الله يوفقنا واياكم يا شباب

قررت ما اروح لموعدي

و الحمد لله على كل حاااال

[align=center]شباب
باقي لي ٨ ايام عن موعد اختبار اللياقة
هل فيه شي ممكن اسويه واتحسن في اختبار ( الإطالة ) [/align]

اول شيء السلام عليكم ورحــمة الله وبركاته ..

" تقرير طبي 2 " وما حصل معي اليوم

اول شيء كالعاده تنتظرون في الانتظار وياخذكم العميد ويوجهكم للباصات .. بعدها تتجهون للصالة الرياضية .. وتجلسون في الكراسي الحمراء من اليمين في الاعلى تقريباً ( صعب وصفها ولكن راح تعرفونها على طول من العسكرر ) .

بعدين يوم تتجمعون يجيكم واحد بملفاتكم حقت الصحة .. ومعاه مجموعة لا بأس بها .. حدود 50 ملف او اقل او اكثررر .. وينادي بالاسامي عليكم ويخليكم تصفون صف ورا بعض وبعد ما يتنهي ياخذ ملفاتكم وتتجهون للعيادات مثل كشف طبي 1 .. بس ما تروح يسار تطول شوي وبعدين يسار ويجيك مكتوب لوحة كشف طبي 2 .. تنتظررون على الكراسي ويوزعكم عسكري على حسب ملفاتكم ونفس ترتيبكم اللي ناداكم عليه .

يوم تكتمل الاعداد نوعا ما .. يبدأون في العيادات اول شيء تحصل النفسيه والباطنيه مع بعض وجالسين في طاوله وحدهـ ..

يسألك : هل انت مصاب بمرض نفسي ؟؟ هل انت مريض او حصل لك شيء ؟؟ ومن هالكلام ويتابع حركات جسمك ويشوف تعابير وجهك .. وما ياخذ ثواني ويقولك رروح

( نصيحة لكم : حاول تطالع في عينه ولا تسوي اي حركه وقوله : لا لا لا .. اي سؤال )

بعد عياده النفسيه والباطنيه تبدأ الفضائح ههههههههههههه

تفصخ ملابسك قدام اللي معاك .. وتشوف انواع الشورتات .. وانواع الضحك والابتسامات وكسرر العيون

( نصحيتي لكم : البس سروال سباحة اسود قطن او سروال طويل شوي لانك راح تكون منت لابس غيرر سروالك الصغير فقط ) ويفضل اللون الاسود .. لتجنب الاحراج

بعد ما تنتهي من العيادات اللي فوق وتعدي على خيررر باذن الله .. تروح للمقابلات الشخصية

طبعاً عندها تنتظررون على الكراسي وتجيك ورقة باسمك وتناسق جسمك وعليها درجات مبدئياً لطولك وتناسقه مع جسمك وعليها درجات إلى 5 اعلى درجة فيها .

تبدأ بالمقابلة الشخصية الاولى " في غرفة وفيها رتبة عسكرية من عقيد وفوق بالاضافة لدكتور اكاديمي او نفسي الله واعلم " : ولجنة رقم 1 .. تورطت فيها علماً (فيه 6 لجنات ) .. وحضر نفسك لانك راح تقول كلمات بصوت عالي ( لانه سألني : لو كنت في دوريه مرور وما عندك مايكروفون وشفت راعي هايلكوس وتبغاه يوقف على جنب .. لازم تقول { وقف على جنب يا راعي الهايلكوس } وبصوت عالي تقولها .. وفيه بعد بعض الشباب { استريح .. استعد } بصوت عالي تكررها اكثر من مره .. وسألني : ليشش دخلت الكلية الامنية ؟؟ ليش ما رحت الحرس او الجيش او القطاعات الاخرى .. وتجاوب انت .. وحشرني بسؤال بحكم تخصصي لغة انجليزية ..

قام لي : اتكلم عن ايش يفيدنا تخصصك بالامن باللغة الانجليزية
وقلت له الكلمات بخصوص الامن وغيرها ما تحضرني الان .. ويحاول يساعدني وانا معاه وبعدها قام قلي : دق التحية العسكرية .. وتحرك يمين شمال ويمين وشمال ( اربع جهات تدور تقال فرجال ) ههههههههههه .

بعد ما تعدي المقابلة الشخصية الاولى .. تتجه للمقابلة الشخصية الثانية : وجداً سهاله والله انه يسولف ويضحك ويشوف هل انت متأكد من كلامك وكتابتك في الملف الاصفرر ويجلسس يقرأ ويسألك عن المذاهب ومن هالكلام .. ( يشوف تفكيرك كيف وهل انت منحرف عقلياً او انسان طبيعي ويشوف ردة فعلك ويحاول يجيك على الكلام الحساس .. يعني لو الوالده لا سمح الله مطلقه او شيء زي كذا .. يجيك ع الوتر الحساس ويشوف ردة فعلك )

وبعدها تتجه للبصمات يبصمونك بكل يدينك الثنتين وبكل اصابيعك وبعدها تتجه لتدقيق الملفات وياخذ منك الاوراق المطلوبه .. ويشيك عليها مبدئياً .

( نصيحة لا تترك شيء فاضي .. يعني لا تكتب لا يوجد عسكريين في الملف من قرايبك وكذا .. لان راح تنرد في التدقيق النهائي يقولك : لازم تكتب لي اي اسم لو جيرانك هههههههه .. وكمان لا تنسى اي شيء يتعلق عن جدك وجدتك من الجهتين الام والاب .. لازم تكون اوراقك معاك لاجل ما يتعبك ويردك ) .

بعدها تتجهون لقياس الطول فقط .. الوزن ما يتكلمون عليه ( يعني اهل التعهدات لا يخافون ان شاء الله امورهم في السليم ) .. لاني قست والجوالات والمحفظة في جيبي وقلي بس طولك المهم .

بعدها تتجه للمدقق اللي ردني وقلي كمل بياناتك .. وهو اللي ياخذ ملف الالحتاق النهائي منك .

بعدها تنتظررون لين يتجمعون خوياك وياخذونكم للياقة والاطاله .. ونفس المقطع اللي منزلينه الاخوان من اليوتيوب في الردود اللي فوق .. بالضبط نفس التمرين حاول تمسك نفسك وتجيب درجة فوق 25 .. وبعدها ياخذونكم للسيرر .. والله ما فيه اسهل منه .

ترفع السرعه وحاول تجيبها في اقل وقت .. لان شايف ناس جايبين 600 متر في 5و 4 دقايق

والله على سرعة 7 او 15 واكثرر .. كلها نفس الهروله ما تفرق بس اللي مو متعود على السيرر يشيل هم .. والله سهل وحاول تررفع السررعه على قد ما تقدرر وجسمك يتحمله .

بعدين يقولون لكم واقول لكم : فالكم القبول النهائي باذن الله

الحمد لله والشكرر لك يارب

اي استفسار يا جماعة الخيرر .. باذن الله افيدكم حتى لو ما رديت الان .. راح ارجع واشوف الردود وارد عليها كلها ان شاء الله

هذا كل اللي عندي

يالربع ياللي راحوآ موآعيد طبي 2

عطونآ آلعلم آلطيب .. وش صار في المقآبله وهي العآمل الآهم ..!

كذلك وش صار في السير 3 دقايق ولا 600 متر ؟

وبيض الله وجيهكم

ننتظر ردودكم خصوصآ في المقابله ؟

السلام عليكم

ياشباب للي كان يسأل عن الرابط حق أختبار عمى الألوان

هذ الرابط ..

https://www.btalah.com/eyetest/

وبالتوفيق

لبى قلبك يالبراششوت
حي هالراس يالمطنوخ
انا معطيني تعهد وزن وشايل همه لي اسبوع
والمقآبلآت لآزم نضبط وضعنآ مآدآم آنهآ كذآ

بيض الله وجهك يالامير