المشاركة الأصلية كتبت بواسطة أخو الجازي

فلوسها حرام لاتبيها ، ولو كل شاب تركها كان اضطرو انهم يوظفون سعوديين من الخريجيين اللي جالسين في البيوت ومالينها .
تدري ليش اختارو طلاب الجامعات ، لانهم راح يقبلون باي راتب ، طالب الجامعة توه صغير واهله يصرفون عليه وتنزله مكافأة من الجامعة بعد ، فشيء طبيعي بيقبل بالف وميتين .
اللي متخرج من الجامعة وقاعد في بيتهم ما راح يقبل باقل من ثلاثة الاف ، الحد الادنى للاجور ، والرقم اللي راح يمكنه انه يفتح له بيت ويكون اسرة.
انت جامعي ما يهمك تفتح بيت ولا تكون اسرة اثناء دراستك في الجامعة، اما المتخرج هذي اولى اهتماماته لذلك راح يطالبهم براتب ثلاثة الآلاف .
شوف كيف التحايل والتلاعب على القانون كله عشان يوفرون الف وثمنمية ريال ما يعطونها السعودي.
مع انك ما راح تشتغل والمتخرج بيشتغل ، بس هم ما همهم ، هم شغلهم ماشي ماشي بالسعودي وبدونه ، لان شركات المقاولات هذي ما عليها رقابة ولا حسيب فعلي ، لذلك تلاقي اهم المشاريع في البلد متعطله ومتاخرة سنوات وسنوات ولا معبرين في احد، قرارات واوامر الملك نفسها ما نفذوها ، عندنا في منفوحة مشروع ممشى مصلى العيد بتلقىة حاطين لوحة كبيرة بقيمة العقد ومدة تنفيذ المشروع وكل المعلومات والحين مطوفين أم أمين المدة وتوهم ما أنجزو ولا 20% من المشروع حسبنا الله ونعم الوكيل يا رجل.


لا تبيهم وانصح كل اخوياك ومعارفك في الجامعة لا يسجلون معهم ، تراها كلها سنة وبتعرف كيف القهر والغبينة اذا تخرجت ورفضو يوظفونك الا بالفين مدري الفين وخمسمية ، أو عطو وظيفتك لطالب جامعة بالف وميتين وهو يقبل فيها اما انت تطلب حقك ثلاثة الاف.

المشاركة الأصلية كتبت بواسطة الديسق

اسال الجامعه عندها اشكاليه انها تدرس موظف


لان اغلب شروط الجامعات انه مو موظف او اذا كان موظف يكون معه خطاب من العمل

المشاركة الأصلية كتبت بواسطة زاهر القرني

[grade="00008B FF6347 008000 4B0082"]لا لا لا لا لا والف لا[/grade] ههههههههههه اعصابي احس اني هورت اخووووووي ابعد عنها دام باقيلك سنه وتتخررج بعد اذا جيت تقدم يمكن مايقبلونك فاهم واول شي حررررررررررررررررررررررررررررم

المشاركة الأصلية كتبت بواسطة awlama

موضوعك عادي وهذا يرجع لك انت اذا تبي تسجل او لا وفيه فايدة لك بعدين الخبرة انك مسجل بالتامينات وايضا مبلغ التقاعد

المشاركة الأصلية كتبت بواسطة عاشق ينبع النخل

ياخوي لايضر ولاشي اغلب الناس كذا ومتى مابغيت تفصل روح التامينات واسحب
وانتهى الموضوع
وياخوي دلني على الشركه انا طالب وابغى اسجل اما نتراسل على الخاص او اقابلك

المشاركة الأصلية كتبت بواسطة لك مشتاق

عادي ياخوي مافيها مشكله
تقدر تدرس وتشتغل بعد
بالتوفيق لك