السلام عليكم ورحمة الله وبركاته
.
.
.
.
.
.
.


انا حابه اخذ دبلوم شبكات وودي اعرف دراسته صعبه او سهله لاني سمعت انه صعب ويبغى له لغه لانه كله انجليزي, يعني اللي ماعنده لغه ممكن مايمشي فيه ولاكيف؟؟

اللي عنده خبره ياليت يفيدني

وكمان لازم يكون سنتين؟؟ لان في معاهد عندهم دبلوم الشبكات مدته سنه بس.

معقوله مافي احد عنده اي معلومه

اختي الشبكات شوي صعب فعلا واغلبه E وفيه سنتين اللي انا اعرفه .
وانا انصحك بدبلوم حاسب الي اشمل وافضل مسمى وفرص وظيفيه اكثر

طيب اخوي وافي وين احصل دبلوم حاسب شامل لان كل المعاهد عندهم يا شبكات يابرمجه مالقيت دبلوم حاسب

اختي انا عندي دبلوم شبكات من معهد الخليج (نيوهرايزن)ولي سنة متخرج بس خلي بالك هالدبلومات صح في مواد كثيرة او اغلبها بالأنجليزي لكن كانوا المدرسين يلخصونها لنا بالعربي يعني الأشياء المهمة وبعد ماتنتهين من دراسة السنتين في اختبار المؤسسة يعني 30%على اللي درستيه بالمعهد بهالسنتين و70%على اختبار المؤسسة الشامل وفيه على مدار السنة 3 اختبارات للمؤسسة ولازم تجيبين 60%من مجموع ال100عشان تنجحين بس نصيحة افضل لو عندك بكالوريوس افضل من دبلوم لكن لو انتي عندك بكالوريوس وحابة تأخذين هالدبلوم جنبة يكون زين واسف للأطالة

شكرا اخوي أمير الرومنسيه بس عندي سؤال لو مانجحت بالاختبار تروح علي فلوسي زي ماسمعت؟؟

انا كنت حاطه ببالي 3 خيارات:

1- دبلوم حاسب الي شامل يعني بس لحد الحين مالقيت معهد يقدم حاسب الي كلهم يا شبكات يابرمجه
2- شبكات بس خوفوني انه كله انقلش وان اختبارهم صعب الشامل ولو مانجحت تضيع علي فلوسي والشهاده.
3- دبلوم محاسبه وهذا اخر الحلول. والظاهر اذا مالقيت دبلوم حاسب الي باخذ دبلوم محاسبه.

علما انا عندي بكالوريوس لكنه بعيد تماما عن الحاسب وابغى اخذ دبلوم عشان يمكن اتوظف فيه.

مافي شي صعب بهال الدنيا ..عارفةاختي ان الشيء الصعب هو دخول الجنة بس...

الحمدلله ربي اكرمني وعندي ماستر في الشبكات ...وصدقيني الوضع اسهل بكثير مماتتوقعين ...
على العموم فيه معاهد تبع الحكومة عندا دبلوم شبكات مثل المعهد العالي بجدة وغيره