ابي اهل المشوره والخبره.....بامكاني الان شراء دينه خضار..... وفكرتي نقل الخضار من القصيم الى الرياض
بس.... ابي مساعده كيف الاليه
وهل احد عنده خبره او يعرف احد سبق وان اشتغل في هذا المجال

يا اخي هل انت بتنقل لناس خضار اذا نعم هم يوجهونك انت بس عليك توصل لهم اللي يبون

واذا كان لا تبي تبيع وتشتري اسهل منها مافيه تعال للقصيم وطب وتخير من الخضرة والفاكهة وحمل وبتعين خير

ثم رح للرياض وابسط والا بع على المحلات
ترى الشغله خضار مايخوف ولايقلق سهله جدا

كيف يتم معرفة الاسعار هنا وهناااااااااااااااااااااااااااااااااااك
ممكن اشري بسعر واحصله اقل

الررررررررررررررررررررفع........................

صدقني مايصلحلك شكلك ماتدري عن الشغله البته

الله يرزقك

رح للسوق خلك فيه يوميا تعرف على الاسعار وشف اكثر الي يشرون وين يروحون يعني يبسطون وين
خلك جرررررئ اسال وبتعرف الشغله


سوال .. الدنه يطلع لها فيزه سائق ؟ الي يعرف يجاوب الله يجزاه خير

اخوي ،

شوف يابعدي شفلك يوم تزرق للرياض
وتشوف اهل السوق الي برياض ،

وتقولهم عندي خضار من القصيم ،

تبون نجيب لكم ، تشترون ومن هالكلام

وخش ف عيونهم وخلك اذا دخلت السوق كانك ابو العارفين وان شاء الله ربي يرزقك

بس أنت رتب امورك وشوف وضعك وصدقني بتلاقي باذن الله خير ،

وبتلاقي شراي الخضره وبيزيد عليك الطلب ب اذن الله

والله يسهل أمورك ويرزقك ويرزق أخواني المسلمين وخواتي المسلمات

ويجعل لي ولك ولهم من كل ضيق مخرجاً

تحياتي لك أخوك سالم

مانب متأكد بالمره يقولون ان اجار الثلاجة سبع الاف وتاكد لاتاخذ كلامي سمعت والعهدة على الراوي