09-07-2012, 04:17 PM
|
عضو مهم
|
|
تاريخ التسجيل: Mar 2008
المشاركات: 207
معدل تقييم المستوى: 34
|
|
اخواني الاعزاء ولله الحمد والمنة تم قبولي وتسليمي اوراق الكشف الطبي والبصمات وراح اقلكم اللي صار معي بالتفصيل اول شي من الساعة 7 صباحا وانا مسنتر عند البوابة وما دخلنا الا الساعة 7،30 طبعا كانو متواجدين المقدمين على الطيران البحري والمتقدمين على البرامج الخاصة وسوا لنا صفين كل دورة يصفون لحالهم طبعا تسليم الاوراق اللي طلبوها وهي صورة من الوثيقة للدبلوم وصورة من السجل الاكاديمي وصورة من بطاقة الاحوال وصورة من بطاقة احوال الوالد وصورة من كرت العائلة وثلاث صور شخصية وبعدها اخذوا الطول والوزن وانلطعنا تقريبا حول ساعتين الى ان بدأت المقابلة الشخصية طبعا ياخذون كل عشر طلاب مع بعض الين يخلصون المقابلة وبعدها عشر طلاب وهكذا نجي للمقابلة الشخصية تدخل تحصل نقيب والشهادة لله انه قمة في الاخلاق ومعاه واحد رئيس رقباء ويقلك بالانجليزي عرف عن نفسك وبعدها اتكلم عن عائلتك وبعدها يعطيك ورقة فيها اربع جمل زي ما ذكروا الاخوان يختار جملة ويخليك تقراها وبعدها يقلك ترجم الجملة وبعدها يبدا معاك سواليف عايدية جدا من فين انت ومن فين متخرج المهم بعدها قلي النقيب عارف البرنامج حق الدورة ؟؟ قلتله لا قال ثلاث شهور دورة وبعدها ست شهور لغة انجليزية وبعدها تتعين اما في قاعدة الملك فيصل البحرية بجدة او قاعدة الملك عبدالعزيز البحرية بالجبيل الين يجيك الابتعاث وبعد ما خلصنا المقابلة قال النقيب انتظر تحت عشان تشوف نتيجتك وانلطعنا يمكن ساعة الى ان وصلت النتائج وانقبلت ولله الحمد مع العلم انهم ردوا نااس كثير ما قبلوهم عشان اللغة فانتبهوا يا شباب كل واحد يحاول يحفظ كم كلمة عشان يخارج نفسه وبعدها وزعوا علينا اوراق المستشفى طبعا الكشف الطبي في مستشفى القوات المسلحة بالرياض واعطونا موعد الكشف يوم الاحد القادم واعطونا اوراق البصمات اروح تسويها في شرطة الرياض براحتك معاك اسبوعين عشان تسلم الاستمارة واوراق البصمات وهذا تقريبا كل اللي سار معانا اليوم دخلنا من الساعة 7،30 وطلعنا الساعة 2 الظهر مرمطة على كيف كيفكم واي سؤال او استفسار احنا في الخدمة لحظة نسيت شي مهم النسبة لمكان الدورة كلنا دورتنا الفرد الاساسي في قاعدة الملك فيصل بجدة عن اذنكم النووووورم طافي ناعاد اقدر اشوف والمعذرة على التنسيق ترا قاعد اكتب من الجوال في امان الله والله يوفقنا واياكم
|
العرض العادي
