مساكم الله بالخير

نزلت موضوع قبل فتره وأبي لو سمحتولي أني أعيد نفس الموضوع بإضافات بسيطه

أنا ياجماعه الخير بإذن الله أني أنقبلت فالطواريء وفأرامكو أنتظار وموعود خير فبنك الراجحي والعربي

وأبي النصيحه منكم بالآتي :

1_ راتب الطواريء حلو 8400 على كلام مسؤول التسجيل
2-هل وظيفه البنك أفضل من الطواريء ؟ ومن أي ناحيه ؟ وياريت ترتبولي الوظائف ( أرامكو , طواريء , البنوك ) من ناحيه الأفضل ؟

وشكراً لكم ...

انا ماعندي ذيك الخبرة
لكن دائما حط في بالك ان الحكوميه فوق كل شيء

يعني نقول :
الطوارئ اولا
ارامكو ثانيا
والبنوك ثالثا

والله يوفقك باللي فيها خير ومستقبل لك

صبـاحك مسك وعنبر يا ابـو عـزهـ

اول حاجه حاب اقولك الف مبروك ولله يوفقك في اي مجال من المجالات الوظيفة

انت تقول محتار والحيـره هذه خلتك تنزل موضوع على شـان مفاضلة بين ثلاث وظائف

كلام سابك الي قبلي كلامه منطقي :

قالك الحكومي افضل حاجه < ليه ؟

1- البدلات فيه كثيره جداَ وغير كذا اول زياده يحطها الملك للعساكر قبل المدرسين
2- معاش تقاعدي طويل المـدى
3- يومين راحة زي المسلمين
----------------------------------
طبعا كل هذا بعد ما تنهي الدورة يا عسل.

----------------------------------------------------------------------
نجي لأرامكو :

1- رواتب حلوه ( ايش ما كان مركزك الوظيفي ) ومميزات تحفز الموظف
2- توفير كامل الأحتياجات الوظيفية والسكنية وايضاَ المواصلات لو تبغى ,< على حسب المسمى الوظيفي
3- يومين راحة زي المسلمين
4- التعيين معروف في مناطق معيـنة

---------------------------------------------------

نجي لبنك الراجحي الذي كانت تجربتي معاه خير برهان .

1- رواتب لا بأس بها .. وفي حالة جبت عمولات وحققت تارقت ( مبيعات ) انت هنا ما يستغنو عنك

2- ممكن تتعين فمكان قريب من بيتك ( يا كثر بنوك الراجحي بالمملكة )

3 - يومين راحة زي المسلمين

ملاحظه بسيطة ( بعض الأحيان تتأخر في رجعتك للبيت اذا كنت مداوم على حسب ما يكون ( اجتماع ، عميل ناشبلك ، مراجعات الربع السنوي / ...الخ )

شوف الشي الي يناسبك ويريحك يا قمر واستخير والخيره فيما يختارها الله

صح الطواري رواتب عاليا بس كلها بدلات بس الاساسي ضعيف وانصحك اول شي ارامكوا لاحد يقولك وظيفة حكومية
للعلم ارامكو وسابك مملوكة للدولة واعتقد كل الناس عارفة يكفيك ارامكوا بعد خمسة سنوات يجيك قرض السكني وهدية 200000 قيمة الارض غير مستردة لاتنسى حتى لو تعينك بعيد بس تاخذ خبرة وتقدم على الشركات القريبة من ديرتك فانصحك وبقوة ارامكوا اولا لو تلاحظ اكثر العسكر بعد مايتقاعد شوف راتبه كم بيصير لانها كلها بدلات ولحد لايقولك لاتفكر من الحين اهم شي عيش يومك انا اتعب بشبابي ولا اتعب وانا بكبر وكل ماكان اساسيك عالي ترتاح مستقبلا ولاتنسى التامين الطبي عاد تعرف مستشفياتنا في المواعيد وللعلم تامين ارامكو وحتى بعد ماتتقاعد يعالجونك انت وزوجتك العمركله اما انت على راس العمل انت وعيال ووالدينك

وكل الشركات الكبرى او بالاصح كل الامشتركين بالتامينات لهم تقاعد

أرامكو

أرامكو

أرامكو

ثم الطوارئ

وأنسى البنك

الله يجزاكم خير على الردود

وبالنسبه لأخوي غريب والله ماتهمني المميزات اللي ذكرتها , أهم شي عندي هيبه العسكريه وتحديدا من وجه نظري الطواريء والقوات الخاصه وأني أقدر أنقل لأي مكان مو مثل أرامكو وبعض الشركات يكون مكانك محدد فالشرقيه

اي هيبة يعني ما يهمك بعد مثلا عشرين تستلم راتب تقاعدي ١٠٠٠٠ او الفين ايهما افضل وتمتلك بيت ولا تجلس مستأجر

ولاتنسي ارامكو في السنة يعطونك ثلاث رواتب او راتبين اساسي المهم في واحد برمضان عادي هذا راري بس علشان لاتندم الحمدلله انا انقلبت في قطاع عسكري والرتبة عريف بس الحمدلله الله رزقني بوظيفه افضل واستخرت وشاورت الأهل ماارتحت للعسكرية والحمد لله الحين بشركة كبيرة وأبشرك لامي وابوي تامين طبي في اي مكان بالسعودية والبحرين والأردن ومدري في دولة كمان طبعا هذا اقل شي نقدمه لوالدينا انهم مايتمرمطوا في المستشفيات الحكومية وانت عارف المواعيد اعذرني اخوي طفشتك بس أبيك تقارن وغير في أشياء كثيرة