[align=center]السلام عليكم
كيفكم جميعاً ؟
أنا من الدفعه السابعه بس جيت اسلم عليكم واباركلكم
وأبي اسألكم انتم كلكم تزكياتكم وصلت متأخر ؟ كم أخذت تقريباً؟ وكل دفعتكم للحين ما باشروا والا جزء و جزء ؟؟؟
السؤال الثاني بلييييز احد منكم يعرف حضانه قريبه وتستقبل لوقت متأخر اقصد للعصر يعني؟؟


* اللي بيفتح حضانه تراه مشروع ناااجح بإذن الله لأني اكتشفت ان عاملات النظافه مسوين حضانه ببيوتهم وكل طفل 800 بالشهر * بس انا صراحه ما اضمن فاللي يقدر يفيدني ياليت والله ...ولكم جزيل الشكر [/align]

زعليكم السلام ورحمة الله وبركاته

الحمد لله انا بخير < دام حبوقه نايمه هههههههههههههههههه

اهلا اخت بعيده بالنسبه للتزكيه المده لها شهر او شهر ونص بس حنا طولت معانا لان صادفت فيها عيد الاضحى واستقالة اللواء كتاب العتيبي الله يشفيه وامور كثيره بس ااهمها ان حبوقه معانا ههههههههههههههههههه < والله امزح
وبالنسبه للمشروع جدا ناجح وش رايك تبدين فيه واتركي المستشفى والنحاسه خخخخـ
ميت من الضحك هههههههههههههههه

وبالنسبه للحضانه ممكن بالمستشفى في حضانه اذا راجعتيهم اساليهم عن الحضانه؟

في من دفعتنا باشروا قبل شهر وقبل اسبوعين س مو كثيرين


وعسى الله ييسر الامور ويوفق الجميع

[align=center]ابووليد ما تقصر هنا وهناك دايم تجاوبني الله يجزاك خير ...
مصمميشن تخصصي غيرصحي والحضانه صدقني بالراحه بتلقى مين يديره لك واذا جزمت مستعده أساعدك بالأفكار و النصائح لأني اكتشفت ان عندي نظره تجاريه ناجحه لكن للأسف لا يوجد تشجيع

اليوم انا رحت لحضانه بمستشفى فهد جداً جميله طبعاً الفلبينيه تحاول تصرفني بأي طريقه واننا مانقبل ولدك واصريت اكلم المديره ونفس كلامها مافي مجال وفل واشوف الأطفال قليلين بس هالحضانه تبع المستشفى ومافيها غير طفله وحده سعوديه الباقين اجانب والمديره قالت لي بزرانهم من زمان هنا يمكن نقبل ولدك بعد سنه
اليوم جداً اكتئبت الى متى والأجانب هم المستفيدين؟ ولو عندي القدره كامله كان اسوي مشروع الحضانه موب عشان الماده لا أنا احب اخدم اهل ديرتي افرح لما اشوف سعوديات موظفات بكل مكان [/align]

ابو وليد ممكن تفهمني ايش التشغيل الذاتي ؟ هل حنا تبعه والا كيف

اخوي ابو وليد ماقصر كفى و وفى ولو يسمح لي ابو وليد
النشغيل الذاتي يعتمد على عناصر هي اللي تحدد راتبك
- نوع وظيفتك اذا كانت اداريه او فنيه
-مستوى شهادتك العلميه
- عدد سنوات الخبراه اذا كانت لديك
التشغيل الذاتي يختلف ساعات الدوام ع حسب القسم اللي تداوم فيه
بعضهم يداوم من 7:30 الى 4:30 وبعضهم يداوم 7:30الى 2:30
وفي غيرهم مناوبات ومثل ماقلت يحكمه القسم اللي تشتغل فيه

الترقيات ..تعتمد على تقييم رئيسك بالعمل ويشترط ان يكون تقييمك لا يقل عن جيدجدا في اخر سنتين ... وبصراحه هذي ميزه حلوه كل ماتعبت اكثر واشتغلت وانتاجيتك جيده تكون فرصتك في الترقيه اكبر ..مو مثل ديوان الخدمه لو تحترق هي علاوة اخر سنه والسلام
.
.
طبعا في سلم رواتب تم اعتماده من قبل الوزارة في عام 1432 هـ
موجود وتقدر تحسب عن طريقه راتبك
.
.
التشغيل الذاتي لا يوجد فيه بدل تعيين لكن زي ما قال اخوي ابو وليد في بدل سكن ومجزي وكمان يتم تسجيلك في التأمينات الاجتماعية بعكس الوظائف الحكومية الاخرى
التشغيل الذاتي هو قطاع خاص تديره الحكومه و العكس صحيح
.
.
.
الدوام يختلف بعض الاقسام الخميس والجمعه مايداومون
وبعضهم يلحقه خميس واحد في الشهر كله
وهذا كله يستند الى تخصصك الوظيفي
..
.
.
واعتذر اذا كنت تليقفت في الموضوع اتمنى اني افدت
.
.
.

ماشاء الله عليك قلت كل شيى بالتفصيل الممل ع قولتهم

اشكرك ع مداخلتك < وباين انك خلصت نوم واتساب ههههههههههههههههههههه


واخوي مصممنيشن تدخلك حلوووو ومفيييد جدا لككل

هنا تجمع لفائدة الكل وانا ماعرفت عن التشغيل الا من الاخت نبض الوجووه كانت موظفه وقالت اللي تعرفه عن

المستشفى من واقع خبررره وايضا سالت اكثر من شخص عن التشغيل الذاتي

وبالنسبه للامان الوظيفي لاحد يخاف يقول نهاية السنه ممكن مايجددون معي هم مايجددون مع

الموظف االلي مرررره ماله حل يعني معدوووم غياب ووجوده مثل قلته فهمتوا يعني لااحد يخاف الامان الوظيفي موجود


وعسى الله يوفقكم وتوكلوا ع الله بكل اموركم

معليش الموضوع تحول ضحك و سوالف !

وهالشيء مانسمح فيه داخل مواضيع طرحت لهدف معين

اتمنى ماتخرجون عن صلب الموضوع

اوكي سوف نرجع الى صلب الموضوع ولانخرج عنه بس حبينا نغير جوء شوي !

وحبيت اشكركم ع المنتدى الاكثر من رائع

وانا بعد حبيت اشكركم ع هالمنتدى الاكثر من رائع
ومقدر واحترم قوانينكم في المنتدى
لكن انا طبعي احب الابتسامه بكل شي ... وابشروا بنتحمل قوانينكم ولكم الحق ولكن نرجوا تحمل ابتسامتنا
.
.
.
ابو وليد شف نحاسة حبوقه وش سوت فينا ... جانا انذار من المراقبين
.
.
.
ع العموم جزاكم الله خير ع هالمنتدى