السلام عليكم
حبيت أخذ رأيكم في مشروع استيراد جوالات واكسسواراتها من الصين ودبي اذا احد عنده أفاده عن راس المال وكيف ارباح المشروع وهل الافضل أوزع جمله او يكون عندي معرض
تحياتي للجميع

الله يوفقك اخوي
بالنسبه للجوالات ماعاد فيها فوائد مثل زمان الا اذا كنت تبغى تشتري الجوالات المجدده فيها مكاسب بس صعب دخولها اما الاجهزه الذكيه ( اي فون واي باد و سامسونج وبلاك بيري ) ما فيها فرق الا اذا كنت تشتري من الف جهاز وانت طالع
وبعدين يفرق معك انك ما تبيعها بضمان يعني ما راح يشتريها الا المحلات اللي لها فرووع صيانه
والمحلات الكبيره لهم مصادرهم الخاصه

اما الاكسسوارات فيها فوائد لو تستوردها من الصين وتعرف ايش اللي يمشي راح تكسب ذهب من وراها ويكون الجديد عندك بشكل مستمر وتعتمد على الموزعين والمحلات وبعد محلات الجمله اللي ما عنده احد بالصين
اما من دبي اشوف ما يفرق قيمه الاكسسوارات عن المملكه

واذا حااب تاخذ فكره اكبر ومن الرياض يشرفني بالتواصل معك
بالتوفيق*

[align=center]كلام مليونير صحيح انا ودي اروح الصين والله يحقق الامنيه[/align]

الله يوفقك

انا قريت موضوع لاحد الشباب بدا باستيراد الجوالات الصينية من دبي اللي تجي على اشكال جميلة قلب والخ

يقول بقصته بدا بمبلغ 45 الف ريال وكان يبيع على المحلات وطلع ذهب ماشاء الله

مشروع جداً رائع بس يبيله تفكير واختيار وذوق

بتوفيق لك