السلام عليكم ورحمة الله وبركاته

عندي راس مال تقريبا 100 الف ياربي لك الحمد

وأفكر في مشروع تجاري مربح

توجهاتي ناحية النساء

فكرت في محل اكسسوارات وعطور ولقيت منطقة جهة قصور افراح و3 مخططات شبه مسكونة وفيها خدمات الا محل اكسسوارات

تنصحوني افتح هالمشروع ؟؟ او أحد عنده فكرة اخرى مربحة

واذا على مشروع الاكسسوارات من فين اجيبها بالجملة وسعر رخيييص وابغى العطور الاصلية ( مش تعبئة دبي مثل قزاز ) وبالجملة

اسال المولى عزوجل أن يوفق كل شخص يمر عالموضوع

ويرزق ويسعد كل مين يرد ويحاول يساعد

العطور صعبة وتحتاج راس مال ضخم عشان تصير مميز عن الاخرين ولا تنسى الرياض غاليري ووجوه ومدري ايش هذولا محتكرين الشغلة وغيرهم تقدر تقول اي كلام

ثانيا وعن تجربة صغيرة النشاط اللي تفتحة لازم تابعة كل يوم وتقوم على فلوسك بنفسك

ثالثا 100.000 ريال هذي لازم تصير مخصصة للتجارة بمعنى حط في بالك احتمال الخسارة حتى لو كنت مخطط للامور صح وبالملي

يمكن انك اخبر مني لكن هذا اللي تعلمتة من التجارة

وشكرا

عندي فكرة حلوة اللي هي تفتح في مول كبير وتجيب اكسسوارات بنات تعليقات واشياء زي كذا

من تايلند وصدقني هالمشروع ناجح لانه مميز بس خطط له صح

الله يوفقك ويرزقك من واسع فضله

الله يجزاكم خير ويوفقكم ربي

بخصوص احتكار الشغلة فيه محلات تجيب ستوكات عطور ماركة من فرنسا اصلية بس العلب غير اصلية وبعضهم عطور اصلية فرنسية وعن تجربة