السلام عليكم

ياشباب الكلية التقنية عندهم تخصص حاسب برمجيات وانا سجلت فيه بس ماعندي خلفيه عن التخصص وش دراستهم وهل فيها انجليزي ورياضيات اولا ؟

وهل تنصحوني فيها؟

في مواد انجليزي و رياضيات

و عليكم السلام ورحمة الله و بركاتة

أخوي , سويت تسجيل دخول لعيونك يابطل , عموماً
تخصص الحاسب الآلي ينقسم إلي ثلاثة إقسام , [ دعم فنى , برمجيات , شبكات ]

طبعاً تخصص البرمجة , يكون فية إنجليزي بتقلي كيف !
أقلك هالتخصص يعتمد علي الأكواد و صناعة البرامج و غيرها سواء بالبرامج المعروفة , Visual Basic أو إنت تكتب برنامج بس في النهاية سهل للي يذاكر و يركز زين لأن في الكلية يعطونك بدايات البرمجة , و أبشرك
هالتخصص قوي للي يبدع فية و يطلع بمعدل ممتاز إلي جيد جداً , يكفي لك شرف إنك تصنع برامج و منها تعرف ثغرات البرامج و خللها , و هكذا ،

طبعا في حالة ماتبي القسم ذا , يمديك تحول لأن أول فصل دراسي , لمدة ثلاث شهور , دراسة مواد عامة , رياضيات , إنجليزي , ثقافة إسلامية , مواد سهله و صدقني لو تركز مو تذاكر بس تركز تدق ال 5 من 5 بالراحة , و بعدها إذا ناوي تعدل قسمك تقدر بس لازم تجيب أقل شئ 3,75 من 5 بكذا تنقل قسم ثاني ,

طبعاً أنا بعطيك نبذه عن تخصصي دعم فني و أحب أقلك هالتخصص تخصص سهل علي لأن لي خبرة في تركيب و فك الأجهزة و القطع الداخلية للجهاز و الفورمات و تركيب البرامج و إكتشاف مشاكل الجهاز , بتقلي كيف كسبت هالخبرة , أقلك رحت لمحل كمبيوتر قلت له بشتغل عندك أتعلم لمدة 6 شهور بدون راتب أبي خبرة و الحمد لله الله يعطيه العافية ماقصر معي إشتغلت عنده لمدة 6 شهور و بكذا كسبت الخبرة ,
و إبشرك و الحمد لله الأن تخرجت من الكلية معدلي فوق ال 4 , و معا بداية الترم راح يكون عندي تددريب
لمدة 3 شهور , و بعدها الله يكتب اللي به الخير ,

أتمنى إني وفقت معك بالرد الكافي و الوافي و إي شئ تبية من عيوني ,
و إتمنى منك دعوة صادقة في ظهر الغيب ,

أخوك ,

وخذ هالفيديو يفيدك أكثر في إختيار التخصص ,