانيتين فقط .. في نفس الغررفة فيه عياده الاذن والانف والحنجره .. يسالك كيف حالك ؟؟ .. ويقولك غمض عيونك بقوة وابتسم ويشيك ع الفم من فوق وبعدها ع الانف وبعده ع الاذن ويقولك : الله يوفقك .. يمكن 9 ثواني او اقل .

بعدها تتوجه للي يقيسون لك النبض والضغط .

بعدين تروح للي يسحبون منك دم ( انتبهو يا شباب .. انصحكم من اخ ناصح لكم .. افطرو كويس افطرو كويس افطرو كويس ) .. لان فيه اثنين داخو من سحب الدم والسبب عدم الاكل لا عشاء ولا فطور او غيره .

بعدها اكرمكم الله تروح على قول المثل : ديره ما تعرف فيها احد ..... وانت واقف .. المثل هذا راح تشوفه في الكليه وخليك متجهز هههههههه

بعدين تنزلون للبوابة وياخذكم الباص وتروحون للاشعة .. وشفت كذا واحد قدامي اسمع الممرض يقوله : ظهره منحني وما ينفع .. والله يستررر منهم الاشعه .

بعدين ياخذكم الباص ويقولكم توكلو على الله

اي سؤال انا موجود وما خليت شيء الا قلته لكم

واللي انطردو 3 فقط اثنين بسبب العيون وواحد بسبب الاسنان .

بالتوفيق للجميع ولا احد يخاف جداً سهله واسهلها كلها العيون

البراشوت


الله لا يهينك
الله يجزاك ألف خير
ما قصرت قسم بالله


كثر الله من امثالك





ليه طبيب الأنف يقول غمض وابتسم ؟ هههه

[align=center]صبحكم الله بالخير[/align]
توي مخلص الكشف الطبي واسأل الله العظيم ان يجعلني واياكم من المقبولين في هذه الكلية
حبيت انقل لكم انطباعي انا انسان كنت موسوس من الكشف الطبي لان عندي الاسنان مدمورة حدود خمس حشوات و اربع ضروس مسوسه ولكن كانت اليوم اسهل كشف قاللي ابتسم وافتح فمك وعداني ولله الحمد والمنه
فحبيت اعلمكم واقول لكم لا لا لا توسوسون والله انها سهالات بعد تيسير الله سبحانه
واي استفسار انا تحت امركم
واسال الله كما يسر هذا اليوم انه ييسر الايام الجايه لي ولكم
والحمد لله على كل حال