19-07-2012, 05:30 AM
|
 |
عضو نشيط
|
|
تاريخ التسجيل: Apr 2011
الدولة: في عــــــــــز آبوي
المشاركات: 156
معدل تقييم المستوى: 114913
|
|
حبوووقه مااضبطت معي الرسائل الخاااصه ولا ودي اتأخر عليك اكثر
هلا وغلا صباح الورد وكل عاام وانتي بخيرر حياك
بالنسبه لطبيعه المترجمه انا كنت بقسم ولاده واقسام تنويم الحوامل في مستشفى الملك فيصل العسكري اغلب الاقسام نسائيه تقريبا المطلوب منك حلقه وصل بين المريض والدكتور تسألين هل تعاني من امراض معينه ( ربو سكر ضغط صرع حساسيه عمليات سابقه ,,الخ كان هالكلام موجود بورق خااص لكل مريضه اعبيه لما تجيني بقسم الولاده بالاضافه الى معلومات شخصيه جوال اسم زوجها ...الخ
واحيانا تكونين مع الدكتور ومعه مجموعه دكاتره حريم ورجال هذا ب اقسام تنويم الحوامل ف الغالب يكون فيه دكاتره عرب ماابينادونك الا في شغله ماهي شغلتهم بالذات سالفه الاوراق
يقولون لك خلي المريضه تقرأ الكلام وتوقع عليه مثلا ف حاله ولاده قيصريه تقرأ اضرارها وتوقع عليه
انتي تقرئين لها لانك بتقابلين ناس ماايعرفون يقرئون
اما في مستشفى فهد العسكري اللي هو عيادات تخصصيه مثل عياده باطنيه جراحه دم غدد عظام مسالك
تكونين مثل شغل الممرضه يعني تطلعين نتائج التحاليل من الحاسب تكتبين مواعيد المريض وتوضحين للمريض كلام الدكتور اذا كان اجنبي واحيانا تكونين مع الطبيب توضحين او تسالين المريض عن امراض سااابقه حساسيه عمليات سايقه او اي استفسار من المريض للدكتور والعكس صحيح
نسيت اقولك بيعطيك مديرك ملزمه فيها مصطلحات تفيدك بالقسم اللي انتي شغاله فيه موجود المصطلح وترجمته
مو شرط تحفظينها بس تحاااولين تلمييين بها لانك راح تحفظينها تلقائيا نفس الكلام تقريبا راااح يمر عليك كل يوووم
اغلب الدكاتره يعرفون عررربي مكسر يتفاهمون مع المريض واذا مااعرفتي وش يقصد الدكتور عااااااااااادي اساليه وش تقصد يوضحلك بطريقه اسهل توصلين المعلومه للمريض لانه بيقول لك الطبيب مصطلح طبي واحنا دراستنا مااالها علاااقه بالطب فعااادري اسأأليه ماافيها شي
وبعد معك 3 شهور فتره تدريب وتجربه لك اول مااتجيين يشوفوا تتحملين المسؤوليه ؟ سريعه تعلم ؟
ترى راح يسأل مديرك من وراك الناس اللي تشتغلين معهم بالاخير في تقييم ل أدائك اللي تقييمه ضعيف وهذا ناااااادرا مايكمل الوظيفه
والدوام من 10 الى 12 ساعه
واي سؤال انا حاااضره لاتستحين
الناس لبعضهاااا
بالتوفيق.
|
العرض العادي
