14-07-2012, 03:21 PM
|
 |
عضو مهم جداً
|
|
تاريخ التسجيل: Jul 2011
الدولة: هـــنـــــــــــآآآآآآآآآآك
المشاركات: 510
معدل تقييم المستوى: 1392857
|
|
دبلومات مجانية لدى أكاديمية كاسكو فالدمام والخبر
بسم الله الرحمن الرحيم
السلام عليكم ورحمة الله وبركاته
مساء الخير على كل الأعضاء / العضوآت الكرام
أمس وصلني برودكاست على البلاك بيري يفيد ان فيه دبلومات مجانية على حساب
الصندوق الخيري الإجتماعي لدى
معهد أكاديمية التعلم العالي النسائي للتدريب بالدمام
أو ما يُسمى بِ ( كاسكو)
فما حبيت أنزل خبر وأنا مو متأكده منه، فرحت للمعهد أسجل فالدبلومات
وطلع الخبر صحيح وأنا ولله الحمد باقي لي الموافقه النهائية
واللي بخلصها العصر اليوم بإذن الله
المعهد مُعتمد من المؤسسة العامة للتدريب، وهذا هو الرابط للي حابه تتأكد :
http://www.tadreeb.info/license/find_license_pro.php
الدبلومات المتوفره هي:
- برمجة
- شبكات
- مُحاسبة
- العلاقات العامة والإعلام
الفئات المُستفيدة هم المنتسبات للجهات التالية:
- الضمان الإجتماعي
- الجمعيات الخيرية
- اللجنة الوطنية لرعاية السجناء والمفرج عنهم وأسرهم
- المؤسسة الخيرية لرعاية الأيتام
- اللجنة الوطنية لمكافحة المخدرات
- مشاريع الإسكان الخيري
بالنسبة لخطوات التسجيل:
تروحين للمركز الرئيسي فالدمام / الطبيشي / شارع الأمير محمد بن فهد / بجانب مطاعم برجر كنغ
وبعدها راح تتوجهين لمكتب المسؤولة عن التسجيل للفئات المذكوره فوق
راح تاخذ منك إثباتك (بطاقة الهوية الوطنية / كرت العائلة)
بعدها بتسجل بياناتك في ورقة وتسلمك إياها وتطلب منك
مُصادقتها من الجهة اللي تبين تسجلين تبعها
ولما تختمينها ترجعينها لها، وراح يطلبون منك
- 4 صور للشهادة الثانوية العامة
- 1 صورة للإثبات
وش بيصير بعدها هذا اللي ما أعرفه
لاني لسى ما خلصت الإجرائات
حبيت أنزل هالخبر لان الموضوع صار له فتره
والمقاعد محدودة
الرقم : 038348227
تحويلة : 104
أوقات الدوام : من 8 إلى 12 وَ من 4 إلى 8
لحد يسألني عن وصف موقع المعهد لأني دآآآآجه
هههههههه
الله يوفقكم خوآتي وييسر لكم أموركم  
دعوآتكم لي 
هذا رباط لخبر في أحد الصحف الإلكترونية، حبيت أضيفه لاني قلت يمكن أحد يستفيد منه
http://www.alkharjonline.net/news-ac...w-id-16868.htm
التعديل الأخير تم بواسطة روح حره ; 14-07-2012 الساعة 03:26 PM
سبب آخر: إضافة رابط ...
|
العرض الشجري
