السلام عليكم

موضوعي يا شباب ويا اخوات اني من خلال جولاتي وصولاتي في المنتديات لقيت بعض الشباب عندة صعوبه في ادارة وتطوير مشروعه الصغير خصوصا للمستجدين .

وبما اني لي خبرة بسيطه في المشاريع الصغيرة وتخصصي ادارة اعمال قررت اني اضيف شي لهذا المنتدي العظيم من خلال حلول لمشاكل قد تواجه المستثمر الصغير و تساعدة علي ادارة المشروع وتطويره سأضعها بين ايديكم .

النقاط ستكون مزيج من الخبرة المتواضعة وحس اكاديمي بسيط بلغة يفهمها الجميع.

للمعلومية هذي اول مشاركة لي واتمني انها تفيد ولو بالشي البسيط . نقاط تساعدك علي التغلب علي بعض التحديات اللتي تواجهك في مشروعك. اذا تبغون تطرحون انتو المشكلة وانا اضع الحل بين ايديكم ما فية مشكل صديق .


التحدي الاول ( كيف انافس؟ كيف اكسب زباين)


كثيير من الناس يفتح محل ويفشل مع ان المحلات الاخري الي تمارس نفس النشاط ناجحه والناس ما شالله تشتغل عليها وربحانه.

علي سبيل المثال محلات الخضرة والفاكهه ، الشخص هذا وغيرة الكثير فشل مع انه يمتلك كل مقومات النجاح والسبب يعود الي مفهوم يسمي بالميزة التنافسة المستديمه او sustainable competitive advantage من اهم العوامل اللتي تساعد علي التنافس والبقا لفترة زمنية طويلة.


خذ علي سبيل المثال لا الحصر ماك دونالدز ، من منا لايعرف هذا المطعم وكيف نجح وصار من اكبر مطاعم الفاست فود في العالم ؟


ماك دونالدز يملك sustainable competitive advantage اللي جعلته يختلف عن كل المطاعم ، تعرفون وش الميزة المستديمه اللي يملكها ماك؟

هي ان الاطفال يحبونه حب عجيب و الميزة هذي مكتوبه علي اللوحة تبعهم (انا احبه). تعلقت قلبوب الاطفال عندهم بالالعاب والمرح وو جبات الطفل مما جعل ماك مفضل لدي الاطفال وبتاكيد للعوايل بسبب حب الاطفال له.
الآن بسبب كثرة المشاريع , لازم يكون عندك شي يختلف تماما عن المنافسين. وليس هذا فقط لازم يكون مستمر وصعب التقليد او تكون الميزات مستمرة مثل العروض والخصومات والوجبات تتغير بين فترة وفترة اذا كان المشروع مطعم


لهذا اذا جيت تفتح مشروع حاول انك تبحث عن ميزة تميزك عن غيرك حتي تنجح.

فلو كان مشروعك مثلا محل خضار حاول ان تجعله مثلا جذاب ويخدم شريحة معينه من العملا مثل

كبار السن و ارباب المنازل و ممكن ان يحتوي محل الخضار علي لحوم طازجة وجرايد ولبن طازج

ودجاج مبرد ، فهذا يجعلك مختلف عن المحلات الاخري لو جود رابط قوي بين الفئة المستهدفة

والميزة لدى المشروع لانك تستهدف شريحة معينه من العملاء .

اللي عندة سؤال يسأل وراح اجاوبة ان شاء الله ؟

اذا عندك مشكلة اطرحها و سأحاول ان اجد حلول لها بشرط ان تكون مشكلة إدارية او تسويقية او ممكن محاسبية

لاتنسوني من دعائكم

[align=center]وعليكم السلام استاذ علي
وجودك الفائدة الأكبر لهذا المنتدى
كيف أصنع لمشروعي أسم تجاري جذاب له شهرة ؟؟
وكيف أضع خطة تسويقية ناجحة لمشروعي؟
عذراً كثرنا عليك الأسئلة
تحياتي[/align]

الله يجزاك خير ويرحم والدينك

جزاك الله خير اخي الكريم
سؤالى الوحيد
كيف اتمكن من السيطرة على محلي السوبر ماركت حسابيا بوجود العمال؟؟

شكراعلي التفاعل

اخوي متفائل بطبعي سؤالك جميل , كثير يبغى يكون براند او ماركة مشهورة وهذا يعتمد علي مشروعك لاكن بجاوب بشكل عام

1- لازم يكون عندك شعار يوصف خدمتك او منتجك بجملة واحدة فقط , فمثلا مطعم صب واي جملتة كل صحي وفكر بشكل صحي eat health,think healthy او شركة ابل العريقة فكر بشكل مختلف ,

2- لازم ان تصنع لوقو للشركتك بحيث مع مرور الزمن ممكن الناس تتعرف على الشركة فقط من خلال اللوقو

3- بعض الشركات تستخدم شخصية انسان او حيوان فعلي سبيل المثال مطعم كنتاكي او كي اف سي مجرد
ما تشوف الشايب (اكيد انك تعرفة ) تعرف مباشرة انه كنتاكي

4- ممكن ايضا ان يكون هناك مقطع موسيقي قصير 3 ثوان او اقل مثل مسقى شركة زين او استي سي او موبايلي (دايم تطلع في دعاياتهم)

5- كمبتدأ , لازم تسوي (براند اويرنس اد) او دعاية هدفها ليس زيادة المبيعات والتسويق للمنتجات بل هدفها هو ان يكون هناك وعي من قبل المستهلكين با الماركة تبعك(ممكن تتكفل مثلا بمراكز صيفية او مدارس او جمعيات خيرية كداعم اساسي او فرعي بس تاكد انك تدعم مجموعة راح يكونو في المستقبل عملاك ممكن مثلا اذا كانت الماركة مطعم ان تدعم حفلات تخرج في مدارس او شي من هذا القبيل بحيث تكون الماركة واضحة انها هي الداعم لهذا الحفل

بعد هذا كلة , اذا جيت تسوي دعايات , يسهل عليك الامر لان الماركة معروفة فممكن مثلا ان تضع اللوقو في الدعاية فقط والمنتج الجديد والناس راح تعرف

بخصوص الخطة التسويقية هي طويلة جدا وتحتاج تفصيل حتي تكون ناجحة اذا الامر ملح ماعندي مشلة اطرحها او سؤالك خلةدقيق بحيث اني اجاوبك علي قدة .

اخوي سليمان سأطرح الجواب قريب ان شا الله

شاكرة الاخوة علي مرورهم

اخوي سليمان الآن البرامج المحاسبة تسهل عليك كل شي , تجرد لك وتحسب كل شي , سعر التكلفة والدخل وكم حبة بعت من هذا المنتج وتعرف وش المنتج الماشي عندك والمنتج اللي مايمشي وكل شي بجميع التفاصيل يومي وشهري , صعب جدا ان تجرد بنفسك وتحاسب , اشتر لك برنامج محاسبي مع قارئ البار كود كل شي يكون عندك مسجل ولا العامل ولاغيرة يقدر يسرق , فواتير الكترونية , ويمكن انك ايضا تعرف كم باقي من حبة في المستودع عن طريق عدد المشتريات - المبيعات يطلع الباقي طبعا البرنامج يسويها لك , اذا كان مشروعك صغير ولا يتحمل كل هذي التكاليف لازم تديرة انت لان السرق وارد . اتمني اني جوابت علي سؤالك

حياك الله اخوي سامي ابشرو بحاول اكتب خطاواتها بشكل عام قريب ان شا الله ,او انكم تتفقون علي مشروع معين و اكتب الخطة التسويقية تبعة بالتفصيل

شاكر لك مشاركتك

الله يعطيك العافية أخوي علي ..
ونعم الرجل !

[align=center]شكراً لتفاعلك معنا أخي علي المسعود
أنا مشروعي الجديد هو كوب الذرة والبطاطا الحلزونية
وأحتاج لأسم تجاري جذاب ليكون ماركة معروفة بالإضافة
إلى لوقو مميز , وخطة تسويقية , بالإضافة لكاتبة رسالة
واضحة وأهداف مستقبلية للمشروع .
لذلك نحتاج الدعم من الجبراء أمثالكم.
آسف للإطالة[/align]