بسم الله الرحمن الرحيم
اخواني اعضاء المنتدى السلام عليكم ورحمة الله وبركاته وبعد ،،،
ما ادري كيف ابدا بس ودي اختصر عشان ما اخذ من وقتكم
بصراحه انا شاب عمري 23 سنه خطبة عند عمي ونا بصراحه احبهم وشاريهم موظف بشركة صار لي 6 سنوات والحمد لله من المميزين عندهم المهم كلنا يعرف يان الوظيفه الحكوميه المدنيه حلوة وامان وظيفي وخصوصن لما تكون منظبط وخدوم وما بكذب عليكم ما خليت مكان الا ورحت له بس سبحان الله ما لقيت الوظيفه المدنية الحكوميه ابداً المهم قلت ودي اتزوج مثلي مثل اي شاب بدينا وده يستقر ويرتاح من العزوبيه ورحت وتقدمة لبنت عمي وبعد النظره الشريعه قالو لي الشروط مهر للبنت مبلغ وقدره وتكاليف الزواج كلها عليك وبصراحه انصدمة كثييييير لانو بنك التسليف رح يعطيني 45000الف والمهر 40الف بقية 5 الاف بلله وش اسوي فيها المهم قلت ابد اروح لبنك الراجحي عشان اطلع قرض واكمل زواجي وليتني مارحت يقولي الشركة الي انت فيها هي شركة تعتبر كبيره او وسط ولاكنها مو مسويه اتفاقه مع البنك انها تقرض موظفينها لان الشركه رح تدفع نسبه للبنك والشركة رفضت هل نسبة والحين والله اني في حيره من امري لدرجة انو تعبت نفسياً ما ادري وش اسوي والمشكله ان عمي وش قالي قالي روح دور لك وظيفه مدنيه على الاقل تقدر تطلع قرض والله اني دورة يا عم بس ما لقيت قالي دبر عمرك والحين والله ما ادري وش اسوي احس اني متلخبط وبنفس الوقت انا ما عشت حياتي زي بقيت الشباب لانو تفكك اسري ومشاكل الله بها عليم ونفسي اتزوج هل انسانه عشان اعوض الي راح واعيش معها احلى ايام العمر بس ابي حل لهل موضوع وش اسوي وبنفس الوقت حرام اكسر قلب البنت ودي اتوظف وظفيه حكوميه وبعدها اتزوج وابي فزعتكم ورايكم يهمني والله كثير تكفون وش اسوي ابي ارائكم
المؤهل العام - ثانوية عامه
الدورات والخبرات - خبره اكثر من 3 سنوات في السكرتاريه العامه للشركة
حاصل على شهادة التميز الوظيفي
شهادة حاسب الي 3 اشهر والحمد متمكن من برامج الاوفس كثير لدرجة الاحترافيه بحكم عملي
والي يبي cv كامل ممكن اعطيه على الخاص

تبي نصيحة اخ ولاتزعل مني

مانت مغصوب ع بنت عمك اذا كان مهرها 40000 لان عمك يصعب الشروط عليك.

دور لك زوجة من العوائل اللي مهر بناتهم مايتعدا 20000 وباقي 25000 تقدر تسوي زواج متواضع ولاعليك من كلام الناس والله ان الزواج كل ماكان متواضع كل ماكان افضل لك بحياتك الزوجيه.

والله نصيحة من قلب اخ منصح لك.


ولاتكن متشمت ارضى بما قسم الله لك وسوف تجد الخير يفتح لك ابوابه بإذن الله.

شوف ياحبيب
اذا البنك ماعطاك قرض فيه شركات تقسيط كثيرة يعطونك الي تبي بس راتبك لايقل عن 3 الاف
وانتبه لاتدمر حالك بالديون دور اقل فايده
موفق خير

بختصر عليك الموضوع اذا تبي سلفه من الشركات اللي برا والا المكاتب بياخذو عليك فوائد خمسين بالميه مثلا اخذت 30000 تسددها 45000 والله يعينك على مابلاك وانا بعد عاطل مثل حالاتك ولا يمكن اصعب لاني عمري ثلاثين وماكو وظيفه وخلها على الله بس...وماقول غير الله يسهل امورك اخوي.

الله يوفقك

الشعب مكبوت و طفران

وكل شي غالي و الناس و الدنيا ما ترحم

الله يعينا و يعينك