السلام عليكم

انا رايح للحرس بكره وابي احد يفيدني هل هم بيدققون ب الوزن ولا لا

الطووول ممتاز

طولي 174

بس وزني هو اللي شوي يمكن يسبب لي مشكله

وزني 114

تهقون يمشوني

روح وربك يسهل الامور

الله كريمم

الواحد وانا اخوك ما يدري وين رزقه رح اطرد ورى رزقك وشف ربي وش يكتب لك

خابر واحد من اللي اعرفهم يقول كنت مقدم على حرس الحدود وهو وزنه زايد شوي و يقول شفتهم كرشوا واحد مقارب لوزني و سالته قالي يقولون لي انت سمين رح انحف و قدم مره ثانيه و يقول تحطمت و باقي قدامي 3 و ادخل على المقابله الشخصيه و يقول يوم دخلت المقابله الشخصيه قالوا لي يحوول انت رجعت بعد تونا قلنا لك رح انت منت مقبول !
يقول ضحكت وقلت لا لا انا واحد ثاني ضحكوا لي و قالوا لي شف تبي تنقص بالوزن قبل لا تدخل الدوره راح نمشي امورك اللحين واذا ما نقصت ترى ما راح ندخلك الدوره و راح نشوف وزنك بالاسم قبل الدخول بالدوره يعني لا تسوي انك تبي تلعب علينا يقول حلفت لهم اني انقص قبل لا ادخل الدوره و وافقوا علي و اللي نقصه قبل لا يدخل الدوره تقريباً 30 او 40 كيلو


الواحد و انا اخوك يشوف و يسمع ان فيه ناس وزنهم شوي زايد و اذا قراء لاحد انه سمين و انكرش تحطم تحصله حتى ما يقدم على عسكريه خوفاً من انه ينكرش !!

قدم و شف ربي وين يوديك و وين كاتب لك الرزق

يا رجال هالحين حر حاول انك ما تاكل ابد ابد واشرب مويه كثير وتحرك كثير الله يوفقك وما عليك تمشي

توكل على الله وان شاء الله تعدي امورك ربك كريم

الله كريم والله يعطيكم العافيه جميع بروح لهم الساعه ٨ كذا وبرد لكم خبرالله يسعدكم ويوفقكم

الله يوفقك و يسهل امرك

الله يدبر الامر من سابع سماء وانا اخوك احسن الظن بالله يحسن الله اليك و ربي ارحم بالعبد من نفسه و اذا الله كاتب لك الخير و البركه فيها راح يجعلها من نصيبك و اذا لا اعرف ان فيها شر لك و ربي رحمك من هالشر و كفاك اياه


( والله يعلم وانتم لا تعلمون ) <~ هالايه فيها الاجابه الكافيه لانك تتسائل ليه حظك كذا ولا ليه ما انقبلت و من هالاسئله اللي مالها اصل بالحياه

ربي يوفقك ويجعل لك في كل خطوه توفيق و سلام من كل شر بما يحب ربنا و يرضى