السلام عليكم

انا خريج حديث العهد يمكن مالي الا اقل من شهر من يوم حصلت على الوثيقة
تخصصي زي ماهو واضح في العنوان لغة انجليزية والتقدير كان جيدجداً
ودي اعرف وش افضل الوظائف الي ممكن اني الاقيها ((يعني باختصار ماني عارف وين اروح له))

علما باني من سكان العاصمة الريــــاض
الي يعرف اي شي لايقصر معنا ياشباب ..والله يجعلها في موازين حسناتكم

اتوقع ممكن يفيد بمجالات الترجمه وايضا التدريس


الله يوفقك

هلا فيك اخي الكريم

اغلب الوظائف الحين تشترط اللي اسميهم تؤام التوظيف. ( الانجليزي والحاسب)

خريج اللغة الانجليزية. الوظائف المتاحة لة ...مجالاتها كثيرة ولله الحمد.

مؤسسات. شركات. مستشفيات. مدارس عالمية. بنوك. ...............etc

انت ماعليك الا تسويلك c.v. وتجمع أوراقك. ويبدا رحلة البحث عن الوظيفة.

من الجرائد. المواقع. المنتديات. وغيرة

والله يوووووووووفقك

أفضل تخصص ياصاحبــي هو الإنجليزي عندك لغه
حبيبي اللغه الإنجليزيه مطــلوبه في 90% من الوظائف
سواء قطاع حكومي أو خاص
قدم على جداره وقدم على الوظائف وإنتظر المفاضله والله يوفقك
في مدة الإنتظار هاذي قدم على القطاع الخاص
على البنــوك وعلى الخطوط السعوديه وركز على الخطوط السعوديه
وعلى الشركات المتعاقده معها لأنهم مطفرين يبون موظفين وعندهم إنجليزي
قدم على شركات الإتصالات أغلب وظائفهم يبون إنجليزي
والله يوفقك

في التلفزيون او الاذاعة الاجنبية مثلا مذيع او مترجم

الله يجزاكم خير كلامك صراحة يرفع المعنويات
لكن ياريت كل واحد يعطيني رابط لأي جهه اقدر اقدم عليها واكون شاااكر لكم جميعاً
ترو مالي الا الله ثم انتم يا اعضاء منتدى بطالة

ماشاء الله تباررك الله
الله يوفقك ويسعدكـ ....

القسم الي تخرجت منه شيك مفتوووح ....

هذه من اجتهاداتي الخاصه اتمنى تنفعك ..

أول مرحلة تعملها قدم على جدارة ونتظر المفاضلة والتعين كمدرس ونساها حتى تأتيك رسالة ...

ثاني حاجه شوف مايلي :

عندك مستشفى الحرس الوطني = اختبار مبدئي انجليزي وختبار شبه التوفل 100 سؤال ون جبت درجه قوية يتم تعينك ان شاء الله بعد مراحل المقابلات والفحص ...

http://www.ngha.med.sa/Arabic/JobSee...cruitment.aspx

روح لبناء السيرة وختر المنطقة الي انت فيها أو الاقرب ( الدمام - الاحساء - المدينه - الرياض - جده )

لكن دوامه طووويل من 8 الى 5 واوف خميس وجمعه على حسب الوظيفة المرشح لها لكن كراتب قووي ..

عندك قطاااااااع البنوووووووك تكون من ضمن الموارد البشرية .... طبعا لاعلم ان كانت رواتبها حرام ام لا ..

وعندك بنك الانماء لسسه جديد وراح تشوف نفسك فيه ولما يكبر البنك بتكبر معاه ...

http://www.alinma.com/

روح للتوظيف وكنك تسجل بمنتدى طريقته ..

عندك قطاع السييييياحه مثلا الخطوط السعودية روح درعم عليهم بالشركة ولا النت ولا طيران ناس من هالشركات القووية ..

عندك مايلي برضو ..

كيمانول به شواغر بس مادري اذا طالبين قسمك أم لا ..

http://www.chemanol.com/ar/Default.aspx?pageid=526

ارامكوووووو التقديم لاأعلم

http://www.saudiaramco.com/ar_sa/home.html
...سابك... طول العام مفتوح

http://recruitment.sabic.com/homepag...defaultarb.htm

....معادن ..... مفتوح حاليا اتوقع

http://www.maaden.com.sa/ar/careers/working

سكيكو ...سجلت صديقي اتوقع مفتوح

http://www.se.com.sa/employment/

صدرارة ...كان مفتوح مادري تسكر حاليا أم لا ...

http://sadara.com/ar/careers.html

عندك شركة زين تكون من ضمن الموارد البشرية ..

طبعا لاجاك عرض من هؤلاء اوو اي شي ادرس العرض من ناحية طبيعة العمل والراتب والدوام وشوف الي يجوزلك ياولد الاجواد...

دعواتك لي بالتوفيق ....

حبيبنا قدم في كل محل سواء كان بالايميلات او دور علي الشركااات تخصصك ممتاز ومرغوووب والله يرزقك افضل افضل وظيفه تعال جده وفيهاا شركااات قويه وعندك الفنادق الكبيره ممكن تاخذ منصب جيد والخطوط السعوديه وشركااات الاسمنت وارامكوووا بالنت طبعااا وسابك اشتغل اي شي الى تجيك وظيفه ممتازه اهم شي لا تجلس عاطل ورزقك راح تاخذوا عاجلا او آجلا اهم شي اعمل بامانه ومني خالص التحيه

[mklb2]بالتوفيق ..
[/mklb2]

ماشاء الله تبارك الله لاقوة الا بالله ^^


انا لغة انجليزي لي سنتين متخرجة ومني لاقية شىء عدل التدريس من اسوء الخيارات في زمنا الحاضر !


ياترى توجد اقسام نسوية معزوله عن الرجال فيما ذكرتم ؟