10-04-2008, 12:41 PM
|
|
Guest
|
|
تاريخ التسجيل: Mar 2008
الدولة: بلادالورد والشهد والرعد؛
المشاركات: 1,242
معدل تقييم المستوى: 0
|
|
|
قالت منت بحلو .. قلت : رجّال ...!!! ( روووووووعة ) !!
قصيدة أعجبتني
وحبيتكم تشاركوني قرائتها
( والله ما أعرف مين الشاعر  )
قالت ترى منت بحلو قلت رجـّـال ** والزين ماهو من شروط الرجوله
الـــزيـــن يلقى عـنـد لباسة الشال ** والـرجــل زيـن ان زانـت فـعـوله
قـالت علامك تلبس شماغ وعقال ** انت بدوي؟ قلت بدوي ومن حموله
ماألبس بناطيل لها ألوان وأشكال ** وأمتر الشارع بعرضــــه وطـــوله
قالت اجل راعي مـعاميل ودلال ** شرب القهاوي تحسبونه بطـــولـــه
كيفي يابنت الحضر دله وفنجال ** وحليب خلفه بالمراح مـــعــقولــــه
وحب الكرم والجود وعلوم الابطال ** مغروس فينا من زمان الطفوله
قالت ترى بنت البدو حظها مــال ** قلت احذري حذرا تكوني جهوله
بنت البدو يابنت مضرب للامثال ** فوق الجمال وطاعة الله وخجوله
ماحطة أصباغ ولا حطت ظلال ** ولا سيرة بالسوق سير مهبولــــه
هي مهرة تصعب على كل خيال ** وانتي ومثلك عسفهن بالسهوله
قالت تغزل بي وشف حبة الخال ** ناظر عيوني والرموش الكسولة
قلت العفو مايجتمع حب وهبال ** ولـــكـــل ذوق فالمزايــيــن جوله
قلتي وقلت وكلة الصدق تنقال ** الزين ماهو شرط من شروط الرجوله
--------------------------------
[BLINK]
تحياتي لكل متذوقي الشعر الجميل
المــــــازنه ،،
[/BLINK]
|
العرض الشجري
