اذا ما قبلوني الجامعة أختار كلية التقنية وله كلية الاتصالات والمعلومات؟

سجين المعاناة · #11 (**permalink**) 11-07-2012, 08:29 AM

انا لاول مره أسكن الرياض ما اعرف احد, الشايب اشتره بيت لنا علشان نتوظف انا واخواني ونترزق الله من وراها
عمري 26 سنة لااااااا وظيفة ولااااا زواج ولا بطيخ والحاله صعبه لا يعلمها الا الله ولا اصدقاء ولا معارف ولا اي شي
وبعد تبوني أدخل جامعة ومتى أخلص وش ظل من عمري طيب؟ ومتى استانس بحياتي ومتى أكون نفسي و اتزوج؟ حالياً قمت أفكر انه حياتي كلها شغل بشغل كرف كرف مثل الحمار

الشكوى لغير الله مذله سامحني يارب
انا من ضيقة صدري أقول هالكلام
(سجين المعاناة)

بانديراس · #12 (**permalink**) 11-07-2012, 10:09 AM

دخولك للكلية التقنية = انضمامك بقافلة العاطلين
نصيحة فر من الكلية التقنية فرارك من الاسد .. حتى لو كنت مجبور

ادخل جامعة ولاتضيع مستقبلك

waleed_2006 · #13 (**permalink**) 11-07-2012, 12:08 PM

اقتباس:

المشاركة الأصلية كتبت بواسطة سجين المعناة

والله ظروفي صعبه حيل انا شخص أعزب و عاطل عن العمل ومتورط بحالي

سؤال هل معناها انه الجامعة أسهل من الكلية التقنية ؟؟

والجامعات ما اعرف نظامها أظل مرتبط فيها اربع سنوات او خمس هل احتاج صرف؟

والله يا ناس متورط صدري ضايق ومرات أحس أني ابي أبكي لا عفواا بكيت ودموعي اربع اربع من الحزن

لاااا وبعد هذا وشلون ابي أستقر أتزوج وافتح بيت لاحجت البقر على قرونها!!!

الحياة صعبه صعبه!!!!

أخوكم ( سجين المعاناة ) شاب عانس

[align=right]على أيامنا كانت الجامعات قليلة وأنحدينا على الكلية التقنية
لو ترجع الايام كان دخلت جامعة حتى لو قسم لغة عربية
زي ماقلت لك نظام الكلية التقنية الان نظام ثلثي
شف عدد الخريجين من التقنية كل فصل أعداد مهوله وزيادة في أعداد العاطلين
اذا كانت لك رغبه بالعمل في المجال العسكري أو البنوك اقول لك أدخل تقنية لكن بمعدل عالي
لكن اذا كان هدفك وظيفة في قطاع الحكومي او الخاص وحياة وظيفية أفضل أدخل بكالوريوس افضل من التقنية ألف مره
والتقنية والجامعة فيها مكافأة الف ريال شهرياً وبإمكانك العمل مسائي
تجمع بين الدراسة والعمل
التقنية نظام ثلثي = ستة فصول تدريبية مع التطبيق يعني خلال سنتين متخرج
الجامعة = سنه تحضيرية + 3 سنوات تخصص

وبعدين لا تفكر ان التقنية سهلة
الجامعة ان شاء الله اذا دخلت تخصص زين الوظيفة مضمونة ان شاء الله

الله يوفقك[/align]

ريوود الرياض · #14 (**permalink**) 11-07-2012, 06:32 PM

اخوي نصيحتي لك رح العسكريه احسنلك بالنسبه لي اشوف ظروفك صعبه للدراسه

ولكن دام عمرك كذا رح العسكريه واتوكل ع الله

بيبي بولد · #15 (**permalink**) 12-07-2012, 09:20 AM

الحلول كثيره بس لاتائس ,
حل ريود انك تدخل العسكرية وتدخل الجامعة انتساب واذ تخرجت تسحب ع العسكرية والكثير يسويها
الحين ي مدراء مدارس او معيدين بالجامعات او وظائف مرموقه

او انك تدخل جامعة وتتوظف وظيفية مسائيه / انا اعرف كذا شخص معي بالجامعه متزوج
ويدرس ويشتغل وماشيه اموره عسل

لاتعقدها توكل ع ربك ..

سجين المعاناة · #16 (**permalink**) 13-07-2012, 04:28 AM

العسكرية ما اقدر ..

سجين المعاناة · #17 (**permalink**) 14-07-2012, 04:51 AM

Up .....................

هوتيل · #18 (**permalink**) 15-07-2012, 08:12 PM

الافضل تشوف لك وظيفة مدام انت بالرياض

والرياض فيها وظائف كثير ماشاء الله بالقطاع الخاص

وادخل الجامعة انتساب تخصص لغة انجليزية وتتخرج باذن الله مدرس

لانوا الوزارة تقبل خريج الانتساب اذا كان تخصصه انجليزي لانوا هذا التخصص مطلوب جدا عندهم

والله يوفقك ويفرج همك يارب