اشكرك جميع من ردت على موضوعي لكن للحين وانا اطالب بتقاعد المعلمات الكبيرات في السن حتى يتسنى للخريجات ارقام لانهم يقولون مافي احتياج وحاجات زي كذا وبعدين الكبيرات بالسن لا يصيرن انانيات حتى حنا نبي ندرس اجل وشله درسنا ثانيا : يالي تقولين حسد ومادري ايش الحسد تمني زوال النعمه واحنا مانتمنى زوال النعمه من احد بالعكس نطالب بحق من حقوقنا اجل يقولون مفاضله على اي اساس دامهم ياخذون كليه اعداد معلمات واحنا اعلى نقاط واقدم وطالبين نفس المدن الي هم مختارينها لاتقولين ابتدائى ومادري ايش ليش ياخذون كليات التربيه والجامعات ويحطونهم اداريات يعني ماينفع يدرسون ابتدائي وينفعون للادار ه ماهوحرام عليهم ليه ثم ليه ثم ليه يحدون انفسهم وياخذون مقبول من كليه اعداد معلمات وفيه ناس اجدر منهم جامعيات ومن كليات التربيه مهيئه لانها تدرس افضل وهم دائما ياخذون جامعيات وكليات التربيه ويدرسون ابتدائي والحمدلله وثائقنا مهي مكتوب عليها فئه معينه للتدريس ندرس جميع المراحل للحين نطالب ثم نطالب ثم نطالب بحق من حقوقنا الحمدلله والي تقول نبي نكمل تسديد وعلينا ديون وعقارات الله يكون بعونك بس وشدخلنا حنا يعني مانتوظف ياما تسددين ديونك اجل ماحنا متوظفين على كذى وبعدين احنا نطالب بتنظيم التعيين صارت مهزله والله التعينات السنه هاذي بالمره شي لايحتمل وظلم عينك عينك عشان بناتكم بالمستقبل يلقن شي منظم لمنهن تخرجن