السلام عليكم ورحمة الله وبركاته

أنا مطلقة وأبنائي والدهم مسجون وزوجة والدهم تأخذ الضمان الخاص فيهم لأن كرت العائلة معها وذلك كله بعلم والدهم وموافقته حسبنا الله ونعم الوكيل!!
الآن أبي آخذ حق أبنائي منهم فهم اولى فيه والساكت عن الحق شيطان اخرس
غير اني انا من يصرف عليهم ووالدهم مايصرف عليهم حتى قبل دخوله السجن
الآن احتاج رأي سديد بالتصرف الصحيح اللي اقدر فيه آخذ حق أبنائي هل أقدم على صك إعالة ؟ أو أروح الضمان وأشتكي مع اني مو عارفة كيف الطريقة؟
ساعدوني جزاكم الله خير
وحسبي الله على كل والد يعتبر ان طلاق الزوجة هو طلاق للأبناء والتخلي عن ابسط حقوقهم

الله سبحانه حسبك ووكيلك روحي الضمان واسالي واطلبي المساعدة يمكن يوقفوا صرفها الين تعطيهم الكرت ويضيفوهم
واللي اعرفه ان لجنة اسر المسجونين تصرف لكم راجعيهم

يا اختي ما اعتقد فيه طريق لكن لما تجي اعمارهم 25 راح ينفصلون من ابوهم
مالكي الا الصبر مافي اليد حيله عليكي بالدعاء اذا كان الكلام صحيح
فيه طريقة انكي تطلعين صك اعالة على اولادك

الله حسيبهم ونعم الوكيل مدري وشلون يرضون يأخذون حلال غيرهم ؟!

آختي إذا كان أكبر عيالك عمره 18 سنه خليه يراجع الضمان ويقولهم السالفه ويطلب بطاقه جديده تكون بإسمه ويضيفون معه آخوانه أو راجعي المحكمه وعلميهم السالفه وخليهم يعطونك صك إعاله وبعدين راجعي الضمان وأضيفي عيالك معك بموجب صك الإعاله والله يوفقكم ويرزقكم إن شاء الله آتمنى إني آفدتك ..

الله يكون بعونك

طلعي صك اعاله وبعدا ان شاء الله بينفصلون وبيكونو معك

اختى الكريمه روحى المحكمه وطلعى صك اعاله وبعد ماتاخذينه روحى الضمان واخذى حق عيالك ولاتسكتين ومادام ابوهم مسجون تراهم يستحقون المساعدة اللى ياخذونها اسر السجناء تذكرى انهم امانه برقبتك ولا زم تاخذين لهم حقهم

شكراً لكل من رد وتفاعل

رسائل الخاص عندي غير مفعله لأن رسائلي اقل من ٥٠ مشاركة

أكبر ابنائي بنت عمرها ١٦ سنه والثاني ولد عمره ١٥
الاخيره بنت عمرها ٩ سنوات
وللعلم رفض انه يستخرج بطاقة احوال لولدي مع انه الآن يستحقها
والعذر انه بعد مايخرج من السجن واساساً هو له سنه مسجون ومادري وش قضيته وكم محكوميته !!

انا تابعة لمكتب الضمان اللي في الفيحاء
اما زوجة والد ابنائي غير موجوده في الرياض هم من سكان احدى مناطق الشمال
الله حسيبها هي واللي ساعدها على هضم حقوق ابنائي،، ماني عارفة كيف فيه ناس تاكل الحرام وتتهنى فيه !!!!

حبيتي روحي قدمي ع الاماره اعرف وحده مثل حالتك وراحت شكت طليقها ع امارة تبوك الامير فهد بن سلطان وربي وجه خطاب للاحوال وطلع لها كرت عائله واضافها للضمان هي واولادها لاتسكتين عن حقك وزوجته الله لايوفقها جعلها تصرفه ع صحتها

وماذنب الاطفال والله حراااام اللي يسويه بعض الرجال ليس بلمراءة بلزوجة بلعشيرة ولكن بلابناء اللهم انت حسبنا ووكيلنا وكافينا في من ظلم ابناءنا اللهم دافع عنهم ( ان الله يدافع عن الذين امنوا )