من وين يا ندى المساء ؟
وكم التكلفة للكيكة الوحده؟
الصورة الثانية والثالثه مرة روعه..
حاولي تسويق الكيك على الكوفي شوب واذا أنتي من نفس المدينة الي انا فيها أحاول أساعدك بأذن الله.

شكرا لفكرتك شيخه العاطلين ..

من ذوقك أختي
أنا عايشه بالرياض
وتكلفه الكيكه الوحده بالنسبه للكب كيك 3 ريال للحبه
والقالب ب100 وطبعا على حسب الاحجام والأشكال ..

أرجوا أفادتي لكل من له فكره أو خبره في هذا المجال..

مشروعك ممتاز اختي
لكن ينقصك حاجتين.
التسويق + الصبر.
رغم ان الصور مي ظاهره عندي..

لكن فيه شويه اشايء حاولي تستخدميها كدعايه..لمنتجك.
اولها المجتمع المحيط بك.
وصلي لهم بأي طريقه كانت فكره ان الكيك اللي تسوينه فيه مكون سري..
وهم يقومون بدور التسويق عنك.

اعرضي منتجاتك في المنتديات واعرضيها على الكوفيهات والناس اللي اللي عندها حفلات.

صوري الكيك بوضعيه معينه بحيث ان الصوره تنقل رسالتك للعميل .
زي كذا.





واخيرا:



لكل صوره رساله خفيه...


والله يوفقك في مشروعك.. لا تتحطمين من البدايه..

انا مستغرب انه مامشى سوقه لأنه هن في جدة ماشاء الله الطلب عليه كبير واشوف محلات الكب كيك وتزيين الكيك زحمة وفكرت ابدا مشروعي فيه بس صاحبي اللي كان معي وقف عن الاستمرار ولكن بنظرة عامه أجد ان الطلب عليه كبير قد يكون تفكير الناس في طريقة التوصيل أو السعر أو التسويق فلذلك يحتاج منك اعادة نظر في هذه الأمور حتى تجلبي الزبائن وتمنيت لو انك هنا في جدة للدخول معكي في المشروع والانطلاق لأني متحمس للفكرة
أطيب الامنيات،،،

شكرا للفتتك أخي متابع ..
ولكن ماأعجز عنه هو الدعم المادي للموضوع أيضا
لأن للتجربه والتمرس من المهنه تحتاج دعم مادي من الادوات وغيره وهذه النقطه أفكر فيها ..
وشيئ أخر أفكر في عمل شيئ مميز ولاكنه يحتاج إيضا دعم مادي .
هذه النقطه تشغل حيز بتفكيري..

الله يجزاك الخير أخي تجاره على دعمك ..
وبصراحه شغلت بالي أنه مو ماشي والمشكله أنا لي خلاني أحبط أكثر أن جربت بنفسي سوقت وفي زباين لاكن زباين غريبه من جميع الطبقات وتفكيرها واحد تقول أن إي قالب كيك من إي محل حلويات نحصله أقل من ميه ريال بصراحه تحطمت وفقلت بستشير في المنتدى وأشوف أهل الخبره ياأكمل ياأغير الفكره للأسف مع وجود الموهبه ..

أتمنى كل من له خبره أو أدنى فكره في الموضوع أن يفيدني فيه...

ما شاء الله ،،،

كب كيك شهي اممممممم

وفقك الله واهم التسويق

و تعاقدي مع محل حلويات قريب منك يمشي اعمالك

رزقك الله من حيث لا تحتسبي ،،،،،،،،،،،