اليوم رحت للمستودع الخيري حسب الموعد عشان مقاضي رمضان زحمة عالم حريم عجائز اطفال والله اطالع فيهم واتخيل نفسي بعد كم سنة ان شاء الله مستندة على العصا انتظر الصدقة 000 انتظرنا انتظرنا انتظرنا واخيرا جاء الفرج وحظرت الموظفة تجمع البطايق بهدوء بلامبالاة ونحن تعبانين من الزحام والانظار اللي واقفين واللي جالسين على الارض واللي لحقوا الكراسي وابناءنا ينتظروا في الشارع تحت الشمس وهي والله تحرق الدم كل مانادت رقم اخذت تتناقش وتتفلسف ربع ساعة والاخر تقولها مافي صرف في ورقة ناقصة شوية والصوت بلمكان كله تصرخ على امراءة تقولها 00 ايش اسويلك يعني اوقف الصرف عشان اتكلم وافهم حضرتك 00 انقهرنا اخذنا ننظر لبعض بصمت باانكسار تمنيت ان اقول لها (ياايها الذين امنوا لاتتبعوا صدقاتكم بلمن والاذى)
شوي والقهر الاكبر اثنان صغار بلسن شابات دخلوا على طول على الموظفة الثانية تخيلوا دخلوا المكتب ونحن لانجرو على الاقتراب منه سلمت عليهم وشوي وهي طالعة قدامنا كلنا تقول هي صرفتلكم مقاضي والان اسلمكم شيكات لكم 000 نحن بلسنين ولم يفكروا يوم يسلمونا اي شيك 000 نحن نفترش المكان بالم بتعب بذل منذ ساعات كبار لم تقدري سننا سبحان الله الواسطة طغت على الحق 00
الحريم جن جنونهم منها اخذوا يتحدثوا كل وحدة تقول اين المدير بس خايفين
يااخواني واخواتي هذه اموال زكاة لايجوز التلاعب بها انا ودي ابلغ المسؤؤل لان المناظر هذه بدءت تنتشر بلمستودع لكن اشلون كيف ابلغه حنا مكسورين نخاف نتكلم يطردونا وورانا مسؤلية لكن مايجوز السكوت حقيقي لاننكر البعض بلمستودع امين يخاف الله لكن يجب ان نحمي انفسنا واخواتنا ووطننا من هذه الاشكال اللي تخرب على الباقي كيف العمل
والحمد لله خرجت من عندهم بعد ساعات بماء وتمر وصلصة وانا احمل بصدري هم وضيق ليش يااصحاب الخير