انا الحمدلله تخرجت من كلية تقنية ( دبلوم حاسب ) وسجلت باللغة الأنجليزية المكثفة ودي ادرس وودي اتوظف والشايب قاعد يزن فوق راسي لأني مقدم ملفي بالدفاع الجوي بالسره والاستدعاء يمكن بعد 4 شهور وانا صراحه ابي انتظر تسجيلات وظائف مدنية ( ديوان مظالم ,... الخ ) ويبيني اتوظف عسكري ما ادري طفش مني ونا بالبيت ما عد يبيني ادرس يبيني عسكري بالدفاع الجوي والطول 166 يبي فكه مني وانا من كثر ما يقول الدفاع الجوي قفل كل شي براسي وصار هدفي الدفاع الجوي لأني ابي خليه يريح راسي واريحه مني والله يا جماعه تعقدت أموري صرت بليد . ويقول واحد اعرفه اذا معك حاسب يعطونك تخصص كاتب برتبة وكيل رقيب .

اتمنى تعطوني رايكم يا شباب وابي نصيحة من اخوان ولا ابي غيرها شي وسلامتكم.

شف الي ابوك يبيه
بالتوفيق إن شاء الله

كلام الوالد أفضل مادام إنه دبر لك واسطة برتبة وكيل رقيب أنصحك توكل على الله وخذها الوقت هذا ماتحصل وظيفه وأنت بكيفك

اول شئ يالغالي السلام عليكم

ثانيا : واهم شئ مو حلوة تقول على الوالد كلمة " الشايــــــــب " وما يحتاج افسر ليه

ثالثا : دبلوم الحاسب كمله بكلوريوس وقدم على الدفاع الجوي يعني ويصير بدل وكيل رقيب يعطونك " ملازم "

وترا وانا اخوك العلم اهم شئ
ترا حتى البكلوريوس الايام هذي بيصير زي الثانوي زمان

استخير

عندي لك نصيحه حلوة

الحين انت جيت المنتدى واستشرت بشر

ليش ما تسجد وتصلي ركعتين وتستشير رب البشر ؟؟

وظيفه مضمونه .. أفضل من مستقبل مجهول


بالتوفيق ..

لا اله إلا الله محمد رسول الله ..

انشروا بارك الله فيكم..

حبيبي عصفور في اليد ولا عشره فوق الشجره
ويعدين ترى الكليه التقنيه مالها مستقبل يمكن ماتتوظف تقعد خمس سنوات
وارح تندم بعدين مادم الله وفق في الدفاع الجوي وكيل رقيب رتبه حلوه وتوكل الله
تصك راتب حول 7500 طلع سياره وتززوج ونبسط يارجال وخلك من الوظايف الا في علم الغيب
الا يجيك الاول خذه يمكن الله اختارك هاذا الامر يعنى يمكن ماتنقبل في ديوان المظالم وبالتوفيق
كليه تقنيه ارربع سنوات عاطل واتمنا العسكريه

الاستخارهـ قبل كل شيء وبالتوفيق

حاسب دبلوم

الجندي في الامن العام راتبه حول ال6 وان زادت توصل 9

كيف وكيل رقيب 7 الاف .؟

انت ادرى أبوك يبغى يصرفك بس