السلام عليكم ورحمه الله وبركاته
ياأخوان انا قبلتني جامعة الملك سعود مسار علمي وقبلني الحرس وخلصت كل شي بالحرس وباقي انتضر نتايج الحرس يقولون برمضان واخر يوم لتسليم الاوراق عشان الجامعة 28 شعبان
فمحتار خايف ارسل اوراقي للجامعة وبعدين ينزل قبولي بالحرس ويطلبون الاوراق وما اقدر اسحبها واتورط واخاف اني اسحب على الجامعة وما ينزل اسمي بالقبول النهائي وتروح علي الجامعة فا استفساري وش اقدر اسوي الحين ووش الحل ؟
ومتى نتايج الحرس ؟
الله يفرج عنكم همومكم ساعدوني
وشكرآ

سلام عليكم اخوي من حقك تحتار وتتخوف بس من رأيي الشخصي انه من كلامك ان الجامعة مضمونة بس الحرس لسه مو اكيد يعني افضل تروح على المضمون اللي هي الجامعة والله يوفقك وانشاء الله يجي احد بعد يفيدك اكثر

والله بالنسبه لي ارسلت الشهاده الاصليه و4 طبق أصل

وفي الكليه العسكريه ارسلت طبق أصل وحده

وتراهم عارفين وضع الطلاب ان عندهم تقديم جامعات وان الشهاده الاصليه مطلوبه


والله يوفقك ,,,

والله شف تبي الي مستقبلة افضل الجامعة

يكفي اذا تخرجت تتوظف في قطاع حكومي وبراتب ووميزات افضل

وفوق كل هذا الراحه بالعمل واذا ماحصلت تقدر تقدم بالجامعة على كليات الضباط

بس على العموم اذا سلمت ملفك الجامعه تقدر بعدين تاخذ الشهادة الاصلية

ويعطونك فترة لازم ما تتعداها ترجع الشهادة تقريباً يومين او ثلاثة
والعسكرية ما ياخذون الشهادة الاصل يطابقون ويرجعون الاصل
وهذا كلام واحد من طلاب جامعة الملك سعود بس ادعي لنا نتخرج باقي سنة الله يعديها على خير

حبيبي انت خليك على الجامعه الحين والحرس ملحوووووووووووووووووووووووووووووووق عليه يكفي لو تدرس جامعه وتتخرج ولك شف وراده في العسكريه قدامك العسكريه وصدقني مع الجامعه بتتغير افكار لديك كثيره وبيتضح لك امور اكثر ووبتووفر لك فرص عمل اكثرررررررر بكثير لكن لو دخلت الحرس خلاص انتهى وضعك عسكري الى ما لا نهاية والعسكرية مي شينه لكن انت وضعك زين وتقدر تروح للجامعه وتبدع وتتجه الى العمل في القطاع المدني دوام مريح بيئة عمل جيده اما العسكرية بيئة عمل متعبه دوام متعب واالدرسة في الجامعه 4 سنوات وفي الحرس 3 سنوات وشوف الراحه في الجامعه وشوف التعب في الحرس وانت واختيارك ولا تنسى تستشير الوالد والوالده والاخوان(ركز على الوالده سبحان الله لديهم شعور غريب صدقني ما راح تندم لاسمعت كلامها)


اتمنى اني افدتك ولك حرية الاختيار تذكر اني ارغب لك في الجامعه وكلامي ليس تنفير من الحرس ولكن من واقع ملاحظه

اي تخصص في الجامعة ووش قبلك الحرس على اي رتبة يعني ..؟

مشكورين اخواني والله يجزاكم خير انا مقبول بجامعة سعود علمي بس الي يقول خل الحرس حرام عليم ظابط تاها المهم الف شكر والله اني كنت محتار بس الحمد لله ساعدتوني وانا ابرسل الاوراق للجامعة وانتضر نتايج الحرس اذا كنت مقبول نهائي ابسوي مثل ما قال المعلومات والاخوان واسحب شهادتي ةاقدمها للحرس الف شكر

ما اتوقع انك تقدر تسحب ملفك اذا ارسلتة للجامعة تاكد قبل وبالتوفيق لك