السلام عليكم ورحمة الله وبركاته
إخواني طالب رايكم ( لاندم من استشار ) الموضوع راح احط فيه كل التفاصيل
مقدم على وكالة قهوة بحيث اكون وكيلهم الحصري في المدينه .
اعطوني خيارين
الاول كشك ويكون المبلغ 300 الف ريااااال
شامله تجهيزه بالمعدات والكشك نفسه ودوره للعمال
طبعاً يقول بما ان الكشك جديد راح تشتري ب 35 الف
زائد الـ 300 الف .
وبعدين راح تقل المشتريات بحسب الكميه الي احتاجها . لقيت كشك في محطه على مخرج المدينه وكثير من الشركان ( ارضيه 3*4) طالب فيه 60 الف . طبعاً فيه ارضيه قبله ولكن طالب 75 الف تدفع ع فترتين .
المبلغ الي احتاجه كله راح يكون في حدود 400 الف .

الخيار الثاني من الشركه هو
محل كوفي شوب والمبلغ الي ياخذونه هو 200 الف ولكن هذي المره هم يتكفلون بالمعدات زائد تمويني بمبلغ 35 الف قيمه لوازم الكافي . ولكن الديكور انا اتحمله . لقيت محلين تقريبا مساحتها 10*6 وعرضها بإيجار 40 الف واول سنه يكون مجاني ، المحل زاويه ع شارعين 15 متر . وقريب من منطقه مركزيه ( السوق )
التكلفه راح تكون تقريباً 300 الف .

انا محتار بينها والي مخليني محتار اكثر ان الشركة تعطيني وكاله حصريه للمدينه الي انا فيها .
تكفوووووون ابي رايكم وشوركم

iiiiiiii

ياشيخ أنت وكالتك اللي تبيها بارنيز صح والا لا

واذا ما خاب ظني أنك في الشمال


اذا كان أحد الخيارين صحيح عطني خبر وتري بقي شغله ماتدري عنها

ولم تذكرها أو بالاصح ماعطوك خبر فيها

بيفيدونك اهل الخبره ان شاء الله ياخوك

استغفر الله العظيم

وكالتي في السعوديه .
وانا اخوك اعطيتك كل التفاصيل ، وثق بأن رزقك لن يأخذه غيرك .
اما الـ٧ ٪ الي ياخذونها . امر اعتبره بسيط لأن ماياخذون من ١٠٠ الف الا سبعه الاف وهذا امر انا اشوفه عادي جداً .
استشارتي في الكشك + عرض المحل لي .
وهل الكشك راح يكون دخله زين قياساً بالمبلغ . او الكافي بيكون اوفر ومقارب لدخل الكشك .

أخوي ماجد الله يرزقك من واسع فضله

الغالي أنت أستشرت وأنا بشور عليك

المبالغ اللي راح تدفعها تقدر تفتح اربع فروع مرة وحدة ما رأيك

انا نويت خلص اخذ منهم وكاله تفاهمت معهم وانا اخوك لكن يوم شفت شروطهم كذا عضيت ثوبي وانحشت

والله لو أنه ستار بوكس علي غفله

المهم 7% من أجمالي المبيعات وليس الربح الصافي أنتبه ( أتمني أنك فهمت النقطه هذي )

امين وانا اخوك وكل من يقرا .
الحيره وانا اخوك هي في ( الوكالة الحصريه ) انا على استعداد ان انسى الارباح بس بشرط ان الكافي او الكشك يشيل ايجاره ورواتب العمال والمشتروات .
هي نسبتهم 7 بالميه يعني شريك في الربح ، وهذا الشي انا ماهمني ابد .
اما بالنسبه للمبلغ الي بخسره وانه راح يفتح لي اكثر من كشك بنفس المبلغ ، في نظري اذا مريت في مكان وكانت فيه كشك يحمل اسم ماركه وكشك يحمل اسمه الخاص . راح يكون المحل الي يحمل اسم الماركه هو وجهتك الاساسيه خصوصاً ان الاسعار وحده .
اخواني بحاجه لرايكم
هل الكافي راح يكون دخله مقارب للكشك او ان الكشك راح يكون اكثر ، علماً ان ايجار الكشك 60-75 الف ريال
والكافي 40 الف مع سنه مجاناً

في انتظار رايكم