لا تعليق

عذرا على التأخير
قليل دخولي هنا

طريقة الشراء بسيطة جدا يااخوان
لكن طريقة البيع يبي لها قلب ساطي وصبر وتعب حتى تنال الخير من الله

جملة العود انا اخذها من سوق المعيقلية بالرياض
اشتري نص كيلو عود رائحته اتجمل مثل مايقلون بقيمة اربعمية ريال واشتري درزن علب بلاستيكية بعشرة ريال فيها 24 علبه
ووصي راعي المحل بتوزيع النص كيلو الى أوقيات طبعا النص كيلو يطلع فيه تقريبا 18 أوقية

واروح للبيت واسوي لي شاهي وامخمخ على ترتيب بالعلب
طبعا انا طابع اسمي ورقم جوالي على مطبوعات اللي فيها لزقه من ورى ورخيصه جدا

واحطها على العلب

وابدا انا بعد صلاة العصر واختار حي معيّن واقوم ابيع فيه

وطبعا ياشباب البيع والمشترا معروف مرة فوق ومرة تحت

وهذا كله بقدرة الله سبحانه وتعالى
يعني يبي لك صبر وابشركم ان طولت معي ثلاث ايام وابيعها كلها

الاوقية ابيعها 30 ريال
وطبعا ميزة العود اذا كان رائحته جميله وان شمه احد ينسى قدر الفلوس بس لااحد يطمع

ورائحة العود ماهي مثل العطور الماركه يبغى لك شوية وقت الين يبرد وتميز رائحته
على طول العود يلفت حواسك كلها وهذا مشاهد ومجرب من الجميع

ولاتنسى طاولة رفيعه مع سجادة جميلة ومبخرة وفحم سريع الاشتعال مع الموقد السريع للجمر
لعرض البضاعه

بخصوص الاخوات تقدر تبيع من بيتها والجوال هالحين قرب المسافات
يعني اتخلي اخوها أو ولدها مندوب لها يوصل الطلبات

وبالتوفيق للجميع

[align=center]اخي الحبيب
أنا جربت تجارة البخور الجاهز بانافع والسرتي وغيرها
وبصراحة عينت خير والحمد لله
وجيت أبغى اجرب تجارة العود رحت لبرج العود في جدة في الخاسكية ولقيت انواااااااع كثيرة جداً جداً
وبصراحة ضعت واسعارها ناااااااار
بعضها الكيلو يطلع بـ 1500 و 2000 وتوصل حتى 14000 الف
وبصراحة جربت الانواع الرخيصة وشفتها ما تجمل أبدا وخفت أخسر زبايني
وكانت الانواع اللي نقدر نقول عليها ريحه حلوة يطلع الكيلو حقها بـ 3000 و 5000 ريال
يعني تكون الوقية تقريباً 100 ريال وانت طالع
أخيراً انسحبت إلييييين ما افهم الشغل مزبوط او أني أجيبها من اندونيسيا هناك في انواع ممتازة وسعرها رخيص
يبيعوها ناس حضارم وسعر الكيلو حقها 2800 ريال والله لو جابوها هنا ماتاخذها بأقل عن 10000 آلاف ريال
[/align]

نفسي في هالتجارة بس متخوف لاني من عشاق العود والعطورات بس احسها للناس الكبار مثل عبدالصمد القرشي والعربية

اقدر الاقي شي نظيف ومضمون عندي راس مال ومحتار في المشروع القادم لانه حيكون مشروع العمر باذن الله

بالتوفيق ان شاء الله

السلام عليكم ..

مشكور اخوي ع الموضوع ماقصرت جزاك الله خير ..

بسالك اخوي وش السلبيات في بيع دهن العود عند المساجد والاماكن العامه ..

يعني كل شغله لها سلبيات وش المشاكل والصعوبات الي كنت تواجهها بالبيع ..

وانت ذكرت انك وقفت عن هذا المشروع ليش وقفت وش الاسباب الي خلتك توقف

واخر سؤال اخوي هل في مكان اقدر ابيع فيها غير عند المساجد ؟

وهل هي شغله نضاميه ؟؟

يجزاك الجنه لحبك الخير للغير

الله يجزاك خير على النصح للناس وحرصك على الخير ويرفع قدرك, يكفي الدعوات اللي راح تحصلها من اللي نصحتهم وهذي أهم شي الله يوفقك.

جزاك الله خير وبارك فيك


سؤال مهم انا مالي علاقة في العود ولا افهم فيه كيف اقدر اميز بين العود الاصلي والطيب وبين العود السيء